Jerimaia 33:13 - Edo Bible (E Baibol Ẹdo) Version 1996

¹³ Vbe adesẹ ore ẹvbo avbe uhunmwu oke, kevbe avbe ototọ oke, kevbe ahọ ọghe Juda, vbe agbọn ẹvbo e Bẹnjamin, igue hia ni lẹga Jerusalẹm, kevbe avbe okpẹvbo ni rre e Juda, ẹre avbe ọsuohuan gha na vbe dọlegbe gha ka ohuan iran, mẹ ne Nọyaẹnmwa, taa ẹe nẹ.”

Jerimaia 33:13 ပူးပေါင်းရင်းမြစ်များ

Jerimaia 17:26

Emwa gha ke avbe okpe vbo e Juda, kevbe avbe igue ni lẹga Jerusalẹm rre, iran gha ke otọe Bẹnjamin rre, kevbe avbe ototọ oke kevbe uhunmwu oke rre, kevbe ke odẹ ekẹn Juda rre. Iran gha viọ ese ne a giẹn uan rrie Ọgua Osa mwẹ deba ese ne a zọọ, imuohan ọghe ọka kevbe eturari, kevbe imuohan ekpọnmwẹ.

Jerimaia 31:12

Iran gha rre do so ihuan oghọghọ vbe uhunmwu Oke Zaiọn emwi ne I ya ne iran gha yẹ iran vbe ihaoko ọka, ayọn kevbe ofigbọn oliv, ihaoko ọghe ohuan kevbe ẹmila. Iran gha yevbe ogba ne a gbe amẹ khakha ẹsẹse emwi ne iran a rhirhi gha ho hia gha sẹ iran obọ.

Jerimaia 32:15

E Nọyaẹnmwa ne Oghodua, ne Osanobua Izrẹl tae ighe a gha bọlọ owa, a gha dọlegbe mu ugbo kevbe ogba azara vbe otọe na.”

Jerimaia 32:44

Emwa gha dẹlẹ ọe, a ghi vbe gbẹnnẹ ebe, a ghi gha rhie obọ yọ, a ghi vbe gha ru osẹe yọ. Ena hia gha sunu vbe otọe e Bẹnjamin, vbe avbe igue ni lẹga e Jerusalẹm, avbe okpẹvbo e Juda, avbe okpẹvbo ni rre avbe ẹvbo uhunmwu oke, ni rre odẹ ototọ oke, kevbe odẹ ekẹn e Juda. I gha dọlegbe viọ avbe emwa na gha rrie ẹvbo iran. Mẹ ne Nọyaẹnmwa tae nẹ.”

Ezikiẹl 20:37

“I gha ya obọ ne ọ tọn mu uwa, I ghi ru ẹe ne uwa gha ru vbene ile mwẹ khare.

Levitikọs 27:32

Vbe uwu avbe emwirri igbe, ọkpa vbọ ghi gha re ọghe Nọyaẹnmwa. A gha ka avbe emwirri, ogigbe vbọ, ọghe Nọyaẹnmwa nọ.

Obedaia 1:20

Ivbiyokuo iran ne a viọ ke odẹ okuọ Izrẹl gha rrie iwe, gha werriegbe rre do khọn mu Fonisia ya sẹ Zarefat vbe odẹ okuọ. Iran ne a ke Jerusalẹm viọ gha rrie iwe ni rre Sadis, gha khọn mu avbe ẹvbo ni rre odẹ ekẹn Juda.

Iyẹn ne ọ Maan Ọghe Luk 15:4

“Gie a kha ighe ọkpa vbe uwu uwa mwẹ ohuan iyisẹn, ọkpa vbọ na wii, de emwi ne ọ gha ru? Ọ ghi sẹ ọkpairrọvbiyisẹn ni dekẹe rae ye ehe ne iran na rria, ọ ghi ya gualọ ohuan ne ọ wiri ni rhinrin ọ te do miẹn ọẹn.