Jerimaia 35:4 - Edo Bible (E Baibol Ẹdo) Version 1996

⁴ I keghi viọ iran gha die ughugha erhuanegbe akhasẹ ne a tie ẹre Hanan, ovbi Igdalaia, ughugha na keghi rre odukhunmwu ughugha ọghe Maaseia ne ovbi e Sialọm, ọkhaẹmwẹ kpataki vbe Ọgua Osa, ọ keghi vbe sikẹ ughugha avbe ekhaẹmwẹ nekpa.

Jerimaia 35:4 ပူးပေါင်းရင်းမြစ်များ

I Ọba 12:22

Sokpan, Osanobua keghi tama e Siemaia ne akhasẹ wẹ,

I Ọba 13:1

Zẹ vbene e Nọyaẹnmwa gie ẹe, akhasẹ ọkpa keghi ke Juda gha rrie Bẹtẹl, ọ keghi wa sẹ evba vbe Jeroboam mudia ye ọkpẹn aka na ọ zọ ese.

I Ọba 13:26

Ugbẹn vbe akhasẹ ne ediọnmwa ni ghi họn ẹn, ọ wẹẹ, “Akhasẹ ne ọ ma họn ẹmwẹ e Nọyaẹnmwa onii khin, ẹre Nọyaẹnmwa na gie oduma ne ọ ya dekun ẹnrẹn ne ọ gbe ẹe rua zẹ vbene e Nọyaẹnmwa khare ighẹ rẹn gha ru ẹe zẹẹ.”

I Ọba 17:18

Okhuo nii keghi tama Elaija wẹẹ, “Ọmwa Osanobua, vbu a ghi na ru mwẹ emwi vbenian hẹ yi? Te u rre do ye Osanobua orukhọ mwẹ rre ra, ne u gbe mwẹ ọmọ uan?”

I Ọba 17:24

Okhuo nii keghi wanniẹn wẹẹ, “Eban nian, I rẹnrẹn ighẹ ọmwa Osanobua ọ re u gele khin, kevbe wẹ Osanobua gele giọ uhunmwu vbe ne ẹmwata!”

I Ọba 20:28

Akhasẹ ọkpa keghi bu Ehab ne ọba gha khian, ọ tama rẹn wẹẹ, “Vbenian ọ re Nọyaẹnmwa khare: Rhunmwuda ne ivbi e Siria na kha wẹ, Osanobua uhunmwu oke ọre imẹ khin ighẹ me ẹ i re Osanobua otọ kẹkan, I gha rhie ẹtin ne uẹn ya khọnmiotọ vbe uhunmwu ivbi iyokuo ẹre ne ọrhiẹnrhiẹn biẹnrhẹn, ẹghẹ nii, wẹ kevbe emwa ruẹn gha rẹn ighẹ mẹ ọrọre Nọyaẹnmwa!”

II Ọba 1:9

Ẹre ọ na viọ arhin ekigbesiyeha ne ọkaokuo ọkpa ne ọ ya mu Elaija rre. Ọkaokuo nii keghi do vba ẹre vbe ọ tota ye uhunmwu oke ọ keghi tama rẹn wẹẹ, “Ọmwa Osanobua, ọba wẹ ne u gha dee.”

II Ọba 12:9

Ẹre Jehoiada na ru ẹkpẹti ọkpa, ọ na ha uvun ye ugue ẹre, ọ na mu nene ẹkpẹti ye ọkpẹn Ogiukpo, ọ kegha rre obọ erha ọmwa vbe a gha la uwu Ọgua Osa. Ohẹn ne iwinna sẹ ọre egbe vbe onurho ghi gha viọ igho hia ne iran ni do ga viọ rre, ye uwu ẹkpẹti na.

II Ọba 25:18

Usun emwa ne Nebuzaradan vbe munọ ẹre oghunmwu ba ẹre kegha re Seraia ne Ogie Ohẹn, e Zẹfanaia ne ohẹn ne ọ zẹ diake ẹe, deba arhin eha kpataki ni rre ukpo vbe Ọgua Osa.

II Ọba 5:14

Ẹre Naaman na gha rrie Jọdan, ọ na dinmwi ye uwu ẹre igba ihinrọn vbene Elaisia wẹ ne ọ ru ẹe, egbe keghi wa rran rẹn giẹnrẹn. Efun egbe ẹre keghi deziẹn, emianmwẹ i ghi rrọọ, ọ kegha ye zẹ vbe ne ọghe ọmobọ ye.

II Ọba 5:20

vbe Gehazi ne ọguọmwadia Elaisia zẹ iro ekhọe ẹre wẹẹ, “Arowa mwẹ wa gie Naaman gha rrie vbene ọ ma na ha emwirhọkpa! Ọ te kei ne ọ viọ emwi ne ovbi e Siria nii hẹ ne ẹẹn. Vbe eni e Nọyaẹnmwa ne ọ rrọọ, I gha rhulẹ lele ẹe ne I ya miẹn ẹre emwi eso.”

II Ọba 6:10

Ẹre ọba na gie ne a khama emwa ni rre evba nii, iran ni gha khẹ odẹ. Ẹghẹ ni bun ẹre ọna ya gha sunu.

II Ọba 7:17

A na miẹn wẹ ọba Izrẹl na wẹ ne ọkaokuo ne ọre ọkpọmwa rẹn gha gbearoghe onurho ẹvbo nii. Emwa nii keghi ya igiawẹ gbe ẹe rua ye evba, ọ na wu zẹ vbene Elaisia ta ẹe ye otọ vbe ọba miẹn ọẹn.

II Ọba 7:2

Ovbi ọkpọmwa ọghe ọba keghi wanniẹn tama Elaisia wẹẹ, “Ọnii i sẹtin sunu vberriọ, ọ gha khọnrẹn wẹ ne Nọyaẹnmwa tue ọka amẹ rre wanwanna.” Elaisia keghi wanniẹn wẹẹ, “Aro ruẹ gha sẹ ọe vbe ọ gha sunu sokpan u i ra re vbe evbare ni.”

I Krọnikol 9:27

Ehe ne iran ye ke wa sikẹ Ọgua Osa rhunmwuda iwinna ọrọre ne iran gbearoghe ẹre kevbe ne iran gha kie urho ẹre ye otọ owiowiẹ.

II Krọnikol 8:14

Zẹ vbene Devid ne erha ẹe mwamwa ẹn ye otọ, ọ keghi mwamwa iwinna ẹdẹ ọkpọkpa ọghe avbe ohẹn kevbe avbe Livai ni ru iyobọ ne avbe ohẹn vbe ihuan ne a so kevbe iwinna iran. Ọ keghi vbe mwamwa avbe iran ni khẹ Ọgua Osa ye dọmwadẹ oka ne iran gha ya gha winna iwinna iran vbe dọmwadẹ onurho, zẹ vbene Devid ne ọmwa Osanobua tae.

Psalm 84:10

Ẹdẹ okpa ne a yae vbe Ọgua Osa ruẹ maa sẹẹ arriaisẹn ne a yae vbe ehe ọvbehe, I mudia ye onurho owa Osanobua mwẹ, ọ re ọ maa sẹẹ ne I gha rre uwu owa emwa dan.

Jerimaia 21:1

E Zedekaia ne ọba keghi gie ne a tama mwẹ, mẹ ne Pasiọ ne ovbi e Malkaia, kevbe Zẹfanaia ne ohẹn ne ovbi e Maaseia wẹẹ,

Jerimaia 26:10

Ugbẹn vbe avbe ọkaolotu e Juda ghi họn emwi ne ọ sunu, iran keghi zẹgiẹgiẹ ke ẹguae ọba gha di Ọgua Osa, iran keghi mudia ye Onurho ọgbọn.

Jerimaia 35:3

Rhunmwuda ọnii, I keghi wa viọ ivbi ẹwae Rekab hia, avbe Jaazanaia (ovbi ọmwa ọvbehe okpa ne avbe tie ẹre Jerimaia ne ovbi e Hebazinaia) kevbe avbe etiọnrẹn nikpia kevbe avbe ivbi ẹre nikpia. I keghi viọ iran hia gha die Ọgua Osa.

Jerimaia 52:24

Vbe deba ena, e Nebuzaradan ne arowa ivbiyokuo keghi viọ avbe Seraia ne Ogie Ohẹn, e Zẹfanaia ne ohẹn ne ọ zẹ diake ẹe, kevbe iran kpataki vbe uwu iran ni rre asẹ vbe Ọgua Osa, oghunmwu gha rrie.

Ezikiẹl 40:38

Vbe ẹghodo ore ne ọ rrọọ a keghi vbe bọ ekherhe te ẹe vbe onurho ne ọ ke uwu ẹre vbe odẹ okuọ. Ọ keghi mu aro da ughugha nọkhua ne ọ mu aro da ẹghodo nii, evba nii ọre iran na kpe ikun avbe aranmwẹ ne a ra giuan vbe ne a ya zọ ese.

Ezikiẹl 43:8

Avbe ọba keghi zẹlẹ urho ladian ke urho Ọgua Osa mwẹ dandaandan sẹrriọ ne a na miẹn wẹ ekẹn ọkpa kẹkan ọre ọ wannọ mẹ vbe iran. Iran keghi ya emwi osọnnọ ne iran ru hia gha fa eni mwẹ uan, rhunmwuda ọnii, I keghi fuẹn iran vbe ohu mu mwẹ.

Diuteronomi 33:1

Erhunmwu afiangbe ne Mosis ne ọmwa Osanobua na ne avbe ẹwae Izrẹl ọ te wu ọ re ọna khin.

I Timoti 6:11

Sokpan wẹ ne ọmwa Osanobua, gha lẹ ne avbe emwi na hia. Gha ziga gualọ ẹmwata, uyinmwẹ ne ọ khẹ ọghe Osanobua, iyayi, aho ẹmwẹ ọmwa, i ziengbe kevbe ufumwẹ.

II Timoti 3:17

Ne a miẹn ehe na miẹn wẹ, ọmwa ne ọ ga Osanobua ghi gha re ne a gbalọ ẹre egbe ye otọ, kevbe ne ọ sẹe ne ọ gha winna iwinna ne ọ maa hia.

Jọsua 14:6

Ivbi ẹwae Juda keghi bu e Jọsua gha dee vbe Gilgal, e Kelẹb ne ovbi Jefunẹ ne ovbi e Keniz keghi tama rẹn wẹẹ, “U ye rre ẹmwẹ ne Nọyaẹnmwa tama Mosis ne ọmwa Osanobua vbe ekpa imẹ vbe ruẹ vbe Kedẹs Bania.

I Samuẹl 2:27

Akhasẹ ọkpa keghi do ta uhunmwu ne e Nọyaẹnmwa gie na ma Elai wẹẹ, “Ẹghẹ ne Errọn ne erha uwa odede na gha re ọviẹn vbe Igipt ọ re I na rhie egbe mwẹ ma rẹn.