Jerimaia 33:11 - Edo Bible (E Baibol Ẹdo) Version 1996

¹¹ Urhu ne ọ la ọghe oghọghọ kevbe ọyẹnmwẹ, kevbe uwemwẹ ẹko rhiẹhrhiẹn mwẹ ọghe evbare irhiọha. Wa gha họn vbe emwa na a gha sihuan viọ imuohan ekpọnmwẹ die Ọgua Osa mwẹ, iran ghi kha wẹẹ, “ ‘Wa rhie ekpọnmwẹ ne Nọyaẹnmwa ne Oghodua, rhunmwuda, rẹn maa, itẹbitẹ ọ re ahoẹmwọmwa rẹn khin.’ I gha ya otọ nii khian ne agbọn maa rẹn zẹ vbe ne ọ ka ye dee ẹdẹ. Mẹ ne Nọyaẹnmwa ọ re ọ taa ẹe.”

Jerimaia 33:11 ပူးပေါင်းရင်းမြစ်များ

I Krọnikol 16:34

Wa rhie ekpọnmwẹ ne Nọyaẹnmwa, rhunmwuda ọ maa; etẹbitẹ ọ re aho ẹmwẹ ọmwa rẹn khin.

I Krọnikol 16:8

Wa rhie ekpọnmwẹ ne Nọyaẹnmwa, wa guan ẹmwẹ ukpọlọmwẹ ọnrẹn wa na iyẹn emwi ne ọ ru ma ẹvbo hia.

II Krọnikol 20:21

Ọ ghi gu avbe emwa nii zẹ iro nẹ, ọba keghi khama avbe ikpemaba wẹ ne iran viọ ẹwu ne iran ya do ugie yọ, ne iran khian ke odaro ne avbe ivbiyokuo, ne iran gha so ihuan na wẹẹ, “Wa rho e Nọyaẹnmwa. Etẹbitẹ ọre Itohan rẹn khin.”

II Krọnikol 29:31

E Hẹzekaia keghi tama emwa ni wẹẹ, “Vbe ne a ghi na miẹn nian wẹ awua ighi rre uwa egbe, wa viọ emwi do ya zọ ese ekpọnmwẹ ghe Nọyaẹnmwa.” Iran keghi khuẹnniẹn yọ, eso keghi vbe ya ekhọe obọ iran viọ aranmwẹ rre ne a ya sọ ese na giẹn uan.

II Krọnikol 7:3

Ugbẹn vbe ivbi Izrẹl ghi miẹn erhẹn ne ọ ke ẹrinmwi rre kevbe awanwan ne ọ vuọn Ọgua Osa, iran keghi dele viọ aro rhu otọ vbe ibare, iran ga Osanobua, iran keghi rho ẹre ye umamwẹ ọnrẹn kevbe aho ẹmwẹ ọmwa etẹbitẹ ne ọ mwẹ.

Ẹzra 6:22

Iran keghi ya ikpẹdẹ ihinrọn ghọghọ oghọghọ nọkhua ru Emwiukpo Ebrẹd Ne ọ ma hue. iran kakabọ ghọghọ rhunmwuda, e Nọyaẹnmwa keghi ru ẹe ne Ọgbaisi Asiria gha ru iran ẹse, sẹrriọ wẹ ọ na kakabọ ye iran obọ vbe iran bọ Ọgua Osa ọghe Osanobua Izrẹl.

Nehimaia 12:43

Emwi ni bun ọre a ya zẹ ese ẹdẹ ne ẹdẹrriọ, ẹko kegha sẹ emwa hia ọyẹnmwẹ, rhunmwuda, Osanobua ọ re ọ rhie ọyẹnmwẹ ne iran. Avbe ikhuo kevbe ibiẹka keghi vbe deba emwiukpo na, a keghi gha họn urhu uwemwẹ iran ya sẹ arria ọvbehe.

Nehimaia 8:12

Rhunmwuda ọnii, emwa ni hia ke gha rrie owa. Iran na ya re, iran na da vbe ẹko rhiẹnrhiẹnmwẹ, iran na ghae ne emwa ọvbehe vbe emwi ne iran mwẹ rhunmwuda, emwi ne a tie ma iran, la iran ehọ.

Psalm 106:1

Wa rho e Nọyaẹnmwa! Wa rhie ekpọnmwẹ ne Nọyaẹnmwa, rhunmwuda ọ maa, etẹbitẹ ọre aho ẹmwẹ ọmwa rẹn khin.

Psalm 107:1

Wa rhie ekpọnmwẹ ne Nọyaẹnmwa, rhunmwuda ighe ọ maa, etẹbitẹ ọre aho ẹmwẹ ọmwa rẹn khin.

Psalm 107:22

Ọ kere ne iran zọ ese ya kpọnmwẹ ọẹn ne iran vbe ye ihuan oghọghọ, ta iwinna ne ọ winnaẹn hia.

