Jerimaia 36:19 - Edo Bible (E Baibol Ẹdo) Version 1996

¹⁹ Iran keghi tama rẹn wẹẹ, “Wẹ vbe Jerimaia hẹko ya lẹre wa ghẹ gie ọmwarhọkpa rẹn ehe ne uwa ye.”

Jerimaia 36:19 ပူးပေါင်းရင်းမြစ်များ

I Ọba 17:3

“Kpao vbe emwa na rre, laghe odẹ ahọ ne u lẹre ye ọkpẹn ovbi ẹzẹ Kiẹrit vbe odẹ ahọ ne Jọdan.

I Ọba 18:10

Ne I wa ye eni e Nọyaẹnmwa ne Osanobua vẹn ihẹn nian wẹ ehe i mwẹ ehe ne ọba ma he gualọ ọ la vbe otọe agbọn na. Ẹghẹ ne iran a rhirhi ya tama rẹn wẹ u i rre evba, ọ ghi ya enogie ẹvbo nii vẹn ihẹn wẹ ọ gha gele miẹn ọn.

I Ọba 18:4

ẹghẹ ne Jezibẹl na gha gbele avbe akhasẹ e Nọyaẹnmwa, Obedaia keghi viọ iyisẹn vbe uwu iran, ọ na viọ iran lẹre, ekigbesiyeha vbe uvun ọkpọkpa, ọ na gha ye amẹ vbe evbare koko iran.

II Krọnikol 25:15

Emwi na keghi ya ohu mu e Nọyaẹnmwa, ọ na gie akhasẹ ọkpa bu Amezaia gha khian. Akhasẹ nii keghi nọ wẹẹ, “Vbọzẹ yi ne u na gha gho ẹbọ ẹrrẹe ne ọ ma kue sẹtin miẹn emwa rẹn fan vbe obọ ruẹ?”

Itan 28:12

Emwa esi gha rre asẹ, agbọn hia ghi gha ghọghọ; sokpan, emwa dan gha re ukpo, edọmwadẹ ọghọe ghi rhie uhunmwu lẹre.

Jerimaia 26:16

Ẹre avbe ọkaolotu na tama avbe ohẹn kevbe akhasẹ wẹẹ, “Eni e Nọyaẹnmwa ne Osanobua mwa ọ re ọmwa na ya gu ima guaan, ọ ma kei na a gbe ẹe rua.”

Jerimaia 36:26

Ẹre ọ na wẹ ne Okoro ighe Jeramil, kevbe Seraia ne ovbi Azriẹl kevbe Sielemia ne ovbi Abdil munọ imẹ kevbe ọgbenbe mwẹ ighe Barọk, sokpan, e Nọyaẹnmwa keghi viọ ima lẹre.

Emọs 7:12

Ẹre Amezaia ghi na khama Emọs wẹẹ, “Ọnii sẹe, akhasẹ, gha rri Juda ne u ya gha kpe orhu vbe odọ.

Iyẹn ne ọ Maan Ọghe Luk 13:31

Ẹghẹ nii ọre avbe Farisi eso na bu Jesu rre, iran tama rẹn wẹẹ, “Kpao vbe emwa rre ne u gha rrie ehe ọvbehe rhunmwuda Hẹrọd ho ne ọ gbe uẹ ua.”

Iwinna 5:40

Iran keghi tie avbe ukọ la owa, iran ghi gbe iran asan nẹ, iran keghi dọlegbe yan ma iran ne iran ghẹ ghi ta ẹmwẹ rhọkpa vbe eni Jesu, iran na zẹ iran obọ.