Jerimaia 34:14 - Edo Bible (E Baibol Ẹdo) Version 1996

¹⁴ ukpo ihinrọn hia, ọ re iran gha ya gha fannọ avbe eviẹn iran ni re ivbi e Hibru kua vbe iran a ghi ga iran la ukpo ehan nẹ. Sokpan, avbe erha uwa odede ma zẹyọ mwẹ re, ama ghi wẹ te iran ra danmwehọ ẹmwẹ ne I tae.

Jerimaia 34:14 ပူးပေါင်းရင်းမြစ်များ

I Ọba 21:25

(A ma he vbe miẹn ọmwa ne ọ wa rhie egbe ẹre fẹẹrẹ yọ ne ọ wa gha ru emwi ne ọ ma gba vbe odaro e Nọyaẹnmwa zẹ vbe ne Ehab gha ye, ne a miẹn wẹ e Jezibẹl ne amwẹ ọnrẹn gha kpikpi fiọ ne ọ gha ru ẹe.

I Ọba 9:22

E Solomọn ma ya ivbi Izrẹl ru eviẹn, sokpan, iran ọ re ọ gha re ivbi iyokuo ẹre, ewọe ẹre, ọkaokuo ẹre, iran ni fi ikẹkẹ okuo ẹre, kevbe ni hin ẹsin.

II Krọnikol 28:10

Banbanna nian, wa vbe ho ne uwa ya ikpia kevbe ikhuo ne ivbi Juda kevbe Jerusalẹm ru eviẹn uwa. Wa ma rẹn nian ighẹ te uwa ghi vbe sẹmwẹ e Nọyaẹnmwa ne Osanobua uwa?

II Krọnikol 36:16

Sokpan, iran kegha ya emwa ne Osanobua gie ẹre uhunmwu gbogiẹ, iran ma zẹ ye ẹmwẹ ne iran ta, iran na vbe gha giẹ avbe akhasẹ ọre, rhinrin a ke do miẹn wẹ ohu Osanobua ghe emwa rẹn kpọlọ sẹrriọ wẹ, emwi ne a gha ya rhanmwẹ ọẹn re, ẹ i ghi rrọ.

Nehimaia 9:30

Ke ukpo dinna ukpo, u keghi ye izin egbe gha ma iran emwi u ru ẹe ne avbe akhasẹ ruẹ guan, sokpan emwa ruẹn keghi yin ehọ u keghi rhunmwuda ọnii rhie ẹghẹ ne ẹvbo ọvbehe ya khọn iran.

Aizaia 50:1

E Nọyaẹnmwa khare wẹẹ, “Te uwa ro ra ighẹ te imẹ khulo emwa mwẹ kua zẹ vbene okpia khu amwẹ ọnrẹn fua ra? Ebe aheyotọ ne a ghi gbẹn ne ẹẹn vbo khekherriọ? Te uwa ro ighẹ te I khiẹnnẹ wa gha rrie iwe ra zẹ vbe ọmwa ne ọ khiẹnnẹ ivbi ẹre eviẹn? Ẹn o, iran viọ uwa oghunmwu gha rrie rhunmwuda orukhọ uwa. Te a khulo uwa ladian rhunmwuda emwi dan ne uwa ru.

Aizaia 58:6

“Egbe aguẹ ne imẹ ho ọ re ọna khin; wa viọ eghan ne a ya wọ emwa uhunmwu, kevbe urọnghọn aita ẹmwata kua, ne uwa gie iran ne a wọ ẹre uhunmwu gha rrie kẹkan.

Jerimaia 11:7

Ẹghẹ ne I na viọ iran ke otọe Igipt ladian, te I mobọ wa kan rẹn ye iran ehọ wẹ ne iran gha họn ẹmwẹ mẹ, te I yevbe gha ta ẹe ma iran khian rhinrin do sẹ ẹdẹnẹrẹ na.

