Jerimaia 33:18 - Edo Bible (E Baibol Ẹdo) Version 1996

¹⁸ Kevbe wẹ te a gha vbe gha miẹn ohẹn rhinrin vbe ẹwae Livai, ne ọ gha ga mwẹ ne ọ gha vbe gha yo imuohan ọka gunmwẹ, ne ọ vbe gha zọ ese.”

Jerimaia 33:18 ပူးပေါင်းရင်းမြစ်များ

Ẹzra 3:5

Ye vbe deba ọnii, iran kevbe gha zọ ese ne a giẹn ikun ẹnrẹn hia, kevbe ese ne a zọ vbe ẹghẹ Emwiukpo Uki Ọgbọn, kevbe ẹghẹ ugamwẹ ni dekẹe hia ne a na si egbe koko ga e Nọyaẹnmwa; do deba avbe izọ ese ne a ya ọ kekhọerre zọ ghe Nọyaẹnmwa.

Aizaia 56:7

“I gha viọ uwa gha die Zaiọn, ne oke mwẹ nọhuanrẹn, I ghi rhie oghọghọ ne uwa vbe owa erhunmwu mwẹ, I ghi vbe rhan obọ miẹn ese ne uwa zọ vbe Ogiukpo mwẹ. A gha tie Ọgua Osa mwẹ owa erhunmwu ọghe emwa uhunmwu ẹvbo hia.”

Aizaia 61:6

A ghi gha tie uwa ohẹn ọghe Nọyaẹnmwa, eguọmwadia Osanobua mwa, wa ghi miẹn ẹfe avbe uhunmwu ẹvbo ya gha ru, wa ghi vbe gha yae hio ighẹ ọghe uwa nọ.

Jerimaia 33:19

E Nọyaẹnmwa keghi tama mwẹ wẹẹ.

Jerimaia 33:22

I gha muan ivbi uniẹn e Devid ne ọguọmwadia mwẹ, kevbe avbe ohẹn ne ivbi uniẹn e Livai sẹrriọ wẹ a i ra sẹtin ka iran zẹ vbene a i sẹtin ka avbe orhọnmwẹ ni rre aro iso ra ikpẹkhae ni rre ọkpẹn okun.”

Jerimaia 35:19

Rhunmwuda ọnii mẹ ne Nọyaẹnmwa ne Oghodua ne Osanobua Izrẹl vbe yan nẹ wẹ a i ra miẹn ẹdẹ we ovbi e Rekab ne okpia ma gha rrọ ne ọ gha ga mwẹ.”

Ezikiẹl 44:15

E Nọyaẹnmwa ne Udazi khare wẹẹ, “Sokpan, avbe ohẹn ni re ivbi ẹwae e Livai, ni rre ivbi uniẹn e Zadọk, wa ye ekhọekekhọe gha ga mwẹ vbe Ọgua Osa, vbe avbe ivbi Izrẹl nekpa fi iyeke gbe mwẹ nẹ. Rhunmwuda ọnii nian, iran ọ re ọ ghi ra gha re emwa ni gha ga mwẹ, iran ọ re ọ ghi ra vbe gha sẹ ehe ne I ye ne iran do gha ya ẹvbi aranmwẹ kevbe esagiẹn emwi ne a ya zọọ ese, zẹ ọhẹ mẹ.

Ezikiẹl 45:5

Obọ ne ọ ghi dekẹe ghi gha re ne a mu ne avbe Livai, iran ni taemwi vbe Ọgua Osa. Adesẹ ore ẹvbo ghi gha rre evba nii ne iran gha dia.

Nọmbas 3:5

E Nọyaẹnmwa keghi tama e Mosis wẹẹ,

Ebe ne Pọl gbẹẹn gie emwa Rom 1:21

Iran rẹn Osanobua, sokpan iran ma rhie uyi ne ọ khẹ kẹe nẹẹn, debare, iran ma kpọnmwẹ ọẹn. Ne iran gha na te ru vberriọ, ekhọe iran keghi do khian emwi oya fẹẹrẹ.

Ebe ne Pọl gbẹẹn gie emwa Rom 15:16

Ọnii nọ wẹ ne I gha re ọguọmwadia Jesu Kristi ne ọ gha winna ne iran ne ẹ i re Ju. Mẹ ghi gha kpe orhu Iyẹn Ne ọ maa Osanobua zẹ vbe ohẹn, ne iran ne ẹ i re Ju sẹtin do gha re emwi izọ ese ne ọ gie Osanobua rhan obọ miẹn, kevbe ne Orhiọn Ne Ọ Huanrẹn ya fi ohan nẹẹn.

Diuteronomi 18:1

“Ewae e Livai ne ọ re ọghe avbe ohẹn, a i ra ghae ne iran vbe otọe nii, emwi izẹ ọhẹ kevbe emwi izọ ese ọvbehe ne emwa viọ gie Nọyaẹnmwa ọre iran gha ya gha koko egbe.

Diuteronomi 24:8

“Adeghẹ te uwẹ khuọnmwi emianmwẹ ikpakpa ne ọ gie ọmwa na hẹẹ, miẹn wẹ u ru zẹẹ vbene avbe ohẹn e Livai tama ruẹn, wa rhie owẹ lele igiodẹ iran zẹ vbene I rhie ne iran.

Jọsua 3:3

Iran keghi tama emwa nii wẹẹ, “Wa gha bẹghe avbe ohẹn vbe iran a mu Ẹkpẹti Ile ọghe Nọyaẹnmwa Osanobua rua, wa rhọ emwi ne uwa lele iran.

I Pita 2:5

Wa gha dee zẹ vbe okuta ni rrọọ, ne uwa gia ya uwa bọ Ọgua Osa ọghe orhiọn, eke ne uwa gha na winna, zẹ vbe avbe ohẹn ni huanrẹn, ne uwa gha zọ ese orhiọn ne a ọ gia rhan obọ miẹn ghe Osanobua vbe ekpa Jesu Kristi.

I Pita 2:9

Sokpan, wa ọrọre emwa ne a hannọ zẹ, avbe ohẹn Osanobua, agbọn ẹvbo ne ọ huanrẹn, emwa Osanobua tobọ ẹre, emwa ne a hannọ zẹ, ne iran mu iwinna ọyunnuan Osanobua go, ọmwa ne ọ tie uwa ke uwu ebiebi ladian gha rrie uwu uwanmwẹ ọyunnuan.

Arhie Maan 1:6

Ọ keghi ya ima ru arriọba avbe ohẹn ne ima gha ga Osanobua ẹre kevbe Erha ẹe. Ọ ghe Jesu Kristi ọre uyi kevbe ẹtin gha khin ẹdẹ kevbe ẹdẹdẹmwẹdẹ, Isẹ.

Arhie Maan 5:10

U ya uniẹn hia, ẹvbo ne a zẹ, emwa kevbe agbọn ẹvbo, ru arriọba avbe ohẹn, ne iran gha ga Osanobua mwa. Iran gha vbe khaemwisẹ vbe agbọn.”