Jerimaia 34:17 - Edo Bible (E Baibol Ẹdo) Version 1996

¹⁷ Rhunmwuda ọnii nian, mẹ ne Nọyaẹnmwa khare wẹ wa yaan mwẹ zẹ, wa ma fannọ ivbi Izrẹl ne ihua uwa kua. Vbene ọ ghi na ye rrio nian khekherriọ, mẹ gha gie uwa zẹ ne ọ yẹ uwa, ne uwa zẹ wẹ okuo ọ ra gbẹ uwa, ke ohanmwẹ kevbe emianmwẹ. I gha gie avbe uhunmwu ẹvbo otọ agbọn hia runran ye emwi ne I ra ru uwa ẹre.

Jerimaia 34:17 ပူးပေါင်းရင်းမြစ်များ

Ẹsta 7:10

Ọba keghi kha wẹẹ, “Wa si e Haman rrọ yọ!” x e Haman rrọ ye erhan ne ọ yo ne a si emwa rrọ yi ne ọ te gba ye otọ khẹ Modekai. Ẹre ohu ọba ghi na rriotọ.

Jerimaia 15:2

Iran gha nọ ruẹn wẹ de ehe ne iran ra gha rrie, tama iran wẹ I khare re wẹẹ: “Eso rrọ ne emianmwẹ ra gbele ehe ne iran ra gha rrie ọre ọnii khin! Eso rrọ ni gha wulo vbe okuo ehe ne iran ra gha rrie ọre ọnii khin! Eso rrọ ne ohanmwẹ gha gbele ua ehe ne iran ra gha rrie ọ re ọnii khin! Eso rrọ ne a gha viọ ẹre oghunmwu gha rrie. Ehe ne iran ra gha rrie ọre ọnii khin.

Jerimaia 15:4

I gha ru ẹe ne ohan gbe ku emwa ni rre agbọn, rhunmwuda iran rhunmwuda emwi ne Hẹzekaia ne ovbi e Manasẹ ru vbe Jerusalẹm ẹghẹ re ọna gha ne ọba e Juda.”

Jerimaia 21:7

Sokpan, wẹ kevbe avbe ekhaẹmwẹ ruẹn kevbe avbe emwa ni miẹn uhunmwu vbọ, I gha gie obọ ọba e Nebukiadneza vba uwa ya munọ, kevbe avbe eghian uwa ni ho ne iran gbele uwa a. Nebukiadneza gha gbele uwa a, ẹ i ra vbe sẹ ọkpa rae vbe uwa, ne ọ tohan uwa ra ne ọ lekhue uwa. Mẹ ne Nọyaẹnmwa ọ re ọ tae.”

Jerimaia 29:17

E Nọyaẹnmwa ne Oghodua khare wẹẹ, ‘I mu okuo, ohanmwẹ kevbe emianmwẹ bu iran dee I gha ru iran zẹ vbe ọmọ ohọ ni kẹkẹ gbe ne ẹ ighi gia re.

Jerimaia 29:18

I gha ya okuo ohanmwẹ kevbe emianmwẹ khulo iran, agbọn ẹvbo ni rre agbọn gha runran ye emwi ne iran miẹn. Ehe hia ne I zagha iran gha rrie, emwi ne ọ sunu vbe egbe iran na gha yan emwa hia ni rhirhi miẹn iran unu an. Emwa gha ya iran gha gbogiẹ, a ghi vbe gha ya eni iran tie ihen.

Jerimaia 32:24

“Avbe ivbi e Babilọn tọn uvun igbinna lẹga ore ẹvbo nii nẹ, ne iran khọn mu ẹẹn, iran suẹn igbinna nẹ. Okuo, ohanmwẹ kevbe emianmwẹ, gha gie ẹvbo ni de yi iran obọ, u gha miẹn wẹ emwi ne u tae hia sunu nẹ.

Jerimaia 32:25

Sevba, e Nọyaẹnmwa ne Udazi, wẹ ọ re ọ we mwẹ dẹ ako oha nii vbe sirra avbe osẹe, a gha rhe miẹn wẹ te iran ghi ra khọn mu ẹvbo ni ighe ivbi e Babilọn.”

