Jerimaia 32:24 - Edo Bible (E Baibol Ẹdo) Version 1996

²⁴ “Avbe ivbi e Babilọn tọn uvun igbinna lẹga ore ẹvbo nii nẹ, ne iran khọn mu ẹẹn, iran suẹn igbinna nẹ. Okuo, ohanmwẹ kevbe emianmwẹ, gha gie ẹvbo ni de yi iran obọ, u gha miẹn wẹ emwi ne u tae hia sunu nẹ.

Jerimaia 32:24 ပူးပေါင်းရင်းမြစ်များ

II Samuẹl 20:15

Emwa e Joab keghi rre, iran na ye igbinna yan e Siẹba vbe ore ẹvbo, iran keghi ye ekẹn ru utete ne a la hin ekẹn nii ye ihe eso vbe ore. Iran kevbe tọn ekẹn nii ẹzi ne ọ miẹn ehe na de.

Aizaia 37:33

“Vbenian ọ re Nọyaẹnmwa khare vbekpa ọgbaisi Asiria: ‘Ẹ i fi owẹ la ore ẹvbo na, ra ne ọ fi ifẹnmwẹ ọkpa ghe ẹre. Ivbiyokuo ni viọ asa mwẹ i ra sikẹ ẹvbo na, a i ra vbe tọn uye ne a ya ghae ye okuo lẹga ẹre.

Jerimaia 16:4

Emianmwẹ ne ọ mu ohan ọ re ọ ra gbele iran, a i vbe miẹn ọmwa ne ọ ra khiẹ ra ne ọ ra re iran. Ikun iran gha lele otọ zẹ vbe emwi ne a ya kọ emwiokọ ne ọ na kakabọ maa, a gha gbele iran vbe okuo ra ohanmwẹ gha gbele iran an, ikun iran gha khian evbare ne avbe ahianmwẹ kevbe aranmwẹ oha.

Jerimaia 20:5

I gha vbe gie avbe eghian iran fu iran ẹfe ni rre ẹvbo na viọ gha rrie, iran ghi vbe ya ẹtin viọ ẹfe ni rrọọ kevbe emwi ne iran mwẹ hia, ya sẹ egbe emwi ewe ọghe avbe ọba e Juda, iran ghi viọ emwi hia gha rrie Babilọn.

Jerimaia 24:10

I gha ya okuo ohanmwẹ kevbe emianmwẹ gu iran khọn a te miẹn wẹ okpa ma ghi kẹe vbe uwu iran vbe otọ nii ne I mu ne iran kevbe avbe erhan iran odede.”

Jerimaia 29:17

E Nọyaẹnmwa ne Oghodua khare wẹẹ, ‘I mu okuo, ohanmwẹ kevbe emianmwẹ bu iran dee I gha ru iran zẹ vbe ọmọ ohọ ni kẹkẹ gbe ne ẹ ighi gia re.

Jerimaia 29:18

I gha ya okuo ohanmwẹ kevbe emianmwẹ khulo iran, agbọn ẹvbo ni rre agbọn gha runran ye emwi ne iran miẹn. Ehe hia ne I zagha iran gha rrie, emwi ne ọ sunu vbe egbe iran na gha yan emwa hia ni rhirhi miẹn iran unu an. Emwa gha ya iran gha gbogiẹ, a ghi vbe gha ya eni iran tie ihen.

Jerimaia 32:25

Sevba, e Nọyaẹnmwa ne Udazi, wẹ ọ re ọ we mwẹ dẹ ako oha nii vbe sirra avbe osẹe, a gha rhe miẹn wẹ te iran ghi ra khọn mu ẹvbo ni ighe ivbi e Babilọn.”

Jerimaia 32:28

I ra mu ẹvbo na ne Nebukiadneza ne ọba e Babilọn kevbe ivbiyokuo ẹre. iran gha khọnrẹn muotọ.

Jerimaia 32:3

E Zedekaia ne ọba ọ re ọ mu mwẹ khui ye evba, ọ keghi ba mwẹ ifi ẹzọ wẹ mẹ khare ighe e Nọyaẹnmwa wẹẹ, “I gha gie ọba e Babilọn khọn miẹn ẹvbo na otọ.

Jerimaia 32:36

E Nọyaẹnmwa ne Osanobua Izrẹl keghi tama mwẹ wẹẹ, “E Jerimaia avbe emwa nii gha ta ẹe khian wẹ okuo, ohanmwẹ, kevbe emianmwẹ gha gie obọ ọba e Babilọn vba ẹvbo na. Banbanna nian, danmwehọ emwi ọvbehe ne I ghẹ ghi ta ba ọnii.

Jerimaia 32:5

A gha mu e Zedekaia gha rrie Babilọn. Ọ gha vbe gha rre odọ nii I te do ru ẹre emwi ne I gha ru ẹre re. Ọ gha khọn rẹn ne ọ gu ivbi e Babilọn gbinna, ẹ i dunna ne ẹẹn. Mẹ ne Nọyaẹnmwa taa ẹe nẹ.”

Jerimaia 33:4

Mẹ ne Nọyaẹnmwa ne Osanobua Izrẹl tae wẹ avbe owa e Jerusalẹm kevbe ẹguae ọba e Juda, gha khian ne a siẹẹn sotọ rhunmwuda okuo ne ọ ghae ga ẹre kevbe igbinna na.

