Jerimaia 32:19 - Edo Bible (E Baibol Ẹdo) Version 1996

¹⁹ Wẹ ru emwamwa ẹwaẹn, u keghi vbe winna iwinna ẹtin, u bẹghe emwi ne emwa hia ru, u keghi vbe hae ne iran zẹ vbene uyinmwẹ iran khare.

Jerimaia 32:19 ပူးပေါင်းရင်းမြစ်များ

I Ọba 8:32

E Nọyaẹnmwa, u ghi họn vbe ẹrinmwi ne u bu ohiẹn eguọmwadia ruẹ. Rri e nọ rria abe oya zẹ vbene ọ ma ẹẹn, ne u vbe zẹ orhue ne nọ ma rukhọ gbe.

II Krọnikol 16:9

Te Nọyaẹnmwa wa rhie aro sẹ otọ vbe agbọn na hia ne ọ miẹn ehe na rhie ẹtin ne iran ne ekhọe ẹre mudia ẹse vbe ehe ne ọ ye. Emwi ukọnmwẹ ọ re u wa ru ni rhunmwuda ọnii nian, ke eban kpao, okuọ ọ re u ghi ra gha khọn ẹghẹ hia.”

Job 34:11

Te irẹn san emwa ẹse emwi ne iran ru, ọ ghi vbe gha ru iran emwi ne ọ maa iran.

Job 34:21

Ọ wa ghe owẹ hia ne dọmwadẹ ọghọe zẹ.

Psalm 111:2

U miẹn vbe emwi ne Nọyaẹnmwa ru hia, yan ọmwa unu an hẹ! Emwa hia ne avbe emwi na yẹ ghi gha ho ne iran rẹn otọe iran.

Psalm 34:15

E Nọyaẹnmwa, ọ re ọ su e nọ ru emwi ẹse khian ọ vbe danmwehọ utumwẹ iran.

Psalm 62:12

Kevbe wẹ aho irẹn i beghe. Nọyaẹnmwa, wẹ ọ re ọ tobọruẹ hae ne dọmwadẹ ọghọe vbene iwinna rẹn khare.

Psalm 92:6

Emwi ne akpa i sẹtin rẹn ọ re ọna khin ọzuọ i sẹtin rẹn otọ ẹre,

Ẹksọdọs 15:11

“E Nọyaẹnmwa, de ẹbọ ọkpa ne ọ yevbe uwẹ? De ọmwa ne ọ ye vbe uwẹ? Ne uhuanmwẹ ọnrẹn mu ohan? De ọmwa ne ọ yevbe uwẹ ne ọ winna iwinna ọyunnuan, kevbe ne iwinna nekhua ẹre gbe orrirri vberriọ?

Itan 5:21

E Nọyaẹnmwa bẹghe emwi ne u ru hia, ehe ne u a rhirhi la, ọ ghe ruẹ.

Itan 8:14

I gha zẹ iro emwi, I ghi vbe ru ẹe, I mwẹ irẹnmwi, I vbe wegbe.

Asan-Ibo 12:14

Te Osanobua ra bu ohiẹn emwi hia ne ima ru, deghẹ ne ọ maa nọ ra ne ẹ i maa, ya sẹ egbe emwi ne a ru vbe ẹkhokho.

Aizaia 28:29

Obọ Osanobua ne Oghodua ọ re avbe ẹwaẹn na hia, ke rre. Emwi ne Osa mwamwaẹn ọ ghe ẹwaẹn ọ re ehia khin, okpa ne ẹ i vbe dinna odẹ ẹ i rrọọ.

Aizaia 40:13

Ọmwa rhọkpa gha sẹtin tama e Nọyaẹnmwa emwi ne ọ gha ru ra? Gha ọ gha sẹtin ma ẹre emwi yi ra ne ọ bu ẹre ude?

Aizaia 59:18

Ọ gha rri eghian rẹn oya zẹ vbe emwi ne iran vbe ru, ya sẹ egbe iran ni rre odẹ ne ọ rrei.

Aizaia 9:6

A biẹ ọmọ ọkpa ne ima! A rhie ọmọ okpia ọkpa ne ima! Rẹn ọ ra gha re ogie mwa. Eni ne a ra gha tie ẹre ọrọre, “Ọbude Ọyunnuan.” “Osa ne Oghodua,” “Erha Etẹbitẹ,” “Okoro Ọfumwegbe.”

Jerimaia 16:17

I bẹghe emwi ne iran ru hia. Emwi okpa ma rhie egbe lẹre mẹ, orukhọ ne iran ru ma sẹtin rhie egbe lẹre ne aro mwẹ.

Jerimaia 17:10

Mẹ ne Nọyaẹnmwa ọ re ọ gualọ otọ ẹko ghe, I vbe gualọ otọ ekhọe ọmwa, vbe ne dọmwadẹ ọghọe ru emwi, ọ re I vbe ya ye ohọ mu ẹẹn. Zẹ vbene emwi ne ọ ru vbe ye.”

