Jerimaia 34:1 - Edo Bible (E Baibol Ẹdo) Version 1996

¹ Ẹghẹ ne Nebukiadneza ne ọba e Babilọn ke ẹe ke ivbiyokuo ẹre, na gha khọn e Jerusalẹm kevbe avbe ẹvbo ni dekẹe, vbe avbe agbọn ẹvbo hia ni ga gie ẹe na vbe viọ obọ ye ọre iyeke, e Nọyaẹnmwa keghi gun mwẹ guaan.

Jerimaia 34:1 ပူးပေါင်းရင်းမြစ်များ

Jerimaia 1:15

Rhunmwuda te imẹ ghi tie avbe uhunmwu ẹvbo hia ni rre odẹ okuọ wẹ ne iran gha dee. Avbe ọba iran ghi mu ẹkete iran gbọọ ye onurho e Jerusalẹm, kevbe lẹga ekẹn ne a gbe lẹga ẹre, kevbe yan avbe ẹvbo ni dekẹe vbe Juda.

Jerimaia 21:2

“Lahọ, wa gu e Nọyaẹnmwa guan ne ima, rhunmwuda, e Nebukiadneza ne ọba e Babilọn kevbe ivbiyokuo ẹre ghae ga ẹvbo nẹ. U gha ghe, e Nọyaẹnmwa gha winna ọkpa vbe uwu avbe iwinna ọyunnuan rẹn ne ima, ọ ghi ru ẹe ne Nebukiadneza werriegbe.”

Jerimaia 32:1

Ọ ghi rre ukpo igbe ne Zedekaia la ẹkete zẹ vbe ọba e Juda, ne ọ vbe re ukpo evairrọvbugie ne Nebukiadneza ke gha re ọba e Babilọn, e Nọyaẹnmwa keghi gunmwẹ guan.

Jerimaia 32:2

Vbe ẹghẹ ne a kha na, ivbiyokuo ọba e Babilọn keghi gha khọn okuo vbe Jerusalẹm, a keghi mu imẹ khui ye ihọkpa vbe ẹghodo ẹguae ọba.

Jerimaia 34:7

Vbe avbe ivbiyokuo ọba e Babilọn wa gu ẹvbo ni khọn. Ivbiyokuo keghi wa vbe gha khọn vbe Lakis kevbe Azẹka, ni re ẹvbo eva ni ghi kẹe vbe avbe ẹvbo ne a gbe odin gaa vbe Juda.

Daniẹl 4:1

E Nebukiadneza ne Ọba keghi gie uhunmwu na gie uhunmwu ẹvbo hia kevbe emwa kevbe ẹvbo ne a zẹ ni rre otọe agbọn hia wẹẹ, “I giotuẹ uwa.

Daniẹl 4:22

“Umogun, wẹ ọrọre nene erhan nii ne ọ taẹn kevbe ne ọ dido. U kpọlọ sẹrriọ wẹ te u ghi sẹ iso, ẹtin ruẹn, te ọ tan obọ gba agbọn na hia.

Daniẹl 5:19

Ọ kpọlọ sẹ vberriọ wẹ emwa ẹvbo hia, emwa ughughan hia kevbe ẹvbo ne a zẹ hia, kegha muohan rẹn, iran kegha guọ ne ẹẹn. Ọ gha wẹ rẹn gha gbe ọmwa, ọ ghi gbe ẹe, ọ gha wẹ rẹn gha fan ọmwa, ọ ghi fan ẹẹn. Rẹn ọ re ọ mu ọghọ ye ọmwa egbe, rẹn ọ re ọ vbe fa ọmwa an vbene ọ khọn rẹn.