Jerimaia 34:7 - Edo Bible (E Baibol Ẹdo) Version 1996

⁷ Vbe avbe ivbiyokuo ọba e Babilọn wa gu ẹvbo ni khọn. Ivbiyokuo keghi wa vbe gha khọn vbe Lakis kevbe Azẹka, ni re ẹvbo eva ni ghi kẹe vbe avbe ẹvbo ne a gbe odin gaa vbe Juda.

Jerimaia 34:7 ပူးပေါင်းရင်းမြစ်များ

II Ọba 14:19

Iran keghi khuan khẹ Amazaia vbe Jerusalẹm wẹ ne iran gbe ẹe rua, rẹn keghi rhunmwuda ọnii lẹ gha rrie Lakis. Sokpan avbe eghian rẹn keghi khu ẹe ya sẹ odọ, iran na gbe ẹe rua.

II Ọba 19:8

Avbe ọkaokuo Asiria keghi họn wẹ ọba kpao vbe Lakis rre nẹ, kevbe wẹ ọ gha gu Libna ne ẹvbo ne ọ diake evba khọn, ọ re irẹn na bu ẹre gha rrie odọ ne ọ ya nọ vbene iran gha ru hẹ.

II Krọnikol 27:4

Ọ keghi bọlọ avbe ore nekhua ye avbe oke ni rre Juda, ọ na bọlọ avbe owa ne gbain kevbe owa ọkhẹ ne gelete lele uwu ẹgbo.

Aizaia 36:2

Ẹre ọ na tama eniwanrẹn ivbiyokuo ẹre ne iran ke Lakis viọ ivbiyokuo nibun mwẹ obọ gha rrie Jerusalẹm, ne iran ya tama e Hẹzekaia ne ọba wẹ ne ọ tobọ ẹre de iguẹ. Avbe ivbiyokuo na keghi mu odẹ ne avbe iran ni do ukpọn la mwẹ, vbe ehe ne uvun ne amẹ lẹ la ke uhae ne ọ ke odọ rre.

Jerimaia 11:12

Ẹghẹ nii, ivbi e Juda kevbe Jerusalẹm ghi tulo bu avbe ẹbọ ne iran zọ ese ghe ne iran do yi iran obọ. Sokpan, avbe ẹbọ ni i ra sẹtin miẹn iran fan vbe ọfuan ni a rre.

Jerimaia 34:1

Ẹghẹ ne Nebukiadneza ne ọba e Babilọn ke ẹe ke ivbiyokuo ẹre, na gha khọn e Jerusalẹm kevbe avbe ẹvbo ni dekẹe, vbe avbe agbọn ẹvbo hia ni ga gie ẹe na vbe viọ obọ ye ọre iyeke, e Nọyaẹnmwa keghi gun mwẹ guaan.

Jerimaia 4:5

Wa si orhu la otọe nii hia! Wa kporhu ne ọ la ke ne ọ gia họn! Wa tama ivbi e Juda kevbe ivbi e Jerusalẹm ne iran lẹ gha rrie ẹvbo ne a gbe odin gaa.

Jerimaia 8:14

Emwa Osanobua keghi nọ wẹẹ, “Vbọzẹ ne ima na tota hẹkpẹẹ yi? Wa larre, wa gie ima lẹ gha rrie avbe ẹvbo ne a gbe odin gaa nii, ne ima ya wulo vbe odọ. Osanobua bu ohiẹn uwu gbe ima nẹ, ọ mu eruan ne ima wọn ne, rhunmwuda ne ima na ru orukhọ ghe ẹre.

Maika 1:13

Wa ni rre Lakis, wa gbalọ ẹsin mu avbe ikẹkẹ okuo. Wa ọ re ọ ya egbe ta orukhọ ivbi Izrẹl wa na vbe gie Jerusalẹm ru orukhọ.

Diuteronomi 28:52

Iran gha mu igbinna la ẹvbo hia ni rre otọe nii ne Nọyaẹnmwa Osanobua rua ra mu ne uwa, avbe ekẹn ne a gbe ni yo ne a ya ru ọkhẹ ne uwa mu ẹtin yan gha de rẹnkhẹn uan.

Jọsua 10:3

Ọ re Adonizẹdẹk na gie uhunmwu gha rrie ọghe Hoham ne ọba Hibrọn, Piram ne ọba Jamut, Jafia ne ọba Lakis kevbe Debẹ ne ọba Ẹgiọn wẹẹ:

Jọsua 10:5

Avbe ọba Amọri isẹn na, ọba e Jerusalẹm, Hibrọn, Jamut, e Lakis kevbe Ẹgiọn, keghi si koko kevbe ivbiyokuo iran, iran keghi lẹga Gibiọn, iran na suẹn ọnrẹn ne a gu gbinna.

Jọsua 12:11

Jamut, Lakis,

Jọsua 15:35

Jamut, Adulam, Soko, Azẹka,

Jọsua 15:39

Lakis, Bozkat, Ẹgiọn,