Jerimaia 32:18 - Edo Bible (E Baibol Ẹdo) Version 1996

¹⁸ U rhie aho ẹmwẹ ọmwa ne ẹ i beghe ma arriaisẹn, erriọ vbe nọ, u vbe rri emwa eso oya ye orukhọ ne evbibiẹ iran ru. Osanobua nọkpọlọ kevbe ne ọ mwẹ ẹtin ọ re uwẹ khin. Wẹ ọrọre Nọyaẹnmwa ne Oghodua.

Jerimaia 32:18 ပူးပေါင်းရင်းမြစ်များ

Gẹnẹsis 49:24

sokpan uhanbọ irẹn ma bẹghe, a ya ekuabọ iran wegbe vbekpa ẹtin ọghe Osanobua Noghodua ọghe Jekọb, vbe obọ Osanobua nii, ọmwa ne ọ degue Izrẹl.

II Ọba 9:26

‘I miẹn vbene a gbele Nabot kevbe ivbi ẹre hẹẹ nodẹ, ẹre I na yan wẹẹ, I gha rri uwẹ oya vbe emwa na, vbe uwu nene ogba na!’ ” E Jehu keghi tama ọkpọmwa rẹn wẹẹ, “Rhunmwuda ọnii nian, mu ikun e Joram, ne u fi ẹe fi uwu ogba e Nabot, ne u miẹn ehe na mu eyan e Nọyaẹnmwa sẹ.”

Nehimaia 1:5

“E Nọyaẹnmwa, Osanobua ọghe Ẹrinmwi! Ọmwa nọkpọlọ ẹsẹse wẹ khin Ohan ruẹn vbe mu mwa. We i hiẹ ọmwa ne ọ ho ẹmwẹ ruẹn ọ na vbe gha ru vbene u khare.

Psalm 50:1

Osa ne Oghodua e Nọyaẹnmwa, guan rẹn ọ da tie otọ agbọn ke ahọ yasẹ orrie.

Psalm 89:9

Wẹ ọ re ọ kha yan okun ne ọ wegbe, wẹ ọ re ọ dọ uhuemwẹ ọnrẹn ne ohu mu yọ.

Ẹksọdọs 34:6

E Nọyaẹnmwa kegha gberra vbe odaro ẹre, ọ keghi datie wẹẹ, “Mẹ ne Nọyaẹnmwa, ọrọre Osanobua ne ọ vuọn ne agiẹngiẹn ne a i sẹtin rherhe ya ohu mu, ne ọ mwẹ aho ẹmwẹ ne ẹ i beghe kevbe amuẹntinyan.

Ẹksọdọs 34:7

Mẹ vbe mu eyan mwẹ sẹ igba arria isẹn vbe inu ihe ne ọ khin. ne ọ ya iba, ọkhọ, kevbe emwi dan bọ ọmwa, sevba ne ẹ i mianmian ne ọ ya rria ikhi orukhọ ne avbe erha iran ru vbe egbe ivbi iran ya sẹ orre ne ogienẹ.”

Aizaia 10:21

Ibozẹghẹ vbe uwu ivbi Izrẹl gha dọlegbe bu Osanobua iran ne ọ mwẹ ẹtin gha dee.

Aizaia 57:15

“Mẹ ọrọre Osanobua ne ọ yo kevbe ne ọ kpọlọ ne ọ rrọ ẹdẹdẹmwẹdẹ. Ehe ne ọ yo kevbe ne ọ huanrẹn ọ re imẹ dia, sokpan mẹ vbe di ọghe iran ni mu egbe rriotọ, kevbe ni roiro fi uyinmwẹ werriẹ ya, ne imẹ miẹn ehe na rhie idaehọ kevbe imuẹntiyan ọghe iran werriegbe ye ihe.

Aizaia 9:6

A biẹ ọmọ ọkpa ne ima! A rhie ọmọ okpia ọkpa ne ima! Rẹn ọ ra gha re ogie mwa. Eni ne a ra gha tie ẹre ọrọre, “Ọbude Ọyunnuan.” “Osa ne Oghodua,” “Erha Etẹbitẹ,” “Okoro Ọfumwegbe.”

Jerimaia 10:16

Osanobua Jekọb i ye vbe iran, rẹn ọrọre ọmwa ne ọ yii emwi hia, ọ keghi hannọọ Izrẹl zẹẹ ne iran gha re emwa obọ ẹre. E Nọyaẹnmwa ne Oghodua ọ re a tie ẹre.

Jerimaia 10:6

Nọyaẹnmwa, a i miẹn ọmwa ne ọ ye vbe ruẹ; wẹ kpọlọ ẹsẹse, eni ruẹn kpọlọ, ọ vbe mwẹ ẹtin.