Jerimaia 32:30

Wa ke omuhẹn okha ẹdagbọn iran kpao, ọ re ivbi Izrẹl kegha ho mwẹ ẹmwẹ, iran na gha ye ohu mu mwẹ vbekpa emwi ne iran ru.

Jerimaia 35:15

I gie avbe eguọmwadia mwẹ i ghe avbe akhasẹ gie uwa, iran vbe tama uwa ne uwa mu emwi dan ne uwa ru fua ne uwa gha ru emwi ne ọ gbae, iran tama uwa ne uwa ghẹghi ga avbe ẹbọ ọvbehe, ne uwa miẹn ehe na gha yin otọe nii ne I mu ne uwa kevbe avbe erha uwa odede. Sokpan, wa ma danmwehọ mwẹ a ma wẹ te uwa ghi ra zẹ yọ mwẹ re.

Ezikiẹl 20:4

“Ovbi ọmwa, wẹ mu egbe ne u gha ya bu ohiẹn iran ra? U ghi ru vberriọ khekherriọ. Ye iran avbe emwi osọnnọ ne avbe erha iran ru rre.

Ezikiẹl 20:8

sokpan, iran yagha mwẹ, iran ma danmwehọ, iran ma viọ amazẹ osọnnọ iran kua ra ne iran sẹ avbe ẹbọ Igipt rae. Mẹ keghi te wa mu egbe ne iran họn ẹmwẹ obọ ohu ne ọ mu mwẹ vbe egbe vbe Igipt vbe odọ niii.

Levitikọs 25:10

Odẹ vberriọ, wa ghi zẹ ukpo ne ogie ekigbe siyeha kọ, wa ghi tie avbe emwa ni ghi rre otọe nii hia ni yan egbe iran vbe uwu ukpo nii, vbe ukpo vberriọ, emwi hia ne a te khiẹnnẹ kua, a ghi dọlegbe viọ ne ni yan iran ra uniẹn ivbi ẹre.

Emọs 2:6

E Nọyaẹnmwa khare wẹẹ, “Te ivbi Izrẹl wa gha ru orukhọ yan egbe yan egbe, rhunmwuda ọnii, I gha wa rria iran ikhi ye emwi na. Iran khiẹnnẹ iran eviẹn ighẹ emwa ẹmwata ni ma sẹtin ha osa ne iran re, avbe ivbiogue ne ẹ i ra miẹn igho ya ha osa ibata e esanda.

Emọs 8:6

“Ma sẹtin khiẹn ọka ne ẹ i maa aghanghan. Ma gha gualọ ovbiogue ne ọ ma sẹtin ha osa ne ọ rre ọre urhu, egbe igho ne a ya dẹ e esanda eva kẹkan, ma ghi dẹ ọe ya ru ọviẹn.”

Ebe ne Pọl gbẹẹn gie emwa Rom 7:24

Ọ sẹ mwẹ sẹ egbe mwẹ! Gha ọ ghi ra fan mwẹ hin obọ ikinnegbe ne ọ si mwẹ khian ya rhie gbe ua na?

Diuteronomi 15:1

“Vbe ukpo ne ogihinrọn hia, wa ghi gha ya igho ne emwa rri uwa re ma iran.

Diuteronomi 15:12

“A deghẹ ovbi Izrẹl ne ihua, khiẹn egbe ẹre ọviẹn ne uẹn, ọ re okpia ra okhuo nọ, ọ gha ghi ga a la ukpo ehan nẹ, u ghi gie ẹe gha rrie. Ukpo ne ogihinrọn gha gba, u ghi gie ẹe gha rrie ọghe ọhẹ.

Diuteronomi 15:9

Ghẹ kha i ghẹ ui ghi rhie emwi ne ẹẹn mọmọ rhunmwuda ighẹ ukpo ne a na ya igho ma ọmwa i ghi rrei. Ghẹ gie iro dan vberriọ la ruẹ ekhọe. U gha he ne u rhie igho nii ne ẹẹn mọmọ, ọ gha viẹ yuẹ urhu ma e Nọyaẹnmwa, a ghi ka a ye ọmwa ne ọ rria abe.