Jerimaia 35:1 - Edo Bible (E Baibol Ẹdo) Version 1996

¹ Ẹghẹ ne Jehoiakim ne ovbi e Josaia ne gha re ọba e Juda, e Nọyaẹnmwa keghi tama mwẹ wẹẹ, “Bu ivbi ẹwae.

Jerimaia 35:1 ပူးပေါင်းရင်းမြစ်များ

II Ọba 23:34

E Nẹko ne ọba ma Eliaikim ne ovbi e Josaia ọba e Juda, ne ọ rriọba lele Josaia, ọ na fi ẹre eni werriẹ gha tie ẹre Jehoiakim. E Nẹko ne ọba keghi mu Joahaz gha rrie Igipt, evba ọre ọ ghi na wu.

II Ọba 23:35

E Jehoiakim keghi koko igho uhunmwu vbe obọ emwa nii, zẹ vbene edọmwadẹ ọghe ọe vbe fe sẹ, ne ọ miẹn ehe na ha igho ni ne ọba Igipt wẹ ne ọ mu rre.

Jerimaia 1:3

Ọ keghi vbe dọlegbe guan vbe ẹghẹ ne Josaia ne ovbi e Jehoiakim na vbe rriọba. Vbe iyeke ọnii, e Nọyaẹnmwa keghi vbe dọlegbe gu ẹe guan vbe ẹghẹ nibun rhinrin ya sẹ ukpo ne ogiowọrọ ne ọ yae vbe ẹkete ighẹ Zedekaia ne ovbi e Josaia. Vbe uki nogisẹn, ọghe ukpo ne a viọ ivbi e Jerusalẹm gha rrie iwe.

Jerimaia 25:1

Ọ ghi rre ukpo enẹ ne Jehoiakim ne ovbi e Josaia la ẹkete Juda, e Nọyaẹnmwa keghi giee uhunmwu gunmwẹ vbekpa ivbi e Juda hia. (Ọna kegha re vbe ukpo nokaro ne Nebukiadneza gha re ọba e Babilọn.)

Jerimaia 26:1

E Jehoiakim ne ovbi e Josaia ghi wa da rriọba e Juda.

Jerimaia 36:1

Vbe ukpo ne ogienẹ ne Jehoiakim ne ovbi e Josaia kegha re ọba e Juda e Nọyaẹnmwa keghi ta ma mwẹ wẹẹ,

Jerimaia 36:29

E Nọyaẹnmwa keghi tama mwẹ ne I tama ọba wẹẹ, “U giẹẹn ebe ohian ni nẹ, u keghi vbe nọ e Jerimaia wẹ vbọzẹ ne ọ na gbẹn wẹ ọba e Babilọn gha rre do fuẹn ẹvbo ni uan, ọ ghi gbele emwa kevbe aranmwẹ ni rrọọ.

Jerimaia 36:9

Vbe uki ne ogihinrin, ọghe ukpo nogisẹn ne Jehoiakim na gha re ọba e Juda, avbe emwa nii keghi yo aguẹ ya gualọ aro ne ọ maa vbe obọ e Nọyaẹnmwa. Emwa hia ni rre Jerusalẹm deba avbe emwa ni kee avbe okpẹvbo ni rre e Juda rre ọ re ọ yo aguẹ na.

Jerimaia 46:2

Ọ na suẹn ọnrẹn vbe egbe Igipt. Ẹmwẹ ne ọ tae vbekpa ivbiyokuo e Nẹko ne ọba Igipt ẹre ọ na khin, ọmwa ne Nebukiadneza ne ọba e Babilọn khọn mu Kakẹmis vbe ọkpẹn Yufretes ne Ẹzẹ vbe ukpo ne ogienẹ ne Jehoiakim yae vbe ẹkete e Juda:

Daniẹl 1:1

Ugbẹn vbe ọ ghi rre ukpo eha ne Jehoiakim rriọba vbe Juda, e Nebukiadneza ne ọba e Babilọn keghi mu okuo gha die Jerusalẹm, ọ na ghae ga ẹvbo nii.