Jerimaia 32:17 - Edo Bible (E Baibol Ẹdo) Version 1996

¹⁷ “E Nọyaẹnmwa ne Udazi, wẹ ọ re ọ yii otọ kevbe iso vbekpa ẹtin kevbe iwegbe ruẹ nọkhua, emwiọkpa ne ọ wegbe gbe ne uwẹ, ẹ i rrọọ.

Jerimaia 32:17 ပူးပေါင်းရင်းမြစ်များ

Gẹnẹsis 18:14

Emwi ọkpa rrọ ne ọ lọghọ ne Nọyaẹnmwa ra? Vbe ẹghẹ ne ọ ke yi, vbe uki ihinrin ne ọ dee, I gha dọlegbe bu ruẹ rre, e Sera gha biẹ ọmọ okpia.”

II Ọba 19:15

Ọ keghi na erhunmwu wẹẹ, “E Nọyaẹnmwa ne Osanobua Izrẹl, ne ọ tota ye ẹkete ẹre vbe odukhunmwu emwi ni zẹ ifuẹn nii, wẹ ọkpa kẹkan ọrọre Osanobua, wẹ ọ re ọ vbe khaemwisẹ yan arriọba otọ agbọn hia. Wẹ ọ re ọ yi otọ kevbe iso.

II Ọba 3:18

Elaisia keghi rhie te ẹe wẹẹ, “Sokpan ena i zẹdẹ lọghọ e Nọyaẹnmwa urumwẹ, ọ gha vbe gie uwa khọn e Moab miotọ ba ẹre.

Nehimaia 9:6

Ẹghẹ nii, emwa Izrẹl keghi na erhunmwu na: “Wẹ ne Osa ọkpa ọrọre Nọyaẹnmwa mwa: wẹ ọ re ọ yi aro iso kevbe avbe orhọnmwẹ ni rre aro iso. Wẹ ọ re ọ yi otọ kevbe okun, kevbe emwi hia ni rre uwu iran; wẹ ọ re ọ rhie arrọọ ne iran. Ẹtin ni rre ẹrinmwi vbẹrre ya uhunmwu rhanmwẹ otọ ne uẹn.

Job 42:2

“Nọyaẹnmwa mẹ rẹnrẹn wẹ u mwẹ ẹtin hia, u vbe sẹtin ru emwikemwi ne u ho.

Psalm 102:25

Vbe ẹghẹ ne ọ kpẹ fua, u keghi yi agbọn na, obọ ruẹ ọre u vbe ya yi ẹrinmwi.

Psalm 136:12

Obọ ọre ne ọ wegbe kevbe ekuabọ ẹtin ẹnrẹn, etẹbitẹ ọ re ahoẹmwọmwa rẹn khin.

Ẹksọdọs 20:11

Ẹdẹ ehan ọre mẹ ne Nọyaẹnmwa ya yi ẹrinmwi, agbọn, avbe okun kevbe emwi nii rre uwu iran hia, sokpan vbe ikpẹdẹ ne ne ogihinrọn, I keghi kẹtin. Ọnii ọ zẹe ne imẹ ne Nọyaẹnmwa na fiangbe Ẹdẹ Ikẹtin, I na ya ẹe khian ne ọ huanrẹn.

Aizaia 42:5

Osanobua ọ re ọ yi iso, ọ keghi niẹn ẹnrẹn uan. Rẹn ọ re ọ yi agbọn kevbe emwi hia ni rre uwu ẹre; rẹn ọ re ọ rhie arrọọ kevbe uhiọnrọnmwẹ ne emwa ẹnrẹn hia. Banbanna nian, e Nọyaẹnmwa Osanobua tama ọguọmwadia ẹre wẹẹ,

Aizaia 44:24

“Mẹ ọrọre Nọyaẹnmwa ne ọ ọmiọnmwafan ruẹn, mẹ ọ re ọ yii uwẹ. Mẹ ọrọre Nọyaẹnmwa ne ọ yii emwi hia. Mẹ ọkpa ọ re ọ tan iso zẹ vbe ukpọn ẹghẹ ne I na yii agbọn, ọmwa ne ọ ru iyobọ mẹ i rrọọ.

