Jerimaia 31:40 - Edo Bible (E Baibol Ẹdo) Version 1996

⁴⁰ “Iya nii hia fẹẹrẹ, ehe ne a mu orinmwi yi, kevbe ne a mu iku yi kevbe avbe oha hia ni rre vbe a gberra ẹzẹ Kidrọn rhinrin ya sẹ Onurho Ẹsin vbe odẹ ahọ, ehia ghi gha re ne ọ huanrẹn mẹ. A i ghi dọlegbe siẹn ẹvbo nii sotọ ra ne a guọghọe rua ọvbehe.”

Jerimaia 31:40 ပူးပေါင်းရင်းမြစ်များ

II Samuẹl 15:23

Emwa ni lele Devid khian ghi gberra khian, emwa nii hia keghi wee eve. Ọba keghi fian ẹzẹ Kidrọn rra, emwa rẹn keghi vbe fian ẹẹn rra, iran keghi la odẹ ẹgbo.

II Ọba 11:16

Iran keghi mu ẹẹn, iran na rhie ẹre gha rrie ẹguae, iran na ya gbe ẹe rua vbe ọkpẹn Onurho Ẹsin.

II Ọba 23:12

Ogiukpo ne avbe ọba e Juda te ma ye odukhunmwu owa ẹguae vbe ehe ne Ehaz gha a ye, e Josaia ne ọba keghi guọghọe kua, ke ẹe kevbe Ogiukpo eva ne Manasẹ ne ọba mannọ ye ẹghodo eva ne ọ rre Ọgua Osa, ọ keghi wa rẹnkhẹn avbe Ogiukpo ni uan, ọ na kpolo ẹe ku Iya e Kidrọn.

II Ọba 23:6

Ọ keghi mu amazẹ Asiẹrra ne ẹbọ ne okhuo hin Ọgua Osa rre, ọ keghi mu ẹẹn ladian ore ẹvbo gha rrie iya e Kidrọn, ọ keghi giẹn ọnrẹn uan, ọ na dunmwu emuẹn ọnrẹn khian ebubẹ, ọ na bọnmwẹ ọẹn lele itẹ ne a mu emwa hia yi.

II Krọnikol 23:15

Iran keghi gua ẹe rhie iran na sii ẹe gha rrie ẹguae, iran na ya gbe ẹe rua vbe Onurho Ẹsin vbe evba.

Nehimaia 3:28

Avbe ohẹn eso keghi kugbe bọ ako ne ọ lele ẹe ke Onurho kpao la ghe odẹ okuọ, edọmwadẹ ọghọe keghi bọ odaro owa ẹre.

Psalm 48:9

Vbe uwu Ọgua Osa Nọyaẹnmwa ma mu ẹmwẹ ahoẹmwọmwa ruẹn ne ẹi beghe ro.

Aizaia 51:22

E Nọyaẹnmwa ne Osanobua uwa mu ẹzọ uwa gui nẹ wẹẹ, “I gha miẹn uwa ukpu mwẹ ne I mu ne uwa vbe ẹghẹ ne ohu na gha mu mwẹ. Wa i ghi dọlegbe da ayọn ne ọ ya uwa kpigogo nii.

Jerimaia 1:10

Vbe ẹdẹnẹrẹ na, I rhie asẹ ne uẹn yan uhunmwu avbe uhunmwu ẹvbo kevbe avbe otọe arriọba, ne u ya gha silo emwi vbọ kevbe ne u ya gha siẹn emwi sotọ, ne u ya gha rẹnkhẹn emwi uan kevbe ne u ya gha dunmwu emwi uan, ne u ya gha bọ kevbe ne u ya gha kọ.”

