Jerimaia 34:15 - Edo Bible (E Baibol Ẹdo) Version 1996

¹⁵ Vbe nẹdẹ eso na, wa keghi fi ekhọe werriẹ, wa na ru vbene ogha yẹ mwẹ. Wa hia keghi ya obọ yọ, wa na wẹ wa ra fannọ avbe eviẹn uwa ni re ivbi Izrẹl kua, wa hia na sirra mwẹ taa ile vbe Ọgua Osa vbe ehe ne a na ga mwẹ.

Jerimaia 34:15 ပူးပေါင်းရင်းမြစ်များ

II Ọba 12:2

Te ọ wa gha ru emwi ne ọ yẹ e Nọyaẹnmwa vbe ẹdẹ agbọn rẹn hia rhunmwuda e Jehoiada ne ohẹn ọ re ọ gha gie odẹ ma rẹn.

II Ọba 14:3

Ọ ru emwi ne ọ yẹ e Nọyaẹnmwa sokpan ọ ma wa ye vbe e Devid ne ọba ne erha ẹe odede; sokpan ọ keghi ru avbe emwi ne Joas ne erha ẹe vbe gha ru.

II Ọba 23:3

Rẹn keghi mudia ye ọkpẹn orrẹ ọba, ọ na gu e Nọyaẹnmwa ta ile wẹ rẹn gha họn ẹmwẹ ne ẹẹn, kevbe ne ọ ya orhiọn kevbe ekhọe ẹre hia gha rhie uhi kevbe iyi ẹre mwẹ, kevbe ne ọ vbe gha ru zẹ vbe ne a mwamwa emwi ye otọ vbe uwu ile ne a gbẹnnẹ ye ebe ni. Emwa nii hia keghi yan wẹ iran gha rhie ile ni ya gha yin.

Nehimaia 10:29

Ma deba avbe ọkaolotu ima vẹn ihẹn, ne a miẹn wẹ, a deghẹ ma rhie obọ gberra, emwi gha rruan ima, wẹ, ma gha ya Uhi Osanobua ru emwi, uhi ne ọ rhie ne Mosis ne ọguọmwadia ẹre rhie rre, wẹ ma gha ru zẹ vbene e Nọyaẹnmwa khare hia, wẹ ma gha rhie uhi ẹre mwẹ, ma ghi vbe gha ru vbene ọ ho.

Psalm 119:106

I gha mu eyan mwẹ sẹ wẹ, I gha lele igiodẹ ruẹ ọghe ẹmwata hia.

Psalm 76:11

Ha emwi ne u ve, ne Nọyaẹnmwa Osanobua ruẹ; wa ye imuohan gie ẹe wa ne agbọn ẹvbo ni sikẹ edinran.

Aizaia 58:2

Ẹdẹgbegbe ọ re iran ya ga mwẹ, iran ghi vbe kha wẹ iran ho ne iran rẹn vbene I ru emwi hẹ, kevbe ne iran vbe gha ya uhi mwẹ ru emwi. Iran khare wẹ, iran ho ne I yi uhi ẹmwata ne iran, kevbe wẹ te ọ wa bọbọ iran egbe ne iran gha ga mwẹ.”

Jerimaia 32:34

Uhin ighẹ te iran ya mu amazẹ ẹwia iran ye uwu Ọgua Osa, ehe ne a bọe ne a na gha ga mwẹ, iran mu awua yọ nẹ.

Jerimaia 34:8

E Zedekaia ne ọba kevbe avbe emwa ni rre Jerusalẹm keghi taa ẹe wẹ iran ra fannọ avbe eviẹn kua ke

Levitikọs 25:10

Odẹ vberriọ, wa ghi zẹ ukpo ne ogie ekigbe siyeha kọ, wa ghi tie avbe emwa ni ghi rre otọe nii hia ni yan egbe iran vbe uwu ukpo nii, vbe ukpo vberriọ, emwi hia ne a te khiẹnnẹ kua, a ghi dọlegbe viọ ne ni yan iran ra uniẹn ivbi ẹre.

Matiu 15:8

“ ‘Osanobua khare wẹẹ, Ukpunu iran na ya rho mwẹ sokpan ekhọe iran khian rrei mẹ ẹsẹse.