Jerimaia 32:35 - Edo Bible (E Baibol Ẹdo) Version 1996

³⁵ Iran bọọ Ogiukpo ne Baal vbe Iya Hinọm, ne iran ya gha ya ivbi iran nikpia kevbe nikhuo zọ ese vbe evba ne ẹbọ ne a tie ẹre Molẹk. Mẹ ma tama iran ne iran ru emwi na, ọ ma vbe gha zẹdẹ rrọ mwẹ ekhọe wẹ ne iran ru emwi vberriọ, ne iran ya si emwa e Juda obọ fi orukhọ.”

Jerimaia 32:35 ပူးပေါင်းရင်းမြစ်များ

I Ọba 11:33

I gha ru emwi na rhunmwuda, e Solomọn fi iyeke gbe mwẹ, ọ keghi ya gha gho Astat ne ẹbọ ne okhuo ọghe Saidọn e Kemọs ne ẹbọ ọghe Moab, kevbe Milkọm ne ẹbọ ọghe Amọn. E Solomọn ma họn ẹmwẹ mẹ, ọ de iyi, ọ ma rhie uhi mwẹ kevbe ilele mwẹ mwẹ zẹ vbene Devid ne erha ẹe ru.

I Ọba 11:7

Ọ keghi bọ ehe ne a na gho Kiẹmọs ne ẹbọ emwiekhue Moab ye odẹ ahọ e Jerusalẹm kevbe ehe ne a na gho e Milkọm ne ẹbọ emwiekhue Amọn.

I Ọba 14:16

E Nọyaẹnmwa ghi fi iyeke gbe Izrẹl, rhunmwuda, e Jeroboam ru orukhọ nẹ, ọ kevbe silo ivbi Izrẹl fi uwu orukhọ.”

I Ọba 15:26

Ọ keghi ru orukhọ ghe Nọyaẹnmwa, ọ na ya Izrẹl de ye orukhọ.

I Ọba 15:30

Ọna sunu rhunmwuda, e Jeroboam keghi ya ohu mu e Nọyaẹnmwa ne Osanobua Izrẹl vbekpa orukhọ ne irẹn ru, ọ na vbe silo ivbi Izrẹl obọ fi orukhọ ne iran vbe ru.

I Ọba 16:19

Ọna sunu rhunmwuda orukhọ ne ọ ru ghe Nọyaẹnmwa. Ọ keghi vbe ru vbene Jeroboam ne ọ ke odaro ne irẹn vbe ru, ọ ya ohu mu e Nọyaẹnmwa vbe ekpa orukhọ ne ọ ru, ọ wa vbe silo ivbi Izrẹl obọ la orukhọ.

I Ọba 21:22

Ẹgbẹe ruẹ ghi do gha yevbe ẹgbẹe ọghe Jeroboam ne ọba, ovbi e Nebat kevbe Baasia ne ọba ovbi Ahija, rhunmwuda wẹ ọre ọ ya obọ si ohu mwẹ rrie egbe vbe ne u na silo ivbi Izrẹl obọ fi orukhọ.’

II Ọba 21:11

“E Manasẹ yin avbe uyinmwẹ ni hu ẹko na, emwi ni kakabọ rhia sẹ emwi ne ivbi e Kenan ru, ọ keghi la ekpa avbe amazẹ ọre si ivbi Izrẹl obọ fi orukhọ.

II Ọba 21:4

Ọ keghi mannọ Ogiukpo iran ni ga ẹbọ lele uwu Ọgua Osa, ehe ne Nọyaẹnmwa khare ighẹ a gha na gha ga irẹn.

II Ọba 23:10

E Josaia ne ọba kevbe rhia e Tofẹt rua, ehe ne iran na te vbe ga ẹbọ vbe Iya e Hinọm, ne ọmwa ikọmwa ghẹ ghi miẹn ehe na giẹn ovbi ẹre ne okpia ra ovbi ẹre ne okhuo rua ya zọ ese ghe e Molẹk ne ẹbọ.

II Ọba 23:15

E Josaia kevbe guọghọ ẹe sẹ otọ ighẹ ehe ne a na te ga vbe Bẹtẹl, ne Jeroboam ne ọba ne ovbi e Nebat bọe, ọmwa ni ne ọ si ivbi Izrẹl obọ fi orukhọ. E Josaia keghi siẹn Ogiukpo ne ọ rrọ sẹ otọ, ọ na rẹnkhẹn okuta ni rrọọ, ọ na dunmwu ẹẹn ya khian ebubẹ, ọ kevbe giẹn ọnrẹn uan ighẹ amazẹ Asiẹrra.

II Ọba 3:3

Sokpan, ọ keghi si ivbi Izrẹl obọ la orukhọ zẹ vbene Jeroboam ne ovbi e Nebat ru, ọ ma vbe dobọ yi.

II Krọnikol 33:6

Ọ ye avbe ivbi ẹre ni ikpia zọ ẹse vbe Iya e Hinọm zẹ vbe emwi imuohan. Ọ wa fi iha, ọ kevbe gha ru ẹbọ edunna, ọ kevbe gha tie avbe ọbo kevbe iran ni mianro sẹ owa. Ọ keghi kakabọ rukhọ ghe Nọyaẹnmwa.