Jerimaia 21:14

Sokpan, I gha rrio oya ye emwi ne u ru. I gha mu erhẹn ye ẹguae ruẹ, erhẹn ni gha giẹn emwi ni lẹga ẹre hia sotọ. Mẹ ne Nọyaẹnmwa ọ re ọ tae.”

Jerimaia 23:24

Orhiọnkpa ne ọ gha sẹtin lẹre ye ehe ne imẹ i ra na bẹghe ẹre i rrọọ. Wẹ ma rẹn ighe ehe hia ọ re imẹ ye vbe ẹrinmwi kevbe agbọn?

Jerimaia 25:14

I gha ha e Babilọn osa emwi ne iran ru, avbe uhunmwu ẹvbo kevbe avbe ọba nibun ghi ya iran gha ru eviẹn.’ ”

Daniẹl 2:45

Wẹ miẹn vbene okuta ọkpa kpẹngiẹn vbe uhunmwu oke ne ọ yo ọkpa hẹ vbene ọmwa rhọkpa ma na ya obọ kan rẹn, kevbe vbene ọ dekun ọmwa ne a ya ematọn oze, obuẹ, esiliva kevbe igoru ma nii. Te Osanobua Nọkhua tama ruẹ emwi ne ọ gha sunu ẹdẹ nakhuẹ, Umogun. I tama ruẹn nẹ nian, emwi ne u mina miẹn zẹẹ, I vbe ta emwi ne a gele yae kha ma ruẹn nẹ.”

Daniẹl 4:35

Te irẹn ghe emwi ni rre agbọn na zẹ vbe emwi kẹkan avbe odibosa ni rre ẹrinmwi avbe emwa ni rre agbọn ototọ asẹ ọre ọ re ehia ye. Ọmwa i sẹtin gbodan ye iho ẹre ra ne a nọ rẹn wẹ vbe ọ ru na.’

Zẹkaraia 9:1

Uhunmwu ne Nọyaẹnmwa giee ọ re ọna khin: Ọ mwamwa oya ne otọe Hedrak nẹ kevbe ore ẹvbo e Damaskọs. Ẹ i re ẹwae Izrẹl ọkpa ọrọre ọghe Nọyaẹnmwa sokpan, rẹn ọre ọ vbe yan igiogbẹ e Siria.

Matiu 16:27

Rhunmwuda ẹ i ghi rrie Ovbi Ọmwa la uwu uyi Erha ẹe gha khian, ke irẹn kevbe avbe odibosa ẹre, ẹghẹ nii, ọre ọ gha na ha osa ne edọmwadẹ ọghọe zẹ vbene iwinna rẹn ye.

Iyẹn ne ọ Maan Ọghe Jọn 5:29

iran ghi ke unu idin iran ladian, a gha huẹn iran ni ru ẹse kpaegbe ne iran gha rrọọ, a gha huẹn iran ni ru emwi dan kpaegbe, a ghi bu abe gbe iran.

II Kọrinti 5:10

Rhunmwuda, ẹ i mwẹ ma hia ma mudia ye odaro Kristi, ne ọ miẹn ehe na bu ohiẹn mwa. ne dọmwadẹ ọghọe miẹn ehe na miẹn emwi ne ọ khẹ kẹe rhie, zẹ vbene ọ ye obọ ru vbe ọ rre agbọn, deghẹ ne ọ maa nọ ra ne ẹ i maa.

Ẹfisọs 1:11

Rhunmwuda, vbene Osanobua we emwi gha ye ọre ọ ye, Osanobua keghi zẹ mwa wẹ ne ima gha re emwa irẹn, vbe uwu a ya egbe ba Kristi, rhunmwuda, emwamwa ne irẹn mwamwa ẹn zẹ vbene ọ ta ẹe ke omuhẹn gha dee.

Hibru 4:13

Emwi ọkpa ne a sẹtin rhie lẹre ne Osanobua ẹ i rrọọ. Emwi hia ni rre ehe ne agbọn sẹe ehe ne ọ rhanmwẹ, te a fannọ ehia a, a na vbe wa ẹre ye otọ vbe odaro ẹre. Rọẹn ni ọre ima ra ya ye unu mwa na iyẹn egbe mwa ma.

Arhie Maan 2:23

I gha vbe gbele ẹre emọ, ẹghẹ nii, avbe esọsi hia ghi do rẹn wẹ, mẹ ọrọre ọmwa ne ọ rẹn iro ne ọmwa zẹ vbe ekhọe ẹre kevbe emwi ne ọ hoo. I gha do hae ne edọmwadẹ ọghọe vbe uwu uwa zẹ vbe iwinna ne uwa winnaẹn.

Arhie Maan 22:12

Jesu wẹẹ, “Danmwehọ, I dee ẹgiẹgiẹ! I gha viọ emwi ne I ya san ẹse rre ne I viọ ne dọmwadẹ ọghọe vbene iwinna rẹn khare.