Jerimaia 34:17

Rhunmwuda ọnii nian, mẹ ne Nọyaẹnmwa khare wẹ wa yaan mwẹ zẹ, wa ma fannọ ivbi Izrẹl ne ihua uwa kua. Vbene ọ ghi na ye rrio nian khekherriọ, mẹ gha gie uwa zẹ ne ọ yẹ uwa, ne uwa zẹ wẹ okuo ọ ra gbẹ uwa, ke ohanmwẹ kevbe emianmwẹ. I gha gie avbe uhunmwu ẹvbo otọ agbọn hia runran ye emwi ne I ra ru uwa ẹre.

Jerimaia 52:4

Ẹre Nebukiadneza na rhunmwuda ọnii viọ avbe ivbiyokuo ẹre hia rre, ọ na dekun e Jerusalẹm vbe ikpẹdẹ ne ogigbe ọghe uki nogigbe ọghe ukpo nogihinrin ne Zedekaia yae vbe ọba. Iran keghi bu agọ ye vbe a ma he la ẹvbo nii, iran ke ghi, ghae ga ẹvbo nii.

Jerimaia 52:6

Ọ ghi rre ikpẹdẹ ne ogihinrin ọghe uki ne ogienẹ ọghe ukpo ne a kha na, vbe a ghi miẹn wẹ ohanmwẹ wegbe sẹ vberriọ wẹ emwa ma ghi miẹn evbare re.

Jerimaia 6:6

E Nọyaẹnmwa ne Oghodua tama avbe ọba nẹ wẹ ne iran gia erhan gbotọ, ne iran ma utete, ne iran miẹn ehe na khọn la Jerusalẹm. Rẹn kha ne wẹẹ, “I gha rria okpẹvbo nii ikhi rhunmwuda a wọ emwa uhunmwu wa rrọọ.

Ezikiẹl 14:21

Vbenian ọ re Nọyaẹnmwa ne Udazi khare: “I gha gie emwi ne I ya rri emwa oya enẹ ni khọ sẹ gha rrie Jerusalẹm, ena ọrọre okuo, ukhunmwu, aranmwẹ akọn, kevbe emianmwẹ, ne I ya fuẹn emwa nagbọn kevbe avbe aranmwẹ ba ẹre.

Ezikiẹl 21:22

Ẹn hẹn! Obọ erha ọmwa rẹn gua ifẹnmwẹ ne a gbẹn ‘Jerusalẹm’ yi rhie. Ọ tama rẹn wẹ ne ọ ya yọ emwi igbinna, ne ọ ya go ugomwẹ okuo, ne ọ mwamwa emwi igbinna yo odẹ ne a la larọ, ne ọ tọnnọ ekẹn gbe odẹ ke ne ọ tọnnọ uvun yọ.

Ezikiẹl 21:27

Ọfuan, ọfuan, vbe ẹmwata, mẹ gha ya ore ẹvbo nii khian itowa. Sokpan ọna i ra sunu, a te do miẹn wẹ ọ rre ighe ọmwa ne I zẹe ne ọ do rri ẹvbo nii oya. Rọẹn nii ọre I ra mu ẹẹn ẹre na.

Ezikiẹl 26:8

Iran ni rre ore ẹvbo vbe igiogbẹ, otọe nii, a gha gbele iran vbe igbinna nii. Avbe eghian gha tọnnọ uye, iran ghi vbe hẹ ekẹn gbe odẹ, iran ghi ye asa nibun ru egbekẹn ne ọ wegbe ya mu aro igbinna da ruẹ.

Ezikiẹl 4:2

Ne a ya rhie ma wẹ, a khọn okuo vbọ, tọnnọ uvun lelẹe, kevbe ekẹn ne a tọẹn, kevbe agọ, okọ ne ọ gbe okọ ne ihua ẹre, ne ehia lẹga ẹre.

Habakọk 1:10

Iran i ghe avbe ọba sẹ ọmwa, te iran wa ye avbe ekhaẹmwẹ gbe ogiẹ. Ogba ne a gba ye odẹ ne ọ gha sẹtin da iran yi i rrọọ. Iran gha mama ekẹn ye evba nẹ, iran ghi khọn mu ẹẹn.

Zẹkaraia 1:6

Avbe eguọmwadia mwẹ i ghẹ avbe akhasẹ ọ re I giee ne a tama avbe erha uwa odede, emwi ne I ho ne iran ru kevbe emwi ne ọ gha he sunu, sokpan, iran ma zẹye rhọkpa, ọre obọ na vba iran. Ẹghẹ nii, iran keghi fi uyinmwẹ werriẹ, iran keghi do miẹnkue wẹ, mẹ ne Nọyaẹnmwa ne Osanobua ọ re ọ rri iran oya vbene ọ ma iran zẹ vbene I ta ẹe wẹ I gha ru ẹe.”

Matiu 24:35

Ẹrinmwi kevbe agbọn gha gberra, sokpan, ẹmwẹ mwẹ i ra gberra.

Diuteronomi 4:26

Wa gha ru emwi na, I tie ẹrinmwi kevbe agbọn vbe osẹe ẹre na, wẹ wa gha rherhe gbẹro vbe otọ na. Wa i khian tọ vbe otọe ne ọ rre vbe a gha fian Jọdan rra ne uwa ra ya yin na. Te a ra wa fuẹn uwa fo fẹẹrẹ.