Jerimaia 32:36

E Nọyaẹnmwa ne Osanobua Izrẹl keghi tama mwẹ wẹẹ, “E Jerimaia avbe emwa nii gha ta ẹe khian wẹ okuo, ohanmwẹ, kevbe emianmwẹ gha gie obọ ọba e Babilọn vba ẹvbo na. Banbanna nian, danmwehọ emwi ọvbehe ne I ghẹ ghi ta ba ọnii.

Jerimaia 34:8

E Zedekaia ne ọba kevbe avbe emwa ni rre Jerusalẹm keghi taa ẹe wẹ iran ra fannọ avbe eviẹn kua ke

Jerimaia 38:2

e Nọyaẹnmwa khare wẹẹ, “Ọmwaikọmwa ne ọ tota ye ẹvbo na, okuo, ra ohanmwẹ ra emianmwẹ gha gbe ẹe sokpan, ọmwaikọmwa ne ọ ladian, ọ na ya rhie egbe ẹre ye ivbi e Babilọn obọ, a i ra gbe ẹe rua, ọ gha ghi ba gbe, ọ gha miẹn uhunmwu, rẹn vbe ikpakpauhunmwu ẹnrẹn okpa kẹkan.”

Eve Orriara 1:8

Uyi ne ọ rre ọre egbe fo, te ọ ghi bannuan te a ghi sọnnọẹn. Ọ gha khiẹkhiẹ egbe, te ọ ghi ye ekhue rhie aro lẹre. E Jerusalẹm keghi ya orukhọ dan ya iruẹn wuo egbe.

Daniẹl 6:24

Ẹre ọba na wẹ ne a munọ avbe emwa ni do gu e Daniẹl gui. Ọ na wẹ ne a viọ iran ku uwu uvun avbe oduma nii, ke iran kevbe avbe amwẹ iran kevbe ivbi iran. Vbe iran te sẹ otọe vbe uvun nii, avbe oduma guaa iran rhie nẹ, iran keghi gbẹn iran ugboloko hia.

Matiu 7:2

Rhunmwuda vbene uwa ya bu ohiẹn ẹrrẹ, ọre Osanobua ra vbe ya bu ọghe uwa. Omwa ne uwa ya mwa ne ẹrrẹ, ọre a ra vbe ya mwa ne uwa.

Galatia 6:7

Wa ghẹ rẹrẹ egbe uwa, ọmwa rhọkpa i sẹtin do Osanobua ọzuọ, emwi ne ọmwa kọe zẹ, ọre ọ gha vbe rhọ.

Diuteronomi 19:19

A ghi rri ọ re oya ne a gha te rri ọmwa ne a mu ẹmwẹ kuan ni re. Odẹ vbe nian, wa gha gbe ukhu iba vberriọ rua.

Diuteronomi 28:25

E Nọyaẹnmwa ghi gie eghian uwa gha khọn miẹn uwa otọ. Wa gha la odẹ ọkpa mu igbinna gie iran, sokpan wa ghi la odẹ ihinrọn lẹ hin ehe ne iran ye rre. Afianma ghi gha fian emwa ni rre agbọn hia vbe iran a miẹn emwi ne ọ sunu vbe egbe uwa.

Diuteronomi 28:64

“E Nọyaẹnmwa ghi zagha uwa lele agbọn ẹvbo. hia ke obọ ọkpa vbe ufomwẹ agbọn yasẹ obọ nọkpa, evba wa ghi na ya gha ga ẹbọ ne a ya okuta kevbe erhan ru, avbe ẹbọ ne uwa, ra avbe erha uwa odede ma he ga ẹdẹ.

Jems 2:13

Rhunmwuda, ọmwa ne ọ ma mwẹ itohan, Osanobua i ra tohan rẹn vbe ọ a gha bu ohiẹn, sokpan itohan ọre ọ khọnmiotọ ibuohiẹn.

Arhie Maan 16:6

Iran ọ gbe esagiẹn emwa Osanobua ye otọ, ke ẹe kevbe ọghe avbe akhasẹ, rhunmwuda ọnii nian, wẹ keghi mu esagiẹn ne iran gha wọn. Emwi ne ọ kei ne iran, ọre iran miẹn!”