Jerimaia 32:39 - Edo Bible (E Baibol Ẹdo) Version 1996

³⁹ I gha rhie emwi okpa kẹkan ne iran hia gha rhie aro yi vbe agbọn iran; ne iran gha ya ọghọ mẹ vbe ẹghẹ hia vbene agbọn gha na maa iran kevbe ivbi uniẹn iran.

Jerimaia 32:39 ပူးပေါင်းရင်းမြစ်များ

Gẹnẹsis 17:7

“I gha mu eyan mwẹ sẹ ne uwẹ kevbe avbe ivbi uniẹn ruẹn vbe orre ne ọ dee zẹ vbe ile itẹbitẹ. Mẹ gha re Osanobua ruẹ kevbe Osanobua ọghe uniẹn ruẹn.

Gẹnẹsis 18:19

I hannọ ọẹn zẹ nẹ ne ọ miẹn ehe na gha yi iyi ne ivbi ẹre kevbe emọ ne ọ gha la uniẹn ọnrẹn rre, ne iran gha họn ẹmwẹ mẹ, ne iran vbe gha ru emwi ne ọ ọhẹnhẹn. Ẹghẹ nii, I ghi do ru nẹ zẹ vbe ne I ve ẹre re hia.”

Gẹnẹsis 22:12

Rẹn tama rẹn wẹẹ, “Ghẹ kuan ọmọ nii egbe, ghẹ vbe ru ẹre emwi rhọkpa.” I rẹnrẹn nian wẹẹ, “U mu egbe ne u ya gha hẹnmwẹ ne Osanobua, rhunmwuda, u ma gun mwẹ sinmwi ovbuẹ ne ukpọmọkpa.”

II Krọnikol 30:12

Osanobua keghi wa gha winna vbe Juda, ọ keghi ku emwa nii kugbe vbe uwu ne iran na yan tae wẹ iran gha họn ẹmwẹ ne ẹẹn vbe emwi ne ọ ho, vbe ekpa ne iran gha na gha ru vbene ọba kevbe ekhaẹmwẹ ọnrẹn khare.

Psalm 112:1

Wa rho e Nọyaẹnmwa! Afiangbe ọrọre ọghe iran ni ya ọghọ ne Nọyaẹnmwa, iran ne ẹko rhiẹnrhiẹn ye ne a gha mu uhi ẹre sẹ.

Psalm 128:6

Te u gha tọ ne u miẹn avbe eyẹ ruẹ! Ọfumwegbe gu Izrẹl rrọọ.

Psalm 86:11

Nọyaẹnmwa, ma mwẹ emwi ne u ho ne I ru I gha họn ẹmwẹ ne uẹn kekhọekekhọe, ma mwẹ re ne I gha ga a, vbe ne I na wa mu aro yọ ẹsẹse.

Itan 23:17

Ghẹ gie ekhọe ruẹ la ghe ẹmwẹ emwa orukhọ, gie ayọghọ ne Nọyaẹnmwa gha re emwi ne u mu aro yi vbe agbọn.

Aizaia 35:8

Odẹ ne gbodoo gha la evba, a ghi gha tie ẹre “Odẹ uhuanmwẹ.” Ọmworukhọ i ra la odẹ nii ẹdẹ akpa i ra bibi emwa ni lae odẹ.

Aizaia 52:8

Iran ni khẹ onurho ẹvbo nii gha wee iran gha koko wee ne oghọghọ. Iran gha tobọ iran ye aro iran bẹghe ẹre vbe Nọyaẹnmwa dọlegbe gha die Zaiọn.

Aizaia 65:23

Emwi ne iran ru gha wa gha dinna odẹ, ọkhọ i ra vbe sunu vbe egbe ivbi iran, i gha fiangbe iran kevbe uniẹn ivbi iran ni dee ẹdẹdẹmwẹdẹ.

