Jerimaia 33:17 - Edo Bible (E Baibol Ẹdo) Version 1996

¹⁷ Mẹ ne Nọyaẹnmwa yanrẹn wẹ te a gha miẹn ivbi uniẹn Devid ne ọ gha rriọba rhinrin vbe Izrẹl.

Jerimaia 33:17 ပူးပေါင်းရင်းမြစ်များ

II Samuẹl 3:29

Uhunmwu ọ re Joab kevbe ẹgbẹe ọre gha ya khiọ re. Ke orre ya sẹ orre, te a gha miẹn vbe uwu ẹgbẹe ọre ne ọ khuọnmwi atọrhi ra emwirregbekẹn, ra ne a miẹn wẹ iwinna okhuo ọkpa ọ re ọ sẹtin winna, ra ne a gbe ua vbe okuo, ra ne ẹ i miẹn evbare unu re!”

II Samuẹl 7:12

Wẹ gha ghi wu, a na vbe re ruẹ ba avbe erha a odede nẹ, I gha ya ọkpa vbe uwu ivbi uẹ ma ọba, I ghi vbe gie arriọba ẹre digiẹ.

II Samuẹl 7:13

Rẹn ọ re ọ gha bọ Ọgua Osa mẹ, I gha vbe mu ẹẹn wẹ te uniẹn ọnrẹn gha rriọba ẹdẹdẹmwẹdẹ.

I Ọba 2:4

U gha ru vberriọ, e Nọyaẹnmwa gha mu eyan ne ọ yan rẹn sẹ vbe ọ tama mwẹ wẹẹ: ‘Ivbi uẹ ọ re ọ ra rriọba yan Izrẹl vbe ẹghẹ hia, zẹ vbe ne iran vbe ya mu aro yọ ne iran ye ekhọekekhọe gha mu uhi mwẹ sẹ.’

I Ọba 8:25

Banbanna nian, e Nọyaẹnmwa Osanobua Izrẹl, I rinmwian wẹ ne u vbe mu eyan nọkpa sẹ, ne u yan ma erha mwẹ ighẹ Devid ẹkpo ne u na kha ma rẹn wẹẹ, ‘I gha rhie ne uẹn rhinrin ẹdẹ ọmọ ne ọ gha rhie ihe ruẹ zẹ vbe ọba Izrẹl adeghẹ avbe ivbi uẹ họn ẹmwẹ mẹ zẹ vbene u wẹ gha ru.’

II Ọba 11:2

E Joas, ne ovbi Ahazaia ne okpia ọkpa ọ re ọ sẹtin lẹfe. Iran te ra wa vbe gbe ẹe rua zẹ vbe nekpa, sokpan e Jehosiaba ne ọtẹn erha ẹe ne okhuo ọ re ọ ghi wọlọ ẹe ladian, okhuo na keghi re ovbi e Jehoram kevbe ọtẹn Ahazaia, ne okhuo ọvbehe biẹ ne erha ẹe. Okhuo na keghi rhie ẹre kevbe ọmwa ne ọ kokẹe ye ughugha ọkpa vbe uwu Ọgua Osa, ọ na ya rhie ẹre lẹre ne Atalia, a na miẹn wẹ a ma gbẹe rua.

I Krọnikol 17:27

Te I rinmwian wẹ ne u fiangbe ivbi uniẹn mwẹ, ne iran miẹn ehe na gha miẹn aro ne ọ maa ruẹn. Wẹ Nọyaẹnmwa fiangbe iran nẹ, afiangbe ruẹ gha rhuẹ yan iran ẹdẹdẹmwẹdẹ.”

Psalm 132:12

A deghẹ avbe ivbi uẹ lele iyi mwẹ, kevbe avbe iyi ne I yi ne iran, ivbi iran gha vbe rri ọba lele uwẹ rhinrin ẹdẹ.”

Aizaia 9:7

Te ẹtin arriọba ẹre ra gha muan yọ, ọfumwegbe ọ re otọe arriọba ẹre ra gha ye vbe ẹghẹ hia te irẹn ra rriọba zẹvbe ọmwa ne ọ rriọba lele Devid ne Ọba ẹmwata kevbe uhunmwu ẹmwẹ ọ re irẹn ra ya gha mwẹ ẹtin; ke ẹghẹ na kpao ya sẹ ufomwẹ agbọn. E Nọyaẹnmwa ne Oghodua tae nẹ ighe erriọ rẹn ra ru ehia.

Jerimaia 17:25

Ẹghẹ nii avbe ọba iran kevbe avbe ivbiọba iran gha la uwu onurho e Jerusalẹm, iran ghi vbe gha mwẹ egbe ẹtin ọha ne Devid gha mwẹ. Ke iran kevbe ivbi e Jerusalẹm kevbe Juda, iran gha hin ikẹkẹ okuo kevbe ẹsin, ore Jerusalẹm ghi gha vuọn ne ẹvbo vbe ẹghẹ hia.

Jerimaia 35:19

Rhunmwuda ọnii mẹ ne Nọyaẹnmwa ne Oghodua ne Osanobua Izrẹl vbe yan nẹ wẹ a i ra miẹn ẹdẹ we ovbi e Rekab ne okpia ma gha rrọ ne ọ gha ga mwẹ.”