Jerimaia 36:1 - Edo Bible (E Baibol Ẹdo) Version 1996

¹ Vbe ukpo ne ogienẹ ne Jehoiakim ne ovbi e Josaia kegha re ọba e Juda e Nọyaẹnmwa keghi ta ma mwẹ wẹẹ,

Jerimaia 36:1 ပူးပေါင်းရင်းမြစ်များ

II Krọnikol 36:5

Ukpo isẹn yan ugie ọre Jehoiakim gha ye vbe ọ rriọba vbe Juda ọ keghi ya ukpo owọrọ vbe ẹkete vbe Jerusalẹm. Ọ keghi sẹmwẹ e Nọyaẹnmwa ne Osanobua ẹre.

Jerimaia 25:1

Ọ ghi rre ukpo enẹ ne Jehoiakim ne ovbi e Josaia la ẹkete Juda, e Nọyaẹnmwa keghi giee uhunmwu gunmwẹ vbekpa ivbi e Juda hia. (Ọna kegha re vbe ukpo nokaro ne Nebukiadneza gha re ọba e Babilọn.)

Jerimaia 25:3

“Ukpo eha yan ugie ọ re ọ ghi ye na, a tie ẹre ukpo iwera ne Josaia ne ovbi Amọn kegha re ọba e Juda gha dee do sẹ ẹdẹnẹrẹ na, ẹre Nọyaẹnmwa ya gha gunmwẹ guan, a ma he vbe miẹn wẹ I ma ta ẹmwẹ ne ọ tae ma uwa. Sokpan wa ma zẹ yọ.

Jerimaia 35:1

Ẹghẹ ne Jehoiakim ne ovbi e Josaia ne gha re ọba e Juda, e Nọyaẹnmwa keghi tama mwẹ wẹẹ, “Bu ivbi ẹwae.

Jerimaia 36:9

Vbe uki ne ogihinrin, ọghe ukpo nogisẹn ne Jehoiakim na gha re ọba e Juda, avbe emwa nii keghi yo aguẹ ya gualọ aro ne ọ maa vbe obọ e Nọyaẹnmwa. Emwa hia ni rre Jerusalẹm deba avbe emwa ni kee avbe okpẹvbo ni rre e Juda rre ọ re ọ yo aguẹ na.

Jerimaia 45:1

Vbe ukpo ne ogienẹ ne Jehoiakim ne ovbi e Josaia yae vbe ọba e Juda, e Barọk keghi gbennẹẹn avbe ẹmwẹ ne I talọ ma rẹn yotọ. Ẹre I na tama rẹn.

Jerimaia 46:2

Ọ na suẹn ọnrẹn vbe egbe Igipt. Ẹmwẹ ne ọ tae vbekpa ivbiyokuo e Nẹko ne ọba Igipt ẹre ọ na khin, ọmwa ne Nebukiadneza ne ọba e Babilọn khọn mu Kakẹmis vbe ọkpẹn Yufretes ne Ẹzẹ vbe ukpo ne ogienẹ ne Jehoiakim yae vbe ẹkete e Juda:

Daniẹl 1:1

Ugbẹn vbe ọ ghi rre ukpo eha ne Jehoiakim rriọba vbe Juda, e Nebukiadneza ne ọba e Babilọn keghi mu okuo gha die Jerusalẹm, ọ na ghae ga ẹvbo nii.