Jerimaia 20:11

Sokpan, Nọyaẹnmwa ne ọ wegbe kevbe ne ọ mwẹ ẹtin mẹ ọ re uwẹ deba ẹ i ra dunna ne iran ni zẹ mwẹ kpokpo. A gha fa iran an ẹdẹdẹmwẹdẹ, rhunmwuda, ẹ i ra mwẹ uhunmwu ne iran. Ai ra mianmian efa ne ọ rruan iran ẹdẹdẹmwẹdẹ.

Jerimaia 31:35

E Nọyaẹnmwa keghi yi owẹn ne ọ gha rhie uwanmwẹ rre vbe avan, uki kevbe orhọnmwẹ, ne iran gha baa vbe asọn ọ tughu okun, ọ keghi gie ẹe da van, e Nọyaẹnmwa ne Oghodua ọ re a tie ẹre.

Jerimaia 33:2

E Nọyaẹnmwa ne ọ yi agbọn, ne ọ ma ẹẹn ọ na mu ẹẹn gbọ ye ehe ne ọ ye, ọ gunmwẹ guan. Ọmwa ne eni ẹnrẹn re Nọyaẹnmwa; ọ na kha wẹẹ,

Jerimaia 50:34

Sokpan, ọmwa ne ọ wegbe ọ re ọmwa ne ọ ra miẹn iran fan khin, e Nọyaẹnmwa ne Oghodua, ọ re a tie ẹre. Rẹn ọ re ọ ra tobọ ẹre mu ẹzọ iran gui, ọ ghi rhie ọfumwegbe ye otọ agbọn, sokpan, orueghe ghi gha re ọghe ivbi e Babilọn.”

Daniẹl 2:45

Wẹ miẹn vbene okuta ọkpa kpẹngiẹn vbe uhunmwu oke ne ọ yo ọkpa hẹ vbene ọmwa rhọkpa ma na ya obọ kan rẹn, kevbe vbene ọ dekun ọmwa ne a ya ematọn oze, obuẹ, esiliva kevbe igoru ma nii. Te Osanobua Nọkhua tama ruẹ emwi ne ọ gha sunu ẹdẹ nakhuẹ, Umogun. I tama ruẹn nẹ nian, emwi ne u mina miẹn zẹẹ, I vbe ta emwi ne a gele yae kha ma ruẹn nẹ.”

Habakọk 1:12

E Nọyaẹnmwa, ke omuhẹn fẹẹrẹ gha dee, wẹ ọrọre Osanobua. Wẹ ọrọre Osanobua mwẹ, nọhuanrẹn kevbe etẹbitẹ. Nọyaẹnmwa, Osanobua kevbe ọmwa ne ọ degue mwẹ hin ẹbe rre, wẹ hannọ ivbi e Babilọn zẹ, u keghi ya iran wegbe ne iran miẹn ehe na gha rri ima oya.

Nọmbas 14:18

‘Mẹ ne Nọyaẹnmwa ohu i rherhe mu mwẹ, mẹ rhie ahoẹmwọmwa kevbe ayegbe yan ọmwa maa, I ghi vbe gha ya orukhọ kevbe isọtẹ bọ ọmwa sokpan ẹ i mwẹ I ma rria ikhi erha kevbe avbe ivbi ẹre, kevbe emiwu kevbe eyẹ kevbe orre ne ogieha kevbe ne ogienẹ, rhunmwuda orukhọ evbibiẹ iran.’

Matiu 27:25

Emwa ni hia keghi wa wanniẹn wẹẹ, “Gie emwi dan ne ọ gha rhunmwuda uwu ẹre na sunu gha rre uhunmwu ima kevbe ọghe ivbi ima.”

Iyẹn ne ọ Maan Ọghe Luk 6:38

Rhie ne emwa ọvbehe, Osanobua gha vbe rhie ne uwa, omwa ne ọ vuọẹn, iyobọ ne wọrhọ, a ghi gha kun ẹnrẹn yuẹ obọ vbene u gha sẹtin mu sẹ. Omwa ne u ya mwa ne ẹrrẹe ọre Osanobua ra vbe ya mwa nuẹn.”

Diuteronomi 10:17

E Nọyaẹnmwa Osanobua uwa kpọlọ sẹ ẹbọ hia kevbe ẹtin hia. Ọmwa ne ọ kpọlọ ne ọ mwẹ ẹtin rẹn khin, ọmwa ne ọ kere ne a gha mu ohan ẹnrẹn ẹsẹse. Ẹ i gbe ghe obọ okpa, ẹ i miẹn igho iyeke.

Diuteronomi 7:21

Ghẹ gie ohan emwa na mu ẹẹn. E Nọyaẹnmwa Osanobua rua rrọọ ya ba uwa. Osanobua nọkhua ne ọ kere ne a gha mu ohan rẹn nọ.