Psalm 116:17

I gha zọ ese ekpọnmwẹ ghe ruẹ I ghi vbe na erhunmwu mwẹ ghe ruẹ.

Psalm 147:13

Rẹn ruẹe ne onurho uwa wegbe; ọ fiangbe emwa ruẹn.

Psalm 85:7

Rhie aho ruẹ ne ẹ i beghe ma mwa Nọyaẹnmwa, ne u vbe rhie iyobọ imiẹnfan ruẹn ne ima.

Aizaia 35:10

Iran gha ya oghọghọ sẹ Jerusalẹm iran ghi gha so ihuan iran ghi gha wee ne oghọghọ iran ghi gha rre uwu ọyẹnmwẹ ẹdẹdẹmwẹdẹ iran fe vbe obọ irhiaẹko kevbe akhiẹ ẹdẹdẹmwẹdẹ.

Aizaia 51:11

Iran ne uwẹ miẹnfan nẹ, gha ya oghọghọ sẹ Jerusalẹm, iran ghigha so ihuan, iran ghi gha wee ne oghọghọ. Iran gha ghọghọ ẹdẹdẹmwẹdẹ iran fe vbe obọ akhiẹ kevbe orriara ẹdẹdẹmwẹdẹ.

Aizaia 51:3

“I gha tohan e Jerusalẹm kevbe avbe iran hia ni ghi rre itowa ẹre. Ogha khọnrẹn ne otọ ẹre gha re ato I gha ya ẹe khian ugbo ebe uwọnmwẹ zẹ vbe ugbo emwiokọ ne I mu ye Idẹni. Ọyẹnmwẹ kevbe oghọghọ gha rre evba deba ihuan urhomwẹ kevbe ekpọnmwẹ ghe mwẹ.

Aizaia 52:8

Iran ni khẹ onurho ẹvbo nii gha wee iran gha koko wee ne oghọghọ. Iran gha tobọ iran ye aro iran bẹghe ẹre vbe Nọyaẹnmwa dọlegbe gha die Zaiọn.

Aizaia 52:9

Wa gha wee ne oghọghọ wa ne itowa ni rre Jerusalẹm! E Nọyaẹnmwa gha miẹn ẹvbo ẹre fan ọ ghi vbe fu avbe emwa rẹn ẹko rre.

Jerimaia 16:9

Danmwehọ ẹmwẹ ne I ra ta, mẹ ne Nọyaẹnmwa ne Oghodua, ne Osanobua Izrẹl. I gha dobọ urhu oghọghọ yi kevbe ọghe ọyẹnmwẹ, kevbe urhu oghọghọ evbare irhiọha. Emwa ni rre emwana gha rre agbọn ne aro iran sẹ ọe vbe emwi na a sunu.

Jerimaia 17:26

Emwa gha ke avbe okpe vbo e Juda, kevbe avbe igue ni lẹga Jerusalẹm rre, iran gha ke otọe Bẹnjamin rre, kevbe avbe ototọ oke kevbe uhunmwu oke rre, kevbe ke odẹ ekẹn Juda rre. Iran gha viọ ese ne a giẹn uan rrie Ọgua Osa mwẹ deba ese ne a zọọ, imuohan ọghe ọka kevbe eturari, kevbe imuohan ekpọnmwẹ.

Jerimaia 25:10

I gha dobọ uwemwẹ oghọghọ kevbe ọyẹnmwẹ iran yi, kevbe uwemwẹ oghọghọ ọghe evbare irhiọha, iran i ghi miẹn ofigbọn sa ye ukpa iran, ọka i ghi ra vbe gha rrọọ.

Jerimaia 29:14

Ẹn, erriọ I tae wẹ wa gha gualọ mwẹ miẹn. Mẹ ghi viọ uwa ya ye ihe vbe otọe uwa. I gha si uwa koko ke dọmwadẹ ẹvbo, kevbe dọmwadẹ ehe ne I zagha uwa gha rrie, I ghi viọ uwa gha die otọe nii ne I ke viọ uwa kpao gha rrie iwe. Mẹ ne Nọyaẹnmwa tae nẹ.’

Jerimaia 30:19

Emwa ni rre evba gha so ihuan urhomwẹ iran, gha we ne oghọghọ. Rhunmwuda, afiangbe mwẹ, iran gha muan yọ afiangbe mwẹ gha mu ọghọ ye iran egbe.

Jerimaia 30:3

Rhunmwuda ẹghẹ dee ne I gha na viọ emwa mwẹ ighe Izrẹl kevbe Juda. I ghi viọ iran dọlegbe gha di otọe nii ne I mu ne avbe erhan iran odede, iran ghi dọlegbe do yan ẹnrẹn. Mẹ ne Nọyaẹnmwa ọre ọ taa ẹe.”