Jerimaia 24:7

I gha rhie ye iran ekhọe aho ne iran rẹn wẹ mẹ ọrọre Nọyaẹnmwa. Ẹghẹ nii iran ghi gha re emwa mwẹ, mẹ ghi vbe gha re Osanobua iran, rhunmwuda, iran gha werriegbe bu mwẹ rre, ekhọekekhọe iran hia.

Jerimaia 31:33

Ile ọgbọn ne I ghi ra gu ivbi Izrẹl ta, enian ọ khian gha ye, I gha rhie uhi mwẹ ye uwu iran, I ghi vbe gbẹnnẹ ọẹn ye iran ekhọe. Mẹ ghi gha re Osanobua iran, iran ghi gha re emwa mwẹ.

Jerimaia 32:40

I gha gu iran ta ile etẹbitẹ. Mẹ i ra dobọ emwi esi ne a ru ne iran yi ẹdẹdẹmwẹdẹ, I gha vbe ru ẹe ne iran ya ekhọe iran hia gha mu ohan mwẹ, ne iran ghẹ ghi fi iyeke gbe mwẹ ẹdẹ.

Jerimaia 6:16

E Nọyaẹnmwa tama emwa rẹn wẹẹ, “Wa mudia ye ada ne uwa rhie aro yotọ. Wa nọ ehe ne avbe odẹ nẹdẹ ye kevbe avbe odẹ ni maa sẹẹ nii. Wa gha la ẹe, wa gha vbe gha rre ọfumwegbe.” Sokpan, iran khare wẹẹ, “Ẹn o, ma i ru vberriọ.

Ezikiẹl 36:26

I gha rhie ẹko kevbe ekhọe ọgbọn ne uwa I gha miẹn uwa ekhọe okuta uwa ne ọ zevbudu nii, I ghi rhie ekhọe ne ọ họn ẹmwẹ ne uwa.

Ezikiẹl 37:22

I gha ku iran gbe khian uhunmwu ẹvbo ọkpa vbe otọe nii vbe uhunmwu oke Izrẹl. Ọba ọkpa ghi gha khaemwisẹ yan iran, a i ghi ra dọlegbe gha iran ye agbọn ẹvbo eva ọvbehe ra ne a wannọ iran ya khian otọe arriọba eva.

Ezikiẹl 37:24

Ọba ne ọ yevbe Devid ne ọguọmwadia mwẹ ghi gha re ọba iran. A gha si iran hia koko ye ototọ enọkhaemwisẹ ọkpa, iran ghi gha ye ekhọekekhọe ya uhi mwẹ ru emwi.

Ezikiẹl 37:25

Iran gha yin otọe ne I mu ne Jekọb ne ọguọmwadia mwẹ, otọe ne avbe erha iran odede gha ye. Iran gha di evba ya ẹdẹdẹmwẹdẹ erriọ vbe nọ ne ivbi iran kevbe ivbi uniẹn iran hia. Ọba ne ọ ye vbe Devid ne ọguọmwadia mwẹ gha khaemwisẹ yan iran ẹdẹdẹmwẹdẹ.

Iyẹn ne ọ Maan Ọghe Jọn 14:6

Jesu wanniẹn wẹẹ, “Mẹ ọrọre odẹ, mẹ ọrọre ẹmwata, mẹ ọrọre arrọọ. Ọmwa nọ gha sẹtin sẹ ehe ne Evbavba ye ẹ i rrọọ vbe ẹ i re wẹ te ọ la obọ mwẹ.

Iyẹn ne ọ Maan Ọghe Jọn 17:21

I rinmwian ne iran hia gha re ọkpa. Evbavba, gie iran gha rre uwu ima ne agbọn miẹn ehe na yayi ighẹ wẹ ọre ọ gele gie mwẹ.

Iwinna 2:39

Rhunmwuda, wa kevbe avbe ivbi uwa ọre Osanobua ve ẹre emwi na kevbe iran ni rre urria, kevbe avbe emwa hia fẹẹrẹ ne Osanobua gha tie rrie egbe.”

