Jerimaia 33:8 - Edo Bible (E Baibol Ẹdo) Version 1996

⁸ I gha khue iran huan hin orukhọ ne iran ru ghe mwẹ, I ghi vbe ya orukhọ kevbe isọtẹ iran bọ iran.

Jerimaia 33:8 ပူးပေါင်းရင်းမြစ်များ

Psalm 130:4

Sokpan, te uwẹ ya bọ mwa, ne ima gha ya imuegberriotọ họn ẹmwẹ ne uẹn.

Psalm 130:8

Ọ gha miẹn Izrẹl ne emwa rẹn fan, hin uwu orukhọ iran rre.

Psalm 51:2

Khuẹ emwi dan mwẹ hia kua ne u vbe khuẹ mwẹ huan hin orukhọ mwẹ rre.

Psalm 65:3

Abakuru mwa munọ ima gbotọ, sokpan, wẹ keghi ya iran bọ mwa.

Aizaia 4:2

Ẹghẹ dee ne Nọyaẹnmwa gha na ru ẹe ne ivbi erhan kevbe avbe erhan nekhua ni rre otọe na gha kakabọ wan kevbe ne iran gha ma egbe. Avbe ivbi Izrẹl ni ghi miẹn uhunmwu hia gha ghọghọ, iran ghi vbe gha yae hio ighe emwiokọ ne a miẹn gha rhọ vbe otọe nii.

Aizaia 44:22

I kpolo orukhọ ruẹ gha rrie zẹ vbe okuku amẹ. Werriegbe bu mwẹ gha dee, mẹ ọrọre ọmwa ne ọ miẹn ruẹn fan.”

Aizaia 56:7

“I gha viọ uwa gha die Zaiọn, ne oke mwẹ nọhuanrẹn, I ghi rhie oghọghọ ne uwa vbe owa erhunmwu mwẹ, I ghi vbe rhan obọ miẹn ese ne uwa zọ vbe Ogiukpo mwẹ. A gha tie Ọgua Osa mwẹ owa erhunmwu ọghe emwa uhunmwu ẹvbo hia.”

Jerimaia 31:34

Ọkpa ne ọ ghe ghi gha ma ovbi ẹvbo ẹre emwi wẹ ne ọ rẹn e Nọyaẹnmwa i ghi rrọọ, rhunmwuda iran hia gha rẹn mwẹ kevbe egbe ne ọ kpọlọ sẹẹ ya sẹ egbe ne ọ kanmwa sẹẹ. I gha ya orukhọ iran bọ iran, a i ghi vbe ye abakuru iran rre ọvbehe. Mẹ ne Nọyaẹnmwa taa ẹe nẹ.”

Jerimaia 50:20

Ọ gha sẹ ẹghẹ nii, a i ghi ra miẹn orukhọ vbe Izrẹl, ra uyinmwẹ dan vbe Juda rhunmwuda, I gha ya orukhọ bọ avbe emwa ni fi yi vbọ. Mẹ ne Nọyaẹnmwa taa ẹe nẹ.”

Eve Orriara 4:22

E Zaiọn rrii oya ye orukhọ ne ọ ru nẹ, e Nọyaẹnmwa i ghi ra sẹ mwa rae ye iwe ọvbehe. Sokpan, e Nọyaẹnmwa gha rri uwa oya, wẹ Idọm. Ọ gha we ruẹ uhe ua vbekpa emwi irriabe ne u ru.

Ezikiẹl 36:25

I gha miẹn amẹ afọ yan uwa, awua ẹbọ ghi lahin uwa egbe rre, deba avbe emwi ọvbehe hia ne ọ te mu awua ye uwa egbe.

Ezikiẹl 36:33

E Nọyaẹnmwa ne Udazi khare wẹẹ, “I gha khuẹ uwa huan hin uwu orukhọ uwa rre nẹ, I gha gie uwa dọlegbe yin ẹvbo uwa, ne uwa miẹn ehe na bọlọ avbe ẹvbo ne ọ te khian itowa nii.

Levitikọs 16:30

Vbe ẹdẹ nẹdẹrriọ, a ghi ru iruemwi na ne a ya khuẹ iran hia hin orukhọ rre, ne iran miẹn ehe na gha re ne ẹ i ghi mwẹ awua.

Zẹkaraia 13:1

E Nọyaẹnmwa ne Oghodua khare wẹẹ, “Ọ gha sẹ ẹghẹ ne a kha na, a gha kie uhunmwu ẹzẹ ọkpa a, nẹ ọ khue ivbi uniẹn e Devid kevbe ivbi e Jerusalẹm huan hin orukhọ iran kevbe ẹbọ ne a gho rre.

Arhie Maan 1:5

Kevbe ke ehe ne Jesu Kristi ne ọre osẹe ẹmwata ye ghe dee, ọmọdiọn ne a biẹe kevbe ne a vbe huẹn kpao vbe idin, ọmwa ne ọre ne ọ khaemwisẹ yan avbe ọba ni rre otọ agbọn hia. Rẹn ho ẹmwẹ mwa, ọ keghi ya ekpa uwu ne ọ wu fannọ ima kua hin obọ orukhọ mwa rre.