Jerimaia 32:40 - Edo Bible (E Baibol Ẹdo) Version 1996

⁴⁰ I gha gu iran ta ile etẹbitẹ. Mẹ i ra dobọ emwi esi ne a ru ne iran yi ẹdẹdẹmwẹdẹ, I gha vbe ru ẹe ne iran ya ekhọe iran hia gha mu ohan mwẹ, ne iran ghẹ ghi fi iyeke gbe mwẹ ẹdẹ.

Jerimaia 32:40 ပူးပေါင်းရင်းမြစ်များ

II Samuẹl 23:4

te ọ yevbe ovẹn ne ọ yunmwu vbe ẹdẹ ne amẹ ma bi ovẹn ne ọ ye ebe fi wainwain vbe amẹ a rhọ nẹ.”

Psalm 80:19

Nọyaẹnmwa Osanobua Ne Oghodua viọ ima werriegbe rre rhie itohan ruẹn ma mwa a gha vbe miẹn mwa fan.

Aizaia 24:5

Avbe emwa ru awua ye agbọn vbekpa ne iran na rra uhi Osanobua, kevbe ne iran ma na mu ẹẹn sẹ ighe ile ne ọ gu iran taa, emwi ne a wẹ ne ọ gha re ọghe etẹbitẹ.

Aizaia 55:3

“Wa ne emwa mwẹ, wa danmwehọ nian ne uwa bu mwẹ gha dee, wa bu mwẹ gha dee, wa gha fe! I gha gu uwa ta ile ne ọ tọ vbotọ, I ghi vbe rhie afiangbe ne I ve Devid re ne uwa.

Aizaia 61:8

E Nọyaẹnmwa khare wẹẹ, “Ohiẹn ẹmwata ọ re I ho, azẹ ọmwa kpokpo kevbe ọkhọ, i yẹ mwẹ I gha wa san avbe emwa mwẹ ẹse, I ghi gu iran ta ile ẹdẹdẹmwẹdẹ.

Jerimaia 24:7

I gha rhie ye iran ekhọe aho ne iran rẹn wẹ mẹ ọrọre Nọyaẹnmwa. Ẹghẹ nii iran ghi gha re emwa mwẹ, mẹ ghi vbe gha re Osanobua iran, rhunmwuda, iran gha werriegbe bu mwẹ rre, ekhọekekhọe iran hia.

Jerimaia 31:34

Ọkpa ne ọ ghe ghi gha ma ovbi ẹvbo ẹre emwi wẹ ne ọ rẹn e Nọyaẹnmwa i ghi rrọọ, rhunmwuda iran hia gha rẹn mwẹ kevbe egbe ne ọ kpọlọ sẹẹ ya sẹ egbe ne ọ kanmwa sẹẹ. I gha ya orukhọ iran bọ iran, a i ghi vbe ye abakuru iran rre ọvbehe. Mẹ ne Nọyaẹnmwa taa ẹe nẹ.”

Jerimaia 50:5

Iran gha nọ odẹ ne a la ye e Zaiọn, iran ghi gha rrie odọ nii. Iran gha gunmwẹ ta ile ẹdẹdẹmwẹdẹ, iran i ghi ra vbe rra ẹre.

Ezikiẹl 36:26

I gha rhie ẹko kevbe ekhọe ọgbọn ne uwa I gha miẹn uwa ekhọe okuta uwa ne ọ zevbudu nii, I ghi rhie ekhọe ne ọ họn ẹmwẹ ne uwa.

Ezikiẹl 36:27

I gha rhie orhiọn mwẹ ye uwu uwa, I ghi vbe miẹn wẹ wa ya uhi kevbe iyi mwẹ ru emwi.

Ezikiẹl 37:26

I gha gu iran ta ile, ne ọ gha gbe iran ẹkun sotọ ẹdẹdẹmwẹdẹ. I gha gbe iran igiẹ, I gha vbe gie iran gha muan yọ. I ghi miẹn wẹ Ọgua Osa mwẹ mudia ye otọe iran ẹdẹdẹmwẹdẹ.

Ezikiẹl 39:29

I gha hihiẹ orhiọn mwẹ yan ivbi Izrẹl, I i ghi dọlegbe fi iyeke gbe iran ọvbehe. Mẹ ne Nọyaẹnmwa ne Udazi ọ re ọ tae.”

Maika 4:5

Dọmwadẹ ẹvbo ọ re ọ gho, ọ ghi vbe họn ẹmwẹ ne ẹbọ ẹre, sokpan, ma gha ga, ma ghi vbe gha họn ẹmwẹ ne Nọyaẹnmwa ne Osanobua ima ẹdẹdẹmwẹdẹ.

Diuteronomi 31:6

Wa gha wegbe ne uwa vbe din. Wa ghẹ gie ohan emwa nii mu uwa, Osanobua uwa ighẹ e Nọyaẹnmwa tobọ ẹre gha yaba uwa, ẹ i ra hiẹ uwa ra ne ọ he uwa ye otọ.”

Diuteronomi 31:8

E Nọyaẹnmwa tobọ ẹre gha ke aro ne uwa, ọ gha vbe gha rrọọ yaba uwa, rẹn i ra hiẹ uwa ra ne ọ he uwa ye otọ, rhunmwuda ọnii, wa ghẹ gie ẹtin fo uwa, wa ghẹ gie ohan mu uwa.”

Hibru 13:20

Osanobua huẹn Nọyaẹnmwa Jesu Kristi kpao vbe idin nẹ, ọmwa ne ọ re Ọsuohuan Nọkhua ọghe avbe ohuan, rhunmwuda uwu ẹre ne a ya yi ile etẹbitẹ nii okhi.

Hibru 4:1

Banbanna nian, Osanobua tama ima ye otọ nẹ wẹ ma sẹtin la owa ne a ya gu ẹe kẹtin. Rhunmwuda ọnii wa gie ima gha mwẹ imuohan, ne a ghẹ miẹn wẹ, a miẹn orhiọnkpa vbe uwu uwa ne ọ ma sẹtin la uwu ikẹtin nii.

Hibru 7:24

Sokpan te Jesu wa rrọọ ẹdẹdẹmwẹdẹ, iwinna rẹn zẹ vbe ohẹn i vbe re ne a ghi mu ne ọmwa ọvbehe.

Jems 1:17

Emwi ne ọ gbae, ne ọ maa, ne a ya we ọmwa hia, ke ẹrinmwi rre nọ. Obọ Osanobua ne Ayi ne ọ yi uwanmwẹ ẹrinmwi, ọ re ọ ke rre. Rẹn i fi werriẹ, ra ne ọ vbe la ekpa a fiwerriẹ si ebiebi.

I Pita 1:5

Ọ ghe uwa ọre nọ, wa ne a la ekpa ẹsọhẹ ya ẹtin Osanobua rhie lẹre, vbe ne a i na mwẹ ẹbe, vbe uwu ne uwa na mudia khẹ imiẹnfan, ne a gha rhie ne emwa hia miẹn vbe ẹdẹ ufomwẹ ẹghẹ.