Jerimaia 34:20 - Edo Bible (E Baibol Ẹdo) Version 1996

²⁰ I gha viọ iran ne avbe eghian iran ni ho ne iran gbele iran an, ahianmwẹ kevbe aranmwẹ oha ọ re ọ ra rri ikun iran.

Jerimaia 34:20 ပူးပေါင်းရင်းမြစ်များ

I Ọba 14:11

Emwa ẹgbẹe ruẹ ni wulo ye ore ẹvbo, avbe ekita ghi rri iran, iran ni wulo ye oha, avbe ugu ghi rri iran. Mẹ ne Nọyaẹnmwa ọre ọ tae.’ ”

I Ọba 16:4

Ovbi ẹgbẹe ruẹ ne ọ wu vbe ore ẹvbo, avbe ekita ghi rri ọe. Iran ni wulo ye oha, ugu ghi rri iran.”

Psalm 79:2

Iran sẹ ikun avbe emwa ruẹn rae ne avbe ugu, kevbe ikun eguọmwadia ruẹ ne avbe aranmwẹ oha gha re.

Jerimaia 11:21

Ivbi Anatọt te ho ne a gbe mwẹ, uan. Iran keghi tama mwẹ wẹ iran gha gbe mwẹ uan deghẹ I ye gha wewe uhunmwu ne Nọyaẹnmwa gie khian.

Jerimaia 12:9

Te emwa mwẹ ne I hannọ zẹ ye vbe ahianmwẹ ne avbe ahua khu khian ke igienenẹ rre. Tie avbe aranmwẹ oha rre, ne iran do deba iran vbe ihe evbare ọbọbọtizọ nii!

Jerimaia 16:4

Emianmwẹ ne ọ mu ohan ọ re ọ ra gbele iran, a i vbe miẹn ọmwa ne ọ ra khiẹ ra ne ọ ra re iran. Ikun iran gha lele otọ zẹ vbe emwi ne a ya kọ emwiokọ ne ọ na kakabọ maa, a gha gbele iran vbe okuo ra ohanmwẹ gha gbele iran an, ikun iran gha khian evbare ne avbe ahianmwẹ kevbe aranmwẹ oha.

Jerimaia 19:7

Emwa na I ra na duẹ uma ivbi e Juda kevbe Jerusalẹm hia a, I gha gie obọ avbe eghian iran ke okhunmwu ne iran, iran ghi gbele iran vbe okuo. I ghi viọ ikun iran ne avbe ahianmwẹ kevbe avbe aranmwẹ oha gha re.

Jerimaia 21:7

Sokpan, wẹ kevbe avbe ekhaẹmwẹ ruẹn kevbe avbe emwa ni miẹn uhunmwu vbọ, I gha gie obọ ọba e Nebukiadneza vba uwa ya munọ, kevbe avbe eghian uwa ni ho ne iran gbele uwa a. Nebukiadneza gha gbele uwa a, ẹ i ra vbe sẹ ọkpa rae vbe uwa, ne ọ tohan uwa ra ne ọ lekhue uwa. Mẹ ne Nọyaẹnmwa ọ re ọ tae.”

Jerimaia 22:25

I ghi rhie ẹre ne emwa ne ohan rẹn mu ẹẹn, emwa ni ho ne iran gbe uẹ ua. I gha rhie ruẹ ne Nebukiadneza ne Ọba e Babilọn kevbe avbe ivbiyokuo ẹre.

Jerimaia 38:16

E Zedekaia ne Ọba keghi rhunmwuda ọnii yaan ma mwẹ vbe ẹkhokho wẹẹ, “I ya Osanobua ne ọ rrọọ vẹn ihẹn, Osanobua ne ọ rhie arrọọ ne ima wẹ mẹ i ra gbe uẹ ua ra ne I siọ rhie fi iran obọ ighẹ iran ni ho ne iran gbe uẹ ua.”

Jerimaia 39:6

Ọ keghi gbele ivbi Zedekaia nikpia vbe Ribla vbe Zedekaia wa rre evba ghe ẹre. Ọ kevbe giagia avbe ekhaẹmwẹ e Juda uhunmwu kua.

Jerimaia 4:30

E Jerusalẹm, ọwuẹ fo! Vbe u a ghi na ya ododo han hẹ yi? Vbe u a na viọ ikpẹrọnmwọ ye egbe hẹ? Ne u na vbe ba itiro? Te u wa te egbe ne u ba gha mose kẹkan, avbe enida ruẹ hee uẹ yotọ ne, iran ho ne iran gbuẹ ua.

Jerimaia 44:30

I gha rhie Hofra ne ọba Igipt ye avbe eghian rẹn obọ, iran ni ho ne iran gbe ẹe rua zẹ vbene I rhie Zedekaia ne ọba e Juda ye Nebukiadneza ne ọba e Babilọn obọ, ọmwa ne ọ gha re eghian rẹn ne ọ ho ne ọ gbẹe rua.”

Jerimaia 49:37

I gha ru ẹe ne emwa Ẹlam gha fian afianma avbe eghian iran ni ho ne iran gbele iran. Vbene ohu nọkhua ya mu mwẹ, erriọ I ra ya fuẹn emwa Ẹlam uan, I gha gie ivbiyokuo gie iran, a te do miẹn wẹ I wa fuẹn iran fẹẹrẹ.

Jerimaia 7:33

Ikun iran ghi gha re evbare ne avbe ahianmwẹ kevbe avbe aranmwẹ oha, ai ra vbe miẹn ọmwa ne ọ gha khulo iran hinrre.

Ezikiẹl 23:28

Vbenian ọ re Nọyaẹnmwa ne Udazi khare: “I gha rhie ruẹ bu emwa ne ohu ẹre mu ẹẹn kevbe ne ẹmwẹ ọnrẹn sọnnọ ọn.

Ezikiẹl 29:5

I ghi fi ọ fi avbe ehẹn nii ku uwu ato. Ikinnegbe ruẹ ghi degbotọ, a ghi sẹ ọe rae ye evba vbe ne a i na re ẹre, I gha mu ẹẹn ne avbe ahianmwẹ kevbe aranmwẹ ne iran gha re.

Ezikiẹl 32:4

I gha mu ẹẹn fi ato, I ghi wẹ ne avbe ahianmwẹ kevbe aranmwẹ ni rre agbọn na do gha rri ọ.

Diuteronomi 28:26

Wa gha wulo, ahianmwẹ kevbe aranmwẹ oha ghi gha rri ikun uwa, a i ra vbe miẹn ọmwa ne ọ gha khulo iran hin rre.

I Samuẹl 17:44

Ọ na tama e Devid wẹẹ, “Bu mwẹ gha dee, I gha mu ikun ruẹn ne ahianmwẹ kevbe aranmwẹ rhie re.”

I Samuẹl 17:46

E Nọyaẹnmwa gha rhie ruẹ ye ẹtin mwẹ atataobọ ẹdẹnẹrẹ na, obọ mwẹ gha ke ukhunmwu ne uẹn, I gha fian uhunmwu ruẹn fua, I ghi viọ ikun ivbiyokuo e Filistin ne avbe ahianmwẹ kevbe aranmwẹ ne iran gha re. Otọ agbọn hia ghi rẹn wẹ, Izrẹl mwẹ Osanobua.