Jerimaia 36:12 - Edo Bible (E Baibol Ẹdo) Version 1996

¹² Rẹn keghi wa gha rrie ẹguae ọba, ọ na wa gha rrie ughugha ọgbenbe ẹguae, ehe ne avbe ekhaẹmwẹ hia na gha do iko, iran na kegha re Elisiama ne ọgbenbe ẹguae, e Delaia ne ovbi e Siemaia, Elnatan ne ovbi Akbọ, e Gemaraia ne ovbi Siafan, e Zedekaia ne ovbi Hananaia, avbe ekhaẹmwẹ nekpa hia kevbe gha rre evba.

Jerimaia 36:12 ပူးပေါင်းရင်းမြစ်များ

II Ọba 22:12

Ọ keghi tie Hilkaia ne ohẹn, Ahikam ne ovbi e Siafan, Akbọ ne ovbi e Mikaia kevbe Siafan ne akọwe ẹguae, kevbe Asaia ne odibo ọba, ọ tama iran wẹẹ,

II Ọba 22:14

Ẹre Hilkaia, Ahikam, Akbọ, Siafan kevbe Asaia na ya gualọ otọ ẹmwẹ na vbe obọ okhuo ọkpa ne a tie ẹre Hulda, akhasẹ nọ, ọ kegha rre vbe a la Jerusalẹm fo. (Ọdafẹn ọnrẹn ighẹ Sialọm ne ovbi e Tikva kevbe eyẹ Hahas, ọ re ọ gha gbearoghe ehe ne a viọ ukpọn ne a ya mu egbe vbe Ọgua Osa yi.) Iran keghi na iyẹn emwi ne ọ sunu ma rẹn.

II Ọba 22:3

Ọ ghi rre ukpo evairrọvbugie ne ọ rriọba, e Josaia keghi gie ne a tie ọgbenbe ẹguae ighẹ Siafan ne ovbi Azalaia kevbe eyẹ Mẹsiulam, gha die Ọgua Osa, ọ tama rẹn wẹẹ,

II Ọba 24:8

Ukpo erẹnrẹn ọre Jehoiakin gha ye vbe ọ rriọba e Juda, ọ keghi gbe uki eha vbe ẹkete vbe Jerusalẹm, a kegha tie iye ẹe Nehusta ne ovbi Elnatan ne okhuo, ne ọ ke Jerusalẹm rre.

Jerimaia 26:10

Ugbẹn vbe avbe ọkaolotu e Juda ghi họn emwi ne ọ sunu, iran keghi zẹgiẹgiẹ ke ẹguae ọba gha di Ọgua Osa, iran keghi mudia ye Onurho ọgbọn.

Jerimaia 26:22

Sokpan, e Jehoiakim ne ọba keghi giee Elnatan ne ovbi Akbọ kevbe ikpia ọvbehe eso gha rrie Igipt ne iran ya mu Uraia.

Jerimaia 26:24

Sokpan ne Ahikam ne ovbi e Siafan na gha rre esa ọghomwẹ, a ma mu mwẹ ne emwa nii ne iran gbe mwẹ uan.

Jerimaia 36:25

A gha rhe miẹn wẹ Elnatan, Delaia kevbe Gemaraia te rinmwian ọba wẹ ne ọ ghẹ giẹn ọnrẹn uan, ọ ma zẹye iran ẹre.

Jerimaia 38:4

Ẹre avbe ekhaẹmwẹ na na ya tama ọba wẹẹ, “Te ọ kere ne a gbe ọmwa na an. Ẹmwẹ ne ọ guan na te ọ ya ye egbe wọ avbe ivbiyokuo ni rre ẹvbo, erriọ ọ re ọ vbe ru avbe emwa ni rre ore ẹvbo hia. Ẹ i re te ọ zẹdẹ yi avbe emwa ni obọ, te ọ ho ne ọ kuan iran egbe.”

Jerimaia 41:1

Vbe uki ne ogihinrọn ọghe ukpo nii, Ismaẹl ne ovbi e Natanaia kevbe eyẹ Elisiama, okpa vbe uniẹn ivbiọba, kevbe okpa vbe uwu avbe ekhaẹmwẹ nekhua ọghe ọba, keghi viọ arhingbe ba egbe ne iran ya miẹn e Gedalaia ne Nọkhaemwisẹ. Ehe ne iran hia na wa gha rri evbare nii.