Jerimaia 32:41 - Edo Bible (E Baibol Ẹdo) Version 1996

⁴¹ I gha wa ye ọyẹnmwẹ gha ru emwi esi ne iran. I ghi vbe gbe iran ẹkun sotọ ẹdẹdẹmwẹdẹ vbe otọe na.

Jerimaia 32:41 ပူးပေါင်းရင်းမြစ်များ

Psalm 80:8

U rhie azara ima okpa ke Igipt rre, u khulo uhunmwu ẹvbo nekpa ladian, u keghi gbọ ẹre ye otọe iran.

Aizaia 60:21

Emwa ruẹn hia gha ru emwi ne ọ kere iran gha vbe yan otọe nii ẹdẹdẹmwẹdẹ. Mẹ ọ re ọ kọ iran, mẹ ọ re ọ yi iran ne I ya rhie ukpọlọmwẹ mwẹ ma ehia.

Aizaia 62:4

A i ghi dọlegbe tie ruẹ “Evbahe.” Ra ne a gha tie otọe ruẹ “Ne Ọdọ He.” Eni ruẹn nọgbọn ghi gha re “Ẹko Ẹre Maa Osanobua.” A ghi gha tie otọe ruẹ “Ne Ọdọ Bọ,” rhunmwuda, ẹko rua maa e Nọyaẹnmwa ọ ghi vbe yevbe ọdọ ne otọe uwa.

Aizaia 62:5

Zẹ vbe igbama ne ọ rhie ọvbokhunvbi rọnmwẹ ọmwa ne ọ yi uwẹ gha rhie ruẹ rọnmwẹ zẹ vbene ẹko ovbiọha rhiẹnrhiẹn ọdafọn ọha erriọ ọ re ẹko rua ra gha maa Osanobua rua.

Aizaia 65:19

Oghọghọ gha vuọn imẹ tobọmwẹ ẹko rhunmwuda e Jerusalẹm kevbe avbe emwa ni rrọọ. Eve i ra gha rre evba, bu mwẹ rre, bu mwẹ rre i ra vbe gha rrọọ.

Jerimaia 18:9

Erriọ vbe nọ, I gha kha wẹ I ra mu ẹvbo ra arriọba ọkpa mudia ra ne I dọlọ ẹe yi.

Jerimaia 24:6

I gha gbearoghe iran, I ghi vbe viọ iran werriegbe gha die otọe na. I gha mu iran kpaegbe, I i ra vbe siẹn iran kua. I gha gbọ iran, I i ra vbe silo iran vbọlọ.

Jerimaia 31:28

Zẹ vbene I wa mu aro yọ ne I vbọlọ kua, ne I siẹn gbotọ, ne I sua guọghua, ne I fuẹn ọnrẹn uan kevbe ne I rẹnkhẹn iran, erriọ ọ re I gha wa vbe mu aro yọ ne I kọ iran kevbe ne I bọlọ iran.

Ezikiẹl 36:36

Ẹghẹ nii, avbe ẹvbo ni yin lẹga ẹre, ni miẹn uhunmwu vbọ gha rẹn wẹ, mẹ ne Nọyaẹnmwa, sẹtin dọlọ ẹvbo ne a rẹnkhuan bọ, I ghi vbe ye otọe ne a mu rhia gbe ugbo. Mẹ ne Nọyaẹnmwa tae nẹ wẹ I gha ru emwi na, te I ra gele ru ẹe.”

Hozia 14:5

I gha ye vbe amẹ ne ọ rhọ ye otọe nọkae ne ivbi Izrẹl, iran gha vẹ gba ehe hia zẹ vbe obobo. Inian iran gha deziẹn vbe otọ zẹ vbe avbe erhan e Lebanọn.

Emọs 9:15

I gha gbe emwa mwẹ ẹkun sẹ otọ vbe otọe ne I mu ne iran, a i ghi dọlegbe werriẹ iran owa ọvbehe.” E Nọyaẹnmwa ne Osanobua rua taa ẹe nẹ.

Maika 7:18

Ẹbọ ọkpa ne ọ yevbe ruẹ i rrọọ Nọyaẹnmwa, wẹ ya orukhọ bọ avbe emwa ruẹn ni miẹn uhunmwu. U ma gie ohu wa mu uẹn ẹdẹdẹmwẹdẹ, sokpan, te ọ wa yẹ ruẹ ne u gha rhie itohan ruẹn ne ẹ i beghe ma mwa.

Zẹfanaia 3:17

E Nọyaẹnmwa ne Osanobua mwẹ rrọ yaba ruẹ, ẹtin ẹnrẹn ọ re ọ rhie akhọnmiotọ nuẹn. Ẹko ruẹ gha rhiẹnrhiẹn e Nọyaẹnmwa kevbe uwu aho ẹmwẹ ọmwa ẹnrẹn, ọ gha rhie arrọ agbọn ne uẹn. Ọ gha so ihuan, ọyẹnmwẹ ruẹn ghi vbe gha sẹ ọe.

Diuteronomi 28:63

Zẹ vbene Nọyaẹnmwa wa yan gha zẹ ọma ne agbọn ku uwa, kevbe ne ọ na vbe gie uwa gha bun yọ, erriọ ọ re ọ ra vbe yan fuẹn uwa a, kevbe ne ọ vbe mu ọ rhiae lele uwa. A ghi ho uwa bẹkun vbe otọ ni ne uwa ra yin na.

Diuteronomi 30:9

E Nọyaẹnmwa gha gie emwi ne uwa ru hia gha dinna odẹ, wa gha mwẹ emọ ni bun kevbe avbe ẹmila ni bun, ugbo uwa ghi gha mọ emwiokọ ni bun ẹsẹse. Ẹko gha rhiẹnrhiẹn ọẹn ne ọ gie uwa gha ma an zẹ vbene ẹko rhiẹnrhiẹn ọẹn gie agbọn ma erha uwa odede.