II Krọnikol 33:9

E Manasẹ keghi wa ziẹn ivbi e Juda ye orukhọ sẹ ne avbe emwa ne Nọyaẹnmwa khulo hin otọe nii rre vbe emwa rẹn dee.

II Krọnikol 36:14

Deba ena hia avbe ọkaolotu e Juda avbe ohẹn kevbe avbe emwa nii, keghi wa gha yin zẹ vbe emwa ni rre ẹvbo ni lẹga iran, iran na gha gho ẹbọ, iran keghi la ekpa ọnii mu awua ye Ọgua Osa ne Nọyaẹnmwa tobọ ẹre ya khian ne ọ huanrẹn nẹ.

Ẹksọdọs 32:21

Ọ keghi tama Errọn wẹẹ, “Vbe iran na ruẹ hẹ yi ne u na gie iran do ru orukhọ ne ọ khọrhiọn sẹ vbe nian?”

Aizaia 57:5

Wa gho avbe ẹbọ umọbiẹ nii, vbene uwa na ru emwi ọdọ vbe amwẹ vbe ototọ avbe erhan iruẹemwi uwa nii. Wa ya ivbi uwa zọ ese vbe avbe uvun okuta ni rre vbe a gha bu otọ ẹzẹ.

Jerimaia 19:2

ne I la Onurho Ọmakhe gha rrie, Iya Hinọm. Evba nii ọ re ọ wẹ ne I na ta uhunmwu ne irẹn gha gie mwẹ re.

Jerimaia 30:14

Avbe enida uwa hia he uwa yotọ, iran i ghi zẹdẹ zẹ ye uwa ẹre. Mẹ gu uwa gbinna zẹ vbe eghian mwẹ oya ne ọ wegbe ọ re a rrii uwa re rhunmwuda orukhọ uwa bun, uyinmwẹ dan uwa vbe kpọlọ.

Jerimaia 44:4

I kegha giee avbe eguọmwadia mwẹ ighe avbe akhasẹ gie uwa, iran na vbe gha tama uwa ne uwa ghẹ gha ru avbe emwi dan na ne ẹ i yẹ mwẹ.

Jerimaia 7:30

“Ivbi e Juda ru emwi dan ọkpa, iran ya viọ amazẹ iran ne ọ sọnnọ mwẹ ye uwu Ọgua Osa mwẹ, iran keghi mu awua yọ.

Jerimaia 7:31

Iran ma Ogiukpo okpa ne iran tie ẹre Tofẹt ye Iya Hinọm, ne iran miẹn ehe na gha ya ivbi iran nikpia ke nikhuo zọ ese vbe erhẹn. I ma gie iran ru emwi na, ọ ma vbe zẹdẹ gha rrọ mwẹ ekhọe hiehiere.

Ezikiẹl 23:37

Iran ghẹre, iran de izigha, iran ru ọghe vbekpa ẹbọ ne iran gho, iran de izigha vbe ne iran na gbele emọ ikpia ne iran biẹlẹ mẹ. Iran ya ivbi mwẹ emọ ikpia gha zọ ese ne ẹbọ iran.

Levitikọs 18:21

Ghẹ rhie ovbi uẹ rhọkpa ne iran ya gho ẹbọ Milkọm rhunmwuda ọnii gha yagha eni Osanobua ne ọ re Nọyaẹnmwa.

Iwinna 7:43

Owa Mẹlọk ne ẹbọ ọre uwa gha mu khian, deba amazẹ ọghe orhọnmwẹ Refan ne ẹbọ uwa. Avbe ẹbọ ne uwa maẹn ne uwa vbe gha ghoo. Rhunmwuda ọnii, I gha sua uwa fua gberra Babilọn.’

Diuteronomi 12:31

Wa ghẹ ga e Nọyaẹnmwa Osanobua rua vbene iran ya gho ẹbọ iran, rhunmwuda, iran gha gho ẹbọ iran, iran ghi ru emwi osọnnọ hia ne ọ sọnnọ e Nọyaẹnmwa. Uhin ighẹ te iran ya ivbi iran zọ ese vbe uhunmwu aka iran.

Diuteronomi 18:10

Wa ghẹ ya ivbi uwa zọ ese vbe erhẹn ọghe aka uwa, wa ghẹ vbe gie emwa uwa zẹ ọbo edunna ra ne iran gha fi iha ra ne iran gha fi emwa unu.

Diuteronomi 24:4

Vbene ọ rhirhi a gha ye hẹ, ọdọ ẹre ne okaro nii ghẹ dọlegbe rhie ẹre rọnmwẹ, ọ kere ne ọ ka ẹe ba ọmwa ne awua gue. Ọ gha dọlegbe rhie ẹre, emwi osọnnọ nọ vbe odaro e Nọyaẹnmwa, wa ghẹ mu orukhọ dan vberriọ la otọe nii ne Nọyaẹnmwa Osanobua uwa ra mu ne uwa.