Jerimaia 33:14 - Edo Bible (E Baibol Ẹdo) Version 1996

¹⁴ E Nọyaẹnmwa keghi kha wẹẹ, “Ẹghẹ dee ne I gha na mu eyan ne I yaan ne ivbi Izrẹl kevbe Juda sẹ.

Jerimaia 33:14 ပူးပေါင်းရင်းမြစ်များ

Gẹnẹsis 22:18

Iyaẹvbo agbọn hia ghi wẹẹ ne I fiangbe iran zẹ vbene I fiangbuẹ uniẹn ruẹn, rhunmwuda ne u na họn ẹmwẹ ne I tama ruẹn na.”

Gẹnẹsis 49:10

E Juda gha mu ọkpọ ọba mwẹ uniẹn ọnrẹn ọ ra gha rriọba khian. Avbe okpẹvbo gha ya imuohan giẹẹ iran ghi ye a họn ẹmwẹ gbe uhunmwu kotọ nẹẹn.

Aizaia 7:14

Vbene ọ ghi ye na nian, e Nọyaẹnmwa gha tobọ ẹre rhie iyama nuẹn: okhuo ọvbokhan ọkpa ne ọ ma rẹn okpia gha hanmwa, ọ gha biẹ ọmọ okpia ọkpa, ọ ghi he ẹre ‘Imanuẹl.’

Jerimaia 23:5

E Nọyaẹnmwa khare wẹẹ, “Ẹghẹ dee ne I gha na zẹ ọba vbe ivbi e Devid ni mwẹ ekhọe esi vbọ. Ọba nii gha ya ẹwaẹn khaemwisẹ, ọ ghi ru emwi ne ọ here ke ne ọ hẹnhẹn vbe otọe nii hia.

Jerimaia 29:10

“E Nọyaẹnmwa khare wẹẹ, ‘Ukpo ekigbesiyenẹ ọghe Babilọn ghẹ ghi gba nẹ, I gha do zẹ ye ẹmwẹ uwa, I gha mu eyan mwẹ sẹ wẹ I gha viọ uwa dọlegbe gha die owa.

Jerimaia 31:27

“Nọyaẹnmwa ọ re ọ tae wẹ ẹdẹ dee ne I gha ye emwa nagbọn kevbe aranmwẹ vuọn otọ Izrẹl kevbe Juda.

Jerimaia 32:42

“Zẹ vbene I vbe gie ọkhọ rruan iran na, erriọ I gha vbe viọ emwi esi hia ne I ve iran re ne iran.

Jerimaia 33:9

E Jerusalẹm ghi do gha re ne ọ ya ọyẹnmwẹ sẹ mwẹ, ne ọ mwẹ uyi, kevbe ne ọ ghan, ohan gha mu avbe uhunmwu ẹvbo hia ni rre agbọn na iran ghi vbe gha guọ vbe iran a họn emwi ni maa ne I ru ne Jerusalẹm, kevbe ọmaa ne agbọn ne I viọ la ẹvbo nii.”

Daniẹl 2:44

“Vbe ẹghẹ avbe nikhaemwisẹ na, Osanobua ẹrinmwi gha mu arriọba ne ẹ i ra fo vbotọ gbọ. A i ra vbe sẹtin khọn rẹn ẹdẹ, sokpan, rẹn gha fuẹn avbe arriọba nii fẹẹrẹ, rẹn ghi gha rrọ ẹdẹdẹmwẹdẹ.

Daniẹl 9:25

Yi ọna ẹro ne u vbe rẹn emwi ne a ya ẹe kha. Ke ẹghẹ ne a ya tae wẹ ne abọ e Jerusalẹm kpao do sẹ ẹghẹ ne ọkaolotu ne Osanobua zẹe gha ya rre, ukpo ekigbesiyenẹ vbe ihe ihinrọẹn gha gberra. A gha dọlegbe bọ e Jerusalẹm ke ẹe kevbe idunmwu ni rrọọ kevbe avbe ọkhẹ ne ọ wegbe ọ gha vbe gha rrọọ vbe ukpo eva yan iyeha vbe ihe ihinrọn, sokpan ẹghẹ ọlọghọmwa ọ re ọ khian gha khin.

Emọs 9:11

E Nọyaẹnmwa khare wẹẹ, “Ẹdẹ dee ne I gha dọlegbe rhie arriọba e Devid ne ọ yevbe itowa nian ye ihe. I gha dọlọ ekẹn ne a gbe lẹga ẹre yi, I ghi dọlegbe rhie ẹre ye ihe. I gha dọlegbe bọ ẹe, I ghi gie ẹe do gha ye vbene ọ ka ye de yi vbe ẹghẹ nii.

Maika 5:2

E Nọyaẹnmwa khare wẹẹ, “Bẹtlẹhẹm Efrata, ọkpa vbe uwu ẹvbo ni kanmwa sẹẹ vbe Juda ọre uwẹ khin, sokpan, uwu uwẹ ọ re I gha ke rhie ne ọ khaemwisẹ ladian ne Izrẹl, rẹn gha vbe ke uniẹn nẹdẹ ne a ka ya gha bu ẹvbo nii ladian.”

Malakai 3:1

E Nọyaẹnmwa ne Oghodua zẹ wanniẹn wẹẹ, “I gha gie ukọ mwẹ ne ọ do dọlọ odẹ yi ye otọ khẹ mwẹ. Ẹghẹ nii, e Nọyaẹnmwa ne uwa mudia khẹ gha wa ya egbe ladian vbe udomwurri vbe uwu Ọgua Osa. Ukọ ne uwa rhie aro ye odẹ gha khẹ gha rre do mu ẹmwẹ ile mwẹ so.”

Iyẹn ne ọ Maan Ọghe Luk 10:24

Ne I khama uwa wẹẹ avbe Ọba kevbe akhasẹ ni bun ọre ọ te gha ho ne aro iran sẹ emwi ne uwa miẹn na, sokpan aro iran ma se ọe, kevbe ne iran vbe họn emwi ne uwa họn ẹn, sokpan iran ma họn ẹn.”

II Kọrinti 1:20

Rhunmwuda rẹn ọrọre “Erriọ nọ” ye emwi hia ne Osanobua yan eyan rẹn. Ọnii ọre ọ zẹẹ ne ima na la ekpa Jesu Kristi gbe “Isẹ” ne uyi ọghe Osanobua.

Hibru 11:40

Rhunmwuda, Osanobua ru emwamwa nọ maa sẹẹ ọnii ye otọ khẹ ima nẹ. Iro ọghọe nọ wẹ, ẹghẹ mwa ọkpa ọre iran gha na do dunna fo.

I Pita 1:10

Ẹmwẹ imiẹnfan na, ọre avbe akhasẹ wa gbe aro ke otọ gha nọ ẹmwẹ ọnrẹn, vbe gha gualọ otọ ẹre khian, iran keghi ta ẹmwẹ emwi na ne Osanobua ra ya we uwa ye otọ.

Arhie Maan 19:10

I keghi de fi iguẹ vbe akharha ẹre ne I ya uhunmwu rhanmwẹ otọ nẹẹn, sokpan rẹn keghi tama mwẹ wẹẹ, “Ghẹ danmwẹ ọẹn ghe, ọguọmwadia ne ihua ọre imẹ vbe khin, kevbe zẹ vbe etuẹn, iran ni ya obọ da ẹmwata ne Jesu rhie maa yi mwẹ. Ya uhunmwu rhanmwẹ otọ ne Osanobua.” Rhunmwuda, ẹmwata ne Jesu rhie maa, ọre ọ rhie ẹtin ne avbe akhasẹ.