Aizaia 45:12

Mẹ ọrọre ọmwa ne ọ yii otọe agbọn I keghi vbe yi emwa nagbọn ne iran gha rre evba. Ẹtin mwẹ ọ re I ya rhaan iso ladian; mẹ ọ re ọ dia owẹn, kevbe uki kevbe avbe orhọnmwẹ.

Aizaia 59:1

Wa ghẹ gha ro wẹ e Nọyaẹnmwa ma wegbe sẹ ne ọ gha miẹn uwa fan, ra wẹ ọ yin ehọ ẹ i sẹtin họn ugomwẹ ne uwa go gualọ iyobọ.

Jerimaia 1:6

Mẹ keghi wanniẹn wẹẹ, “E Nọyaẹnmwa ne Udazi, I i guara guan, ọvbokhan I khin.”

Jerimaia 14:13

Ẹre imẹ na kha wẹẹ, “E Nọyaẹnmwa ne Udazi, u rẹnrẹn wẹ avbe akhasẹ tama avbe emwa na wẹ okuo i ra gha rrọọ, ra ohanmwẹ, rhunmwuda u tae nẹ, zẹ vbene iran khare, wẹ ọfumwegbe okpa ọ re ọ ra gha rre otọe nii.”

Jerimaia 21:2

“Lahọ, wa gu e Nọyaẹnmwa guan ne ima, rhunmwuda, e Nebukiadneza ne ọba e Babilọn kevbe ivbiyokuo ẹre ghae ga ẹvbo nẹ. U gha ghe, e Nọyaẹnmwa gha winna ọkpa vbe uwu avbe iwinna ọyunnuan rẹn ne ima, ọ ghi ru ẹe ne Nebukiadneza werriegbe.”

Jerimaia 27:5

“Ẹtin kevbe iwegbe mwẹ nọkhua ọ re I ya yii agbọn na, emwa nagbọn kevbe avbe aranmwẹ oha ni rre agbọn, I keghi vbe mu ẹẹn ne ọmwaikọmwa ne ọ yẹ mwẹ.

Jerimaia 32:27

“Mẹ ọrọre Nọyaẹnmwa, ne ọ re Osanobua emwa nagbọn hia. Emwi okpa i rrọọ ne ọ wegbe gbe ne imẹ.

Jerimaia 33:3

“Kpe tie mwẹ, I gha khuẹnniẹn. uẹn I gha ta ẹmwẹ ọyunnuan ni mu ohan ne u ma he rẹn emwirhọkpa vbe ekpa ẹre ma ruẹn.

Jerimaia 4:10

Ẹghẹ nii ọ re imẹ na kha wẹẹ, “E Nọyaẹnmwa ne Udazi, uwa hiẹ ivbi e Jerusalẹm fẹẹrẹ. U te kha wẹ ọfumwegbe gha rrọọ, a rhie umozo yan iran ẹho.”

Jerimaia 51:15

E Nọyaẹnmwa ọ re ọ ya ẹtin ẹnrẹn yii otọe, ẹwaẹn ẹnrẹn ọ re ọ ya yii agbọn, ọ kevbe rhaan aro iso ne ọ vbẹ.

Jerimaia 51:19

Osanobua Jekọb i ye vbe iran, rẹn ọ re ọmwa ne ọ yii emwi hia, ọ keghi zẹẹ Izrẹl ne iran wa gha re emwa irẹn to bọ irẹn. E Nọyaẹnmwa ne Oghodua ọre a tie ẹre.

Ezikiẹl 11:13

Ehe ne I na wa guan ẹmwẹ akhasẹ nii, e Pelatia degbotọ, ọ keghi wa wu. I keghi de mu aro rhuotọ, I na datu wẹẹ, “Ẹ i re erriọ, e Nọyaẹnmwa ne Udazi, te u ra wa gbele emwa ni ghi kẹe vbe Izrẹl hia fo ra?”

