Jerimaia 35:6 - Edo Bible (E Baibol Ẹdo) Version 1996

⁶ Sokpan, iran keghi wanniẹn wẹẹ, “Ma i da ayọn. Erha ima odede ighe Jonadab ne ovbi e Rekab tama ima wẹ ke ima kevbe ivbi uniẹn ima, ne ọ gha da ayọn rhọkpa i rrọọ.

Jerimaia 35:6 ပူးပေါင်းရင်းမြစ်များ

Gẹnẹsis 25:27

Emọ ikpia na keghi do wan, Isọ kegha re ohuẹ ẹmwata ne ọ la ehe hia khian, sokpan e Jekọb kegha re ọmwa ne ọ hunwan ne ọ vbe di owa ya.

Gẹnẹsis 36:7

Emwi ne ọ yae kpao ọrọre wẹ, otọ ne irẹn vbe Jekọb ye, ma ghi sẹ iran lo, ẹmila ne iran mwẹ keghi bun gbe, ihe ọkpa ma ghi gua iran.

II Ọba 10:15

E Jehu keghi deyan okhian, ọ ghi sẹ odẹ, e Jonadab ne ovbi e Rekab keghi vba ẹre. E Jehu keghi tuẹ ọe, ọ tama rẹn wẹẹ, “Iro ọkpa ọ re ọ rre ima ekhọe. U gha deba mwẹ ra?” E Jonadab keghi kha wẹẹ, “I gha deba ruẹ.” Iran keghi rhie egbe obọ, ọ re Jehu na kpa ẹre la uwu ikẹkẹ okuo.

II Ọba 10:23

Vbe iyeke ọnii, e Jehu tobọ ẹre keghi la owa ke irẹn kevbe Jonadab ne ovbi Rekab, ọ keghi tama emwa nii wẹẹ, “Wa gie aro uwa da ẹe wẹ, emwa ni ga e Bal ọkpa ọ re ọ rre emwa, kevbe wẹ ọmwa ne ọ ga e Nọyaẹnmwa rhọkpa ma la owa.”

I Krọnikol 16:19

Ibozẹghẹ ọ re emwa e Nọyaẹnmwa gha khin orhunmwuyẹn vbe otọe Kenan.

I Krọnikol 2:55

Avbe ẹwae na ne emwi ne a gbẹnnẹ kevbe ne a ghee gbẹnnẹ wa gua ẹre obọ ro, kegha rre ẹvbo ne a tie ẹre Jabẹz. Iran na ọ re emwa Tirat Simiat kevbe Sukat. Iran kegha re Kenit ne iran vbe ivbi Rekab gba gha rọnmwẹ egbe.

Psalm 105:12

Ibozẹghẹ ọre emwa Osanobua gha khin iran kegha re ọrriọvbe vbe otọe Kenan.

Ẹksọdọs 20:12

“Ya ọghọ ne erha a kevbe iye uẹ ne u miẹn ehe na tọ vbe otọ ne imẹ ya nuẹn.

Jerimaia 35:14

Ivbi e Jonadab wa ru vbene ọ tama iran ne iran wẹ ghẹ da ayọn, ye do sẹ ẹdẹ nẹrẹ na, ne ọ da i rre uwu iran. Sokpan, vbe ne I yan gu uwa guaan sẹ, wa ma họn ẹmwẹ mẹ.

Levitikọs 10:9

“Wa gha da ayọn ra ebiẹ nẹ, wẹ kevbe avbe ivbi uẹ, wa ghẹ ghi la uwu Owa Ukpọn Ile, wa gha danmwẹ ọẹn, wa gha wulo. Uhi ne avbe ivbi uniẹn ruẹn hia gha rhie mwẹ ọre ọna khin.

Iyẹn ne ọ Maan Ọghe Luk 1:15

Rhunmwuda okpọmwa rẹn khian gha khin vbe odaro Osanobua. A ghẹ giee ye unu kan ayọn, a ma ghi wẹ ayọn ne ọ wo vbe egbe. Orhiọn Ne ọ huanrẹn gha hin yan rẹn wa ke ẹghẹ ne a ya biẹ ọe kpao.

I Pita 2:11

I rinmwian uwa, wa ne avbe ọse mwẹ, zẹ vbe avbe erhunmwuyẹn kevbe emwa ne ọlọghọmwa werrie ẹre owa vbe agbọn na! Wa ghẹ rhie otọ ne orriarria egbe, emwi ne ọ gu orhiọn gbinna vbe ẹghẹ hia.

Giọgis 13:14

Ọ ghẹ ye unu kan emwi kemwi ne ọ ke egbe erhan ne a ya ọmọ rẹn ru ayọn ne ọ baa rre, ọ ghe da ayọn ra ayọn ne ọ wegbe ra ne ọ rri evbare ne a wua. Ọ ghẹ mwẹ ọ ma ru emwi hia ne I tama rẹn.”

Giọgis 13:7

Sokpan, rẹn tama mwẹ wẹ I gha hanmwa, I ghi vbe biẹ ọmọ okpia. Ọ tama mwẹ wẹ ne I ghẹ da ayọn ra ayọn ne ọ wegbe, ra ne I rri evbare ne a wua, rhunmwuda, ọmọ nii, te a ra ya ẹe fi ohan ne Nọyaẹnmwa zẹ vbe e Agbihiagha vbe ẹdẹ agbọn rẹn hia.”