Jerimaia 18:7

Adeghẹ mẹ khare wẹ, I gha si arriọba ra ẹvbo vbọ, ra ne I guọghọ ẹe rua, ra ne I fuẹn ọnrẹn ruan,

Jerimaia 32:36

E Nọyaẹnmwa ne Osanobua Izrẹl keghi tama mwẹ wẹẹ, “E Jerimaia avbe emwa nii gha ta ẹe khian wẹ okuo, ohanmwẹ, kevbe emianmwẹ gha gie obọ ọba e Babilọn vba ẹvbo na. Banbanna nian, danmwehọ emwi ọvbehe ne I ghẹ ghi ta ba ọnii.

Jerimaia 8:2

Ne a gha na te si iran koko ne a re iran, a gha zagha ugboloko iran lele otọe zẹ vbe emwi ne a ya ye emwiokọ maa sayọ. A gha wawa iran lele otọ vbe uwu ovẹn, kevbe uki kevbe avbe orhọnmwẹ ne ọ wa yẹ avbe emwa na, kevbe ne iran vbe gha ghoo, ne iran vbe gha gualọ otọ emwi vbe obọ ẹre, kevbe ne iran gha ya uhunmwu rhanmwẹ otọ na.

Ezikiẹl 37:2

Ọ keghi rhie mwẹ la iya nii hia, I keghi miẹn wẹ ugboloko wa bun vbọ ẹsẹse kevbe wẹ te ehia wa ka hiahiaahia.

Ezikiẹl 37:25

Iran gha yin otọe ne I mu ne Jekọb ne ọguọmwadia mwẹ, otọe ne avbe erha iran odede gha ye. Iran gha di evba ya ẹdẹdẹmwẹdẹ erriọ vbe nọ ne ivbi iran kevbe ivbi uniẹn iran hia. Ọba ne ọ ye vbe Devid ne ọguọmwadia mwẹ gha khaemwisẹ yan iran ẹdẹdẹmwẹdẹ.

Ezikiẹl 39:29

I gha hihiẹ orhiọn mwẹ yan ivbi Izrẹl, I i ghi dọlegbe fi iyeke gbe iran ọvbehe. Mẹ ne Nọyaẹnmwa ne Udazi ọ re ọ tae.”

Ezikiẹl 48:35

Utanmwẹ ekẹn nii hia vbe igienenẹ ọghe ore ẹvbo nii keghi re ibata eha iyenẹ yan arriaisẹn igbe (10,080). Eni ne a ghi ra gha tie ore ẹvbo nii ke ẹghẹ na kpao keghi re, “E Nọyaẹnmwa Rre Emwa Na.”

Joẹl 3:17

“Ẹghẹ nii u gha na rẹn Izrẹl, ighe mẹ ọrọre Nọyaẹnmwa Osanobua ruẹ. E Zaiọn ne oke mwẹ nọhuanrẹn, ọre I dia, e Jerusalẹm gha khian ẹvbo nọhuanrẹn, avbe erhunmwuyẹn i ghi khọn rẹn ẹdẹ.

Zẹkaraia 14:11

Emwa ni ghi gha rrọ vbene ẹkun na sẹ iran otọ, vbene ọfuan i ghi na vbe runran iran ọvbehe.

Zẹkaraia 14:20

Ọ gha sẹ ẹghẹ nii, ya sẹ egbe ẹgogo ne a gba ginna ẹsin ne a hin khian, te a ra gbẹn yọ wẹẹ, “A ya ẹe ne Nọyaẹnmwa.” Avbe uwawa ne a ya le evbare vbe Ọgua Osa, te ehia ra gha re emwi nihuanrẹn zẹ vbene iran ye ighe avbe ọkpan ne a viọ ye odaro Ogiukpo.

Iyẹn ne ọ Maan Ọghe Jọn 18:1

Jesu ghi na erhunmwu na fo nẹ, ọ viọ avbe erhuanegbe mwẹ obọ, iran keghi fian ẹzẹ Kidrọn rra, ogba ọkpa rre evba, Jesu kevbe avbe erhuanegbe ẹre keghi la uwu ẹre.