Ezikiẹl 9:8

Ẹghẹ ne iran na wa gha gbele emwa khian nii, mẹ okpa ọ re ọ gha rre evba. I keghi de mu aro rhu otọ, I na datu wẹẹ, “E Nọyaẹnmwa ne Udazi, te ohu wa mu uwẹ sẹrriọ ra ne u ra na wa gbele emwa ni ghi kẹe vbe Jerusalẹm fo?”

Daniẹl 2:22

Ọ rhie emwi ni dinmwi kevbe ni re ọghe oro ma emwa ọ rẹn emwi ne a rhie lẹre ye uwu ebiebi, uwanmwẹ ọre ọ lẹga rẹn tobọ irẹn.

Daniẹl 6:20

Ọ ghi sẹ evba nii, ọ keghi ye udu ne ọ ha ọka da tu wẹẹ, “E Daniẹl ọguọmwadia Osanobua ne ọ rrọọ. Osanobua nii ne u ya ekhọe hia gha sẹtin miẹn ruẹn fan vbe obọ avbe oduma ra?”

Zẹkaraia 12:1

Uhunmwu ne Nọyaẹnmwa gie rre vbe ekpa Izrẹl ọ re ọna khin, e Nọyaẹnmwa ne ọ tan iso vbe ukpọn, ne ọ yi agbọn, ọ na rhie arrọọ ne ọmwa. Rẹn wẹẹ,

Zẹkaraia 8:6

“Ọna sẹtin yevbe emwi ne ẹ i gia ru vbe aro emwa ni rre ẹvbo ni gha dekẹe na, sokpan, ẹ i re emwi ne ẹ i gia ru vbe obọ mwẹ.

Nọmbas 11:23

E Nọyaẹnmwa keghi wanniẹn, “A miẹn emwi ne ime isẹtin ru ra? U gha miẹn wan a deghẹ ẹmwẹ ni tae gha sunu ra ẹ i ra sunu.”

Matiu 19:26

Jesu keghi ghe iran, ọ wẹẹ, “Emwi ne ẹ i gia ru ọre ọna khin ne emwa ne agbọn sokpan a i miẹn emwi ne ẹ i gie Osanobua ru.”

Iyẹn ne ọ Maan Ọghe Mak 10:27

Jesu keghi ghe iran, ọ wanniẹn wẹẹ, “Emwi ne ẹ i gie a ru nọ ne emwa ne agbọn ighe ẹ i re Osanobua, a i miẹn emwi ne ẹ i gie Osanobua ru.”

Iyẹn ne ọ Maan Ọghe Luk 1:37

Rhunmwuda emwi ọkpa i rrọọ ne ẹ i gie Osanobua ru.”

Iyẹn ne ọ Maan Ọghe Luk 18:27

Jesu wanniẹn wẹẹ, “Emwa ne agbọn ọre ọna lọghọ na, ẹ i lọghọ ne Osanobua.”

Iwinna 14:15

“Iho mwa, vbọzẹ ne uwa na ru emwi na yi? Emwa kẹkan vbe ne uwa ye ọre ima vbe khin. Iyẹn Ne ọ maa ọre ima rre do kpe orhu ẹre vbe edinran, ne a miẹn ehe na fi uwa ekhọe werriẹ hin emwi akuọkan na rre ghe Osanobua ne ọ rrọọ, ọmwa ne ọ yi ẹrinmwi kevbe agbọn kevbe okun kevbe emwi hia ni rre uwu iran.

Iwinna 15:18

Erriọ Nọyaẹnmwa, ne ọta ẹe nẹkpo i mwẹ arria gha dee khare.’ ”

Iwinna 17:24

Osanobua ne ọ yi agbọn kevbe emwi hia ni rre uwu ẹre, ọrọre Nọyan ẹrinmwi kevbe agbọn, ẹ i vbe di owa ne emwa ne agbọn bọe ya.

Arhie Maan 4:11

“Nọyaẹnmwa kevbe Osanobua mwa! Wẹ sẹe ne ọ gha miẹn uyi kevbe ọghọ, kevbe ẹtin. Rhunmwuda wẹ ọre ọ yi emwi hia. Zẹ vbene u ho, ọre u ya rhie arrọọ ne iran kevbe ẹfe.”