Iwinna 3:26

Ọnii ọ si ẹe ne Osanobua ghi na zẹ Ọguọmwadia ẹre nẹ, ọ keghi ka gie ẹe bu uwa gha dee ne ọ do fiangbe uwa vbe ekpa ne ọ gha na ya uwa hia fi iyeke gbe odẹ dan ne uwa te la khian.”

Iwinna 4:32

Otu iran ni yayi keghi gha rrọọ vbe ekhọe ọkpa kevbe orhiọn ọkpa. Arhiọnkpa ne ọ vbe tie emwi ne ọ mwẹ ọghe obọ ẹre, ẹ i rrọọ. Iran hia ghi gha gba ghae emwi ne iran mwẹ, ọ gba obọ.

Iwinna 9:31

Ẹghẹ nii ọre egbe ghi na do rọkhọ esọsi ni rre Judia hia, kevbe Galili kevbe ni rre Sameria. Ọ kegha de igiẹ, ọ na gha muan yọ vbe ekpa iyobọ Orhiọn Ne Ọ Huanrẹn, ọ kegha rrọọ vbene ọ na ye uyinmwẹ ọnrẹn ya ọghọ ne Nọyaẹnmwa.

Ebe ne Pọl gbẹẹn gie emwa Rom 11:16

A deghẹ a rhie ekan unu eka ne okaro ne Osanobua, rẹn ọ ghi wa yan ududu eka ni hia, erriọ, a deghẹ a vbe ye inian ni rre erhan fiohan ne Osanobua, rẹn ọre ọ wa vbe yan abọ ẹre ba ẹre.

I Kọrinti 7:14

Rhunmwuda ọdọ ne ọ ma yayi ni ghi do gha re ne Osanobua rhan obọ miẹn rhunmwuda ne a na ku ẹe kugbe ba amwẹ ọnrẹn, amwẹ ne ọ ma yayi ni ghi vbe do gha re ne Osanobua sẹtin rhan obọ miẹn rhunmwuda ne a na ku ẹe gbe ba ọdọ ne ọ yayi. Akpawẹ ẹ i ye vberriọ, te ivbi iran ghẹ gha ye vbe ivbi e ne ọ ma yayi, sokpan vbene ọ ghi ye na, iran khian ne Osanobua sẹtin rhan obọ miẹn.

II Kọrinti 13:11

Banbanna nian, etẹn mwẹ, wa ọ khian ẹdẹ ọkpa. Wa gha ru ẹe ne ọ gba ne uwa, wa gha rhie ẹmwẹ mwẹ ye ehọ wa gie ẹmwẹ uwa gha gue kugbe, wa gha rrọọ vbe uwu ọfumwegbe. Osanobua aho ẹmwẹ ọmwa kevbe ọfumwegbe gha vbe gu uwa gha rrọọ.

Diuteronomi 5:29

Vbọ rrọọ nian akpawẹ erriọ ekhọe iran ra gha ye ẹdẹ, vbọrrọ akpawẹ iran gha lohan mwẹ ne iran vbe gha rhie uhi mwẹ mwẹ! Ne agbọn miẹn ehe na ma iran kevbe uniẹn ivbi iran ẹdẹdẹmwẹdẹ.

Diuteronomi 6:2

Wa ghi gha mu ohan e Nọyaẹnmwa Osanobua uwa, ne uwa vbe gha rhie uhi ẹre ne I ma uwa re lẹre, vbe ẹdẹ agbọn uwa hia, wa kevbe avbe ivbi uwa, ne uwa miẹn ehe na tọ vbe evba.

Diuteronomi 6:24

Ẹre Nọyaẹnmwa ne Osanobua ima, na tama ima ne ima gha ye avbe uhi na hia ru emwi kevbe ne avbe gha mu ohan irẹn. Adeghẹ ma ru vberriọ, ọ gha gbe aro ghe ẹvbo mwa, ọ ghi ye ẹfe kpọ vbọ.

Hibru 10:20

Ọ kie odẹ ọgbọn ye uwu ukpọn ne a ya fiaẹn ni ne ima nẹ, odẹ ne ọ rrọọ, ọnii nọ wẹ vbe ekpa egbe ẹre.