Jerimaia 32:15 - Edo Bible (E Baibol Ẹdo) Version 1996

¹⁵ E Nọyaẹnmwa ne Oghodua, ne Osanobua Izrẹl tae ighe a gha bọlọ owa, a gha dọlegbe mu ugbo kevbe ogba azara vbe otọe na.”

Jerimaia 32:15 ပူးပေါင်းရင်းမြစ်များ

Aizaia 44:26

Sokpan avbe eguọmwadia mwẹ ta emwi ne ọ gha he sunu yotọ Mẹ gha gie ọmwa uhunmwu ne ọ ya rhie emwamwa mwẹ maa, I ghi ru ẹe ne avbe emwamwa nii kevbe ẹmwẹ ne a ta yotọ nii gele gha sunu. I tama Jerusalẹm wẹ emwa gha dọlegbe gha rre evba, kevbe avbe okpẹvbo ni rre Juda ighe a gha dọlegbe bọ iran. Avbe ẹvbo nii gha kpaegbe hin itowa ree.

Jerimaia 30:18

E Nọyaẹnmwa khare wẹẹ, “I gha viọ emwa mwẹ werriegbe rri otọ iran I gha vbe mwẹ itohan ghe dọmwadẹ ẹgbẹe, a gha dọlegbe họ Jerusalẹm, a ghi rhie ẹguae ẹre dọlegbe ye ihe.

Jerimaia 31:12

Iran gha rre do so ihuan oghọghọ vbe uhunmwu Oke Zaiọn emwi ne I ya ne iran gha yẹ iran vbe ihaoko ọka, ayọn kevbe ofigbọn oliv, ihaoko ọghe ohuan kevbe ẹmila. Iran gha yevbe ogba ne a gbe amẹ khakha ẹsẹse emwi ne iran a rhirhi gha ho hia gha sẹ iran obọ.

Jerimaia 31:24

Emwa gha rre Juda kevbe avbe okpẹvbo ni rrọọ hia, avbe ọwẹe, ọsuohuan kevbe avbe ohuan iran.

Jerimaia 31:5

Wa gha ye vbe kọ azara ye avbe uhunmwu oke Sameria, emwa ni kọe gha rri ọmọ azara nii.

Jerimaia 32:14

“E Nọyaẹnmwa ne Oghodua, ne Osanobua Izrẹl tama ruẹn nian ne u viọ avbe ebe ne a ya do ẹki na, kevbe ne a sikan gbua, kevbe ne a ma sikan, ne u viọ iran ye uru obuẹ, ne a miẹn ehe na dọlọ iran yi khẹ ukpo nibun ni dee.

Jerimaia 32:25

Sevba, e Nọyaẹnmwa ne Udazi, wẹ ọ re ọ we mwẹ dẹ ako oha nii vbe sirra avbe osẹe, a gha rhe miẹn wẹ te iran ghi ra khọn mu ẹvbo ni ighe ivbi e Babilọn.”

Jerimaia 32:37

I ra ya si avbe emwa nii hia koko ke ehe ne I te zagha iran kui vbe ohu mu mwẹ, werriegbe gha die emwa na, I gha gie iran gha rrọ vbe a i mwẹ ẹbe.

Ezikiẹl 28:26

Iran gha di evba ya vbe ne a i na mwẹ ẹbe. Iran gha bọlọ owa, iran gha vbe gbe ugbo azara. I gha rri avbe ẹdogbo iran oya, avbe iran ni gha kpe amẹ isikan ku iran, Izrẹl ghi gha re ne ẹkun sọre otọ. Iran gha rẹn wẹ mẹ ọrọre Nọyaẹnmwa ne Osanobua iran.”

Zẹkaraia 3:10

Ọ gha sẹ ẹdẹ ne a kha na, dọmwadẹ ọghọe vbe uwu uwa gha gie na tie emwa ẹdogbo ẹre ne ọ do gu ẹe ghae vbe oghọghọ ọfumwegbe kevbe ẹkun ne ọ sẹ otọ, vbe ehe ne ọ na ye ogba azara kevbe erhan ohọ gba ogba ga egbe.”