Jerimaia 32:44

Emwa gha dẹlẹ ọe, a ghi vbe gbẹnnẹ ebe, a ghi gha rhie obọ yọ, a ghi vbe gha ru osẹe yọ. Ena hia gha sunu vbe otọe e Bẹnjamin, vbe avbe igue ni lẹga e Jerusalẹm, avbe okpẹvbo e Juda, avbe okpẹvbo ni rre avbe ẹvbo uhunmwu oke, ni rre odẹ ototọ oke, kevbe odẹ ekẹn e Juda. I gha dọlegbe viọ avbe emwa na gha rrie ẹvbo iran. Mẹ ne Nọyaẹnmwa tae nẹ.”

Jerimaia 33:26

Zẹ vbene I wa vbe ru ena gbangbaangban, erriọ I ra ye obọ mu ile ne I gu ivbi uniẹn e Devid taa. I gha zẹ ovbi uniẹn e Devid ọkpa, ne ọ gha khaemwisẹ yan ivbi uniẹn Ebraham, Aizik kevbe Jekọb. I gha tohan emwa mwẹ, I ghi vbe ru ẹe ne agbọn dọlegbe maa iran.”

Jerimaia 33:7

I gha ya Juda kevbe Izrẹl khian ne agbọn marẹn ẹsẹse, I ghi dọlọ iran bọ ne iran do gha ye vbene iran ka gha ye ẹghẹ ne ọ gberra.

Jerimaia 7:34

Otọe nii gha khian ato. I gha dobọ urhu oghọghọ kevbe ọyẹnmwẹ yi vbe avbe okpẹvbo e Juda kevbe ore Jerusalẹm, deba uwemwẹ oghọghọ ọghe evbare irhiọha.”

Emọs 9:14

I gha viọ emwa mwẹ werriegbe gha die otọ iran, iran gha dọlọ ẹvbo iran ne ọ te guọghọ ua bọ. Iran ghi di ẹe ya. Iran gha gbe ugbo azara iran ghi da ayọn ẹnrẹn. Iran gha mu ugbo, iran ghi rhọ emwi ne iran kọe.

Jona 2:9

Sokpan mẹ gha so ihuan urhomwẹ ghe ruẹ I gha zọ ese ghe ruẹ, I ghi vbe ru zẹ vbene I yan rẹn. Ọghe Nọyaẹnmwa ore imienfan ke rre!”

Nahum 1:7

E Nọyaẹnmwa wa maa ọ degue avbe emwa rẹn vbe ẹghẹ ibaro; ọ gbe aro ghe iran ni lẹ bu ẹre rre.

Zẹfanaia 3:14

Wa so ihuan, wa we ne oghọghọ, wa ne ivbi Izrẹl! Ye ekhọe ruẹ hia gha ghọghọ, e Jerusalẹm!

Zẹkaraia 10:7

Ivbi Izrẹl gha wegbe zẹ vbe ivbiyokuo. Ẹko, ghi gha rhiẹnrhiẹn iran zẹ vbe emwa ni wa gha da ayọn. Ivbi uniẹn iran gha ye akhọnmiotọ na rre, iran ghi gha ghọghọ rhunmwuda emwi ne Nọyaẹnmwa ru.

Zẹkaraia 8:19

“Aguẹ ne a yo vbe uki ne ogienẹ, ogisẹn ne ogihinrọn kevbe ne ogigbe, emwiukpo ọyẹnmwẹ kevbe oghogho ọ re ọ khian gha khin ne ivbi e Juda. Wa gha ho ẹmwẹ ẹmwata kevbe ọfumwegbe.”

Zẹkaraia 9:17

Umiẹn vbe otọe nii gha ma hẹ! Umiẹn vbene ọ gha mose hẹ! Ọka kevbe ayọn rẹn gha ya avbe igbama wan yọ.

Iyẹn ne ọ Maan Ọghe Jọn 3:29

Ọdafẹn ọha ọre ọ yan ovbiọha. Ọse ọdafẹn ọha ghi mudia gha danmwehọ, ẹko ghi gha rhiẹnrhiẹn ọẹn vbe ọ gha họn urhu ọdafẹn ọha. Erriọ zẹẹ ọre a ya ye ọyẹnmwẹ ne ọ sẹmwẹ khian ne ọ gbae.

Hibru 13:15

Rhunmwuda ọnii, wa gie ima gha rhie urhomwẹ ne Osanobua vbe ẹghẹ hia, zẹ vbe ese ne a zọ la obọ Jesu, ọnii nọ wẹ, wa gie ima gha ya urhu mwa rhie ekpọnmwẹ ne eni ẹnrẹn.

Arhie Maan 18:23

A i ghi ra dọlegbe bẹghe uwanmwẹ ukpa ne a rhu vbe uwu uwẹ ọvbehe. A i ra dọlegbe họn urhu ọha kevbe ọdafẹn ọha vbe uwu uwẹ ọvbehe. Emwa iwinna ruẹn ọre ọ te re ne ọ mwẹ ẹtin sẹ vbe uhunmwu otọ agbọn hia, u kegha ya ẹbo awan ohoghe ruẹ mu emwa ne agbọn hia rẹrẹ!”