Jerimaia 31:34 - Edo Bible (E Baibol Ẹdo) Version 1996

³⁴ Ọkpa ne ọ ghe ghi gha ma ovbi ẹvbo ẹre emwi wẹ ne ọ rẹn e Nọyaẹnmwa i ghi rrọọ, rhunmwuda iran hia gha rẹn mwẹ kevbe egbe ne ọ kpọlọ sẹẹ ya sẹ egbe ne ọ kanmwa sẹẹ. I gha ya orukhọ iran bọ iran, a i ghi vbe ye abakuru iran rre ọvbehe. Mẹ ne Nọyaẹnmwa taa ẹe nẹ.”

Jerimaia 31:34 ပူးပေါင်းရင်းမြစ်များ

I Krọnikol 28:9

Rẹn keghi tama Solomọn wẹẹ, “Ovbi mwẹ, I yan tama ruẹn nian ne u rhan obọ miẹn Osanobua erha a, ne u gha ya ekhọe ẹmwata ga ẹe kevbe orhiọn ne ọ ho. Ọ rẹn iziro ekhọe mwa kevbe emwi ne ima gualọ. A dẹghe u bu ẹre gha khian, ọ gha miẹn ruẹn yi, sokpan a dẹghe u fi iyeke gbẹe, ọ gha suẹ rae rhinrin ẹdẹ.

Psalm 25:7

Ya orukhọ kevbe abakuru ẹghẹ ọvbokhan mwẹ bọ mwẹ, vbe umamwẹ kevbe ahoẹmwọmwa ruẹn ne ẹi beghe, ye mwẹ rre Nọyaẹnmwa.

Aizaia 11:9

A i ra miẹn emwi dan okpa ra emwi ne ọ kuan ọmwa egbe vbe Zaiọn, ne oke nọhuanrẹn ọghe Osanobua. A rẹn e Nọyaẹnmwa gha vuọn otọe nii zẹ vbene amẹ vuọn okun.

Aizaia 29:24

Avbe iran ni kọẹn gha ruẹ vbene iran gha ya gha rẹn otọ ẹmwẹ hẹ. Iran ni wa gui ẹzọ uwunu vbe ẹghẹ hia gha vbe ghọghọ adeghẹ iran miẹn ọmwa ne ọ ma iran emwi.”

Aizaia 30:26

Uki ghi gha baa vbe owẹn, owẹn ghi rhie ukhukhu ihinrọn ba egbe vbene ọ ya yunmwu de yi, vbene a miẹn wẹ ne ọ gha te yunmwu vbe ikpẹdẹ ihinrọn ọ re ọ ghi wa rhie ye ikpẹdẹ okpa kẹkan. Ọna gha sunu, vbe ẹghẹ ne Nọyaẹnmwa gha na gbalọ, ọ ghi kpee rrie ighe ẹwẹn ne ọ te fian emwa rẹn re.

Aizaia 33:24

A i ghi vbe miẹn orhiọnkpa vbe ẹvbo ima ne ọ gha kha wẹ rẹn khuọnmwi, a gha vbe ya orukhọ hia bọ ọmwa.

Aizaia 33:6

Ọ gha rhie ẹkun ne ọ sotọ ne uhunmwu ẹvbo nii. Te irẹn wa degue emwa rẹn vbe ẹghẹ hia, ọ ghi vbe gha rhie ẹwaẹn kevbe irẹnmwi ne iran. Ẹfe ne ọ sẹẹ ehia ne iran mwẹ ọrọre ọghọ ne a ya ne Nọyaẹnmwa.

Aizaia 38:17

Orriara mwẹ gha fiwerriẹ khian ọfumwegbe u miẹn ẹdẹ agbọn mwẹ fan hin obọ ẹbe hia rre, u ya orukhọ mwẹ hia bọ mwẹ.

Aizaia 43:25

Vberriọ, mẹ ọrọre Osanobua ne ọ ye orukhọ uwa bọ uwa. Te I ru ọna rhunmwuda egbe ọmwa ne imẹ khin. Mẹ i ra ka orukhọ uwa ye uwa urhu.

Aizaia 44:22

I kpolo orukhọ ruẹ gha rrie zẹ vbe okuku amẹ. Werriegbe bu mwẹ gha dee, mẹ ọrọre ọmwa ne ọ miẹn ruẹn fan.”

Aizaia 52:6

Vbe ẹdẹ ne ọ dee, wa gha miẹnkue wẹ mẹ ọrọre Osanobua, kevbe wẹẹ, I gu uwa guaan nẹ.”

Aizaia 54:13

“Mẹ ọ re ọ ra tobọmwẹ ma emwa ruẹn emwi I ghi rhie ẹfe kevbe ọfumwegbe ne iran.

Jerimaia 24:7

I gha rhie ye iran ekhọe aho ne iran rẹn wẹ mẹ ọrọre Nọyaẹnmwa. Ẹghẹ nii iran ghi gha re emwa mwẹ, mẹ ghi vbe gha re Osanobua iran, rhunmwuda, iran gha werriegbe bu mwẹ rre, ekhọekekhọe iran hia.

Jerimaia 32:40

I gha gu iran ta ile etẹbitẹ. Mẹ i ra dobọ emwi esi ne a ru ne iran yi ẹdẹdẹmwẹdẹ, I gha vbe ru ẹe ne iran ya ekhọe iran hia gha mu ohan mwẹ, ne iran ghẹ ghi fi iyeke gbe mwẹ ẹdẹ.

Jerimaia 33:8

I gha khue iran huan hin orukhọ ne iran ru ghe mwẹ, I ghi vbe ya orukhọ kevbe isọtẹ iran bọ iran.

Jerimaia 50:20

Ọ gha sẹ ẹghẹ nii, a i ghi ra miẹn orukhọ vbe Izrẹl, ra uyinmwẹ dan vbe Juda rhunmwuda, I gha ya orukhọ bọ avbe emwa ni fi yi vbọ. Mẹ ne Nọyaẹnmwa taa ẹe nẹ.”

Jerimaia 9:23

E Nọyaẹnmwa keghi kha wẹẹ, “Ọ ma kei ne iran ni wan ya ẹwaẹn iran gha rhuọ ra ne iran ni wegbe ya iwegbe iran gha rhuọ ra ne iran ni fe ya ẹfe iran gha rhuọ.

Hozia 2:20

I gha mu eyan mwẹ sẹ, I ghi ya uwẹ khian ọghomwẹ, wẹ ghi vbe miẹn imẹ zẹ vbe Nọyaẹnmwa ruẹn.

Maika 7:18

Ẹbọ ọkpa ne ọ yevbe ruẹ i rrọọ Nọyaẹnmwa, wẹ ya orukhọ bọ avbe emwa ruẹn ni miẹn uhunmwu. U ma gie ohu wa mu uẹn ẹdẹdẹmwẹdẹ, sokpan, te ọ wa yẹ ruẹ ne u gha rhie itohan ruẹn ne ẹ i beghe ma mwa.

Maika 7:19

U gha dọlegbe tohan mwa uhukpa bare. U gha ya owẹ rrilo orukhọ mwa mu otọ u ghi kpolo ẹe ku ototọ okun!

Habakọk 2:14

Sokpan, urẹnmwẹ uyi Osanobua gha vuọn agbọn na hia zẹ vbene amẹ vuọn okun.

Matiu 11:27

“Erhamwẹ viọ emwi hia mẹ nẹ. Gberra Evbavba, ọmwa ọvbehe ne ọ