Jerimaia 34:21 - Edo Bible (E Baibol Ẹdo) Version 1996

²¹ “I gha vbe si e Zedekaia ọba e Juda kevbe avbe ekhaẹmwẹ ọnrẹn yan iran ni ho ne iran gbele iran an obọ. I gha viọ iran yan ivbiyokuo e Babilọn obọ, iran ni te dobọ igbinna ne iran gu uwa gbinna yi nẹ.

Jerimaia 34:21 ပူးပေါင်းရင်းမြစ်များ

II Ọba 25:6

Iran keghi mu e Zedekaia bu e Nebukiadneza, vbe ehe ne ọ ye vbe Ribla, evba ọ re Nebukiadneza na bu ohiẹn ọnrẹn.

Jerimaia 22:25

I ghi rhie ẹre ne emwa ne ohan rẹn mu ẹẹn, emwa ni ho ne iran gbe uẹ ua. I gha rhie ruẹ ne Nebukiadneza ne Ọba e Babilọn kevbe avbe ivbiyokuo ẹre.

Jerimaia 32:3

E Zedekaia ne ọba ọ re ọ mu mwẹ khui ye evba, ọ keghi ba mwẹ ifi ẹzọ wẹ mẹ khare ighe e Nọyaẹnmwa wẹẹ, “I gha gie ọba e Babilọn khọn miẹn ẹvbo na otọ.

Jerimaia 32:4

Kevbe we e Zedekaia i ra sẹtin lẹ fe vbo. A gha rhie ẹre ne ọba e Babilọn, ọ gha ye aro kan ẹre aro, ọ gha gu irẹn tobọ ẹre guan vbe ghe aro mwẹ ghe aro ruẹ.

Jerimaia 39:6

Ọ keghi gbele ivbi Zedekaia nikpia vbe Ribla vbe Zedekaia wa rre evba ghe ẹre. Ọ kevbe giagia avbe ekhaẹmwẹ e Juda uhunmwu kua.

Jerimaia 44:30

I gha rhie Hofra ne ọba Igipt ye avbe eghian rẹn obọ, iran ni ho ne iran gbe ẹe rua zẹ vbene I rhie Zedekaia ne ọba e Juda ye Nebukiadneza ne ọba e Babilọn obọ, ọmwa ne ọ gha re eghian rẹn ne ọ ho ne ọ gbẹe rua.”

Jerimaia 52:10

Vbe Ribla, rẹn keghi gbele ivbi e Zedekaia a vbene Zedekaia na wa ghe ẹre, ọ na vbe wẹ ne iran giagia iran uhunmwu kua ighẹ avbe ekhaẹmwẹ e Juda.

Jerimaia 52:8

Sokpan ivbiyokuo e Babilọn keghi zẹẹ Ọba Zedekaia khu, iran na mu ẹẹn vbe otọe ne ọ rriẹe ne ọ rre ọkpẹn e jẹriko, ivbiyokuo ẹre hia keghi lẹ sẹ ọe rae.

Eve Orriara 4:20

Iran khọn mu uhunmwu uwa ẹdagbọn mwa, ọba ne Nọyaẹnmwa zẹe ọmwa ne imẹ ye aro khọ ighe ọ gha degue mwa hin obọ iran ni gunmwa khọn.

Ezikiẹl 17:12

“Nọ avbe etẹ nia, a deghẹ iran rẹn emwi ne a ya itan na kha. Tama iran wẹ ọba e Babilọn rre, ọ keghi do mu ọba kevbe avbe ekhaẹmwẹ vbe Jerusalẹm gha rrie Babilọn.

Ezikiẹl 17:16

“Omwa vbene a na miẹn wẹẹ mẹ ọrọre Osanobua ne ọ rrọọ, erriọ e Nọyaẹnmwa ne Udazi khare, e Babilọn ọ re ọba na ra wu yi rhunmwuda ọ rra iyi kevbe ebe ne ọ gu ọba e Babilọn ne ọ ma ẹre ọba rhie obọ yi.

Ezikiẹl 17:20

I gha fi oga ohuẹ, I gha ya ẹe mu ẹẹn, I gha mu ẹẹn gha rrie Babilọn, I ghi ya rri ọre oya vbe odọ rhunmwuda, ọ ma gun mwẹ yin uyinmwẹ ẹmwata.