Jerimaia 34:10 - Edo Bible (E Baibol Ẹdo) Version 1996

¹⁰ Avbe emwa nii hia kevbe avbe ọkaolotu iran keghi ye obọ yọ wẹ iran gha fannọ avbe eviẹn iran kua.

Jerimaia 34:10 ပူးပေါင်းရင်းမြစ်များ

Ẹksọdọs 21:2

A deghẹ u dẹ ovbi e Hibru ọviẹn, ukpo ehan ọre ọ ra ga la. Vbe ukpo ne ogihinrọn, a ghi faẹn fua vbe ne ẹ i na vbe ha osa rhọkpa.

Aizaia 29:13

E Nọyaẹnmwa khare wẹẹ, “Iran na khare wẹ mẹ ọ re iran ga, sokpan, ẹmwẹ iran i mwẹ emwi ne a yae kha, ehe ọvbehe ọ re ekhọe iran ye. Ugamwẹ iran ma gberra uhi emwa nagbọn kevbe ilele ọghe erriọ a ka ru ẹẹ dee ẹdẹ, ne iran ruẹe ye uhunmwu.

Jerimaia 26:10

Ugbẹn vbe avbe ọkaolotu e Juda ghi họn emwi ne ọ sunu, iran keghi zẹgiẹgiẹ ke ẹguae ọba gha di Ọgua Osa, iran keghi mudia ye Onurho ọgbọn.

Jerimaia 26:16

Ẹre avbe ọkaolotu na tama avbe ohẹn kevbe akhasẹ wẹẹ, “Eni e Nọyaẹnmwa ne Osanobua mwa ọ re ọmwa na ya gu ima guaan, ọ ma kei na a gbe ẹe rua.”

Jerimaia 34:11

Sokpan, iyekọni, iran keghi vbe fi ekhọe werriẹ, iran tie werriegbe, iran keghi ya obọ yẹn iran ẹho ne iran dọlegbe gha re eviẹn.

Jerimaia 36:12

Rẹn keghi wa gha rrie ẹguae ọba, ọ na wa gha rrie ughugha ọgbenbe ẹguae, ehe ne avbe ekhaẹmwẹ hia na gha do iko, iran na kegha re Elisiama ne ọgbenbe ẹguae, e Delaia ne ovbi e Siemaia, Elnatan ne ovbi Akbọ, e Gemaraia ne ovbi Siafan, e Zedekaia ne ovbi Hananaia, avbe ekhaẹmwẹ nekpa hia kevbe gha rre evba.

Jerimaia 38:4

Ẹre avbe ekhaẹmwẹ na na ya tama ọba wẹẹ, “Te ọ kere ne a gbe ọmwa na an. Ẹmwẹ ne ọ guan na te ọ ya ye egbe wọ avbe ivbiyokuo ni rre ẹvbo, erriọ ọ re ọ vbe ru avbe emwa ni rre ore ẹvbo hia. Ẹ i re te ọ zẹdẹ yi avbe emwa ni obọ, te ọ ho ne ọ kuan iran egbe.”

Levitikọs 25:10

Odẹ vberriọ, wa ghi zẹ ukpo ne ogie ekigbe siyeha kọ, wa ghi tie avbe emwa ni ghi rre otọe nii hia ni yan egbe iran vbe uwu ukpo nii, vbe ukpo vberriọ, emwi hia ne a te khiẹnnẹ kua, a ghi dọlegbe viọ ne ni yan iran ra uniẹn ivbi ẹre.

Iyẹn ne ọ Maan Ọghe Mak 6:20

Ohan Jọn kevbe mu e Hẹrọd rhunmwuda ọ rẹnrẹn ighe ọmwa ẹmwata ne ọ huanrẹn ọre Jọn khin, ọ na tan ifuẹn gue ẹre. Ẹghẹ hia ọre ọ ya ho ne ọ gha danmwehọ ẹmwẹ ne ọta, a gha rhe miẹn wẹ ẹghẹ ne ọ rhirhi ya danmwehọ hia, ọre ọ ya zẹ afianma ye ọre egbe.