Jerimaia 35:2 - Edo Bible (E Baibol Ẹdo) Version 1996

² Rekab gha khian ne u ya gu iran guan, iyekọnii, u ghi viọ iran gha die ughugha okpa vbe Ọgua Osa, u ghi sa ayọn ne iran.”

Jerimaia 35:2 ပူးပေါင်းရင်းမြစ်များ

I Ọba 6:10

Orhiete omuyan eha nii, ne ọkpọkpa re ibata ihinrọn vbe ukhiọnmwẹ vbe uyomwẹ, ekẹn ne ọ ke ore ọghe Ọgua Osa ọ re a ya ekpatako sida si ẹe ginna.

I Ọba 6:8

Ehe ne a na la enọkotọ vbe omuyan orhiete, kegha re odẹ ekẹn ọghe Ọgua Osa, vbe ne a na ru ehe ne a la hin ẹnrẹn yọ gha rrie omuyan ne ogieva kevbe ne ogieha.

I Krọnikol 2:55

Avbe ẹwae na ne emwi ne a gbẹnnẹ kevbe ne a ghee gbẹnnẹ wa gua ẹre obọ ro, kegha rre ẹvbo ne a tie ẹre Jabẹz. Iran na ọ re emwa Tirat Simiat kevbe Sukat. Iran kegha re Kenit ne iran vbe ivbi Rekab gba gha rọnmwẹ egbe.

I Krọnikol 23:28

A ghi vbe ghae iran lele isi iwinna na hia; ne iran gha yi avbe ohẹn ni re ivbi uniẹn Errọn obọ vbe ugamwẹ Ọgua Osa, ne iran gha kpolo ore ni lẹga ẹre kevbe avbe ughugha ni rrọọ, ne iran vbe miẹn wẹ a ma mu awua ye avbe emwi ni huanrẹn rhọkpa.

I Krọnikol 28:12

Ọ keghi vbe viọ ne ẹẹn ba ẹre ama emwamwa ọgua ni rrọọ zẹ vbene ọ rre irẹn ekhọe, kevbe avbe ugha ni lẹga iran, kevbe avbe aza ne a viọ emwi ne a lo vbe uwu Ọgua Osa yi deba aza emwi ne a ya fi ohan gie Nọyaẹnmwa.

I Krọnikol 9:26

Avbe oka ọgbalegbe ne enẹ kegha re Livai, iran ọre a ghi ka emwi hia ye ọre obọ. Iran ọre ovbe gbearoghe avbe ughugha ni rre Ọgua Osa kẹẹ ke emwi hia ni rre evba.

I Krọnikol 9:33

Eso vbe ẹgbẹe avbe Livai ọre ọ yan emwi ihuan ne a kpee vbe Ọgua Osa. Avbe ọkaẹgbẹe avbe ẹgbẹe na eso vbe avbe ughugha ni rre Ọgua Osa ọre iran gha ye, iran i vbe mwẹ obọ vbe avbe iwinna ọvbehe, rhunmwuda, ke asọn ke avan ọ re a ya tie iran ye iwinna.

II Krọnikol 3:9

A keghi ya uwan nekherhe igoru ugie ru ise, a kevbe ya igoru rhu egbekẹn ugha ne ọ ke uwu ẹre.

II Krọnikol 31:11

Iran keghi bọlọ aza ne a viọ emwi yi ye odẹ ne Ọgua Osa ye zẹ vbene ọba we ne iran ru ẹe.

Ẹzra 8:29

Wa hẹko gha gbearoghe iran, wa te do sẹ Ọgua Osa. Wa gha sẹ ugha avbe ohẹn, wa ghi mwa iran, wa ghi viọ ne avbe ọkaolotu avbe ohẹn. Kevbe avbe Livai, kevbe avbe ọkaolotu ivbi Izrẹl ni rre Jerusalẹm.”

Nehimaia 13:5

Ọ keghi kue ne Tobaia gha rre ugha nọkhua ne a wẹ ne a viọ avbe ọka imuohan kevbe eturari yi deba avbe emadogua ne a lo vbe Ọgua Osa. Emwi ihaoko ne a viọ gie avbe ohẹn kevbe a ghae ye ihigbe ọghe ọka, ayọn, ofigbọn oliv ne a viọ ne avbe Livai, avbe ikpemaba Ọgua Osa kevbe avbe abodẹ Ọgua Osa.

Jerimaia 35:3

Rhunmwuda ọnii, I keghi wa viọ ivbi ẹwae Rekab hia, avbe Jaazanaia (ovbi ọmwa ọvbehe okpa ne avbe tie ẹre Jerimaia ne ovbi e Hebazinaia) kevbe avbe etiọnrẹn nikpia kevbe avbe ivbi ẹre nikpia. I keghi viọ iran hia gha die Ọgua Osa.

Jerimaia 35:4

I keghi viọ iran gha die ughugha erhuanegbe akhasẹ ne a tie ẹre Hanan, ovbi Igdalaia, ughugha na keghi rre odukhunmwu ughugha ọghe Maaseia ne ovbi e Sialọm, ọkhaẹmwẹ kpataki vbe Ọgua Osa, ọ keghi vbe sikẹ ughugha avbe ekhaẹmwẹ nekpa.

Jerimaia 35:8

Te ima wa ru zẹ vbene Jonadab tama ima. Ma tobọ ima i da ayọn, avbe amwẹ ima i vbe da kevbe ivbi ima nikpia kevbe nikhuo.

Ezikiẹl 40:16

Ivbi uvun giere kegha rre ekẹn ne ọ ke ore ọghe avbe ughugha na hia, kevbe ekẹn ne ọ rre uwu owa vbe ẹkpo avbe ughugha na. A keghi ka udin lele egbekẹn ne ọ ke uwu ẹre vbe ehe ne ọ mu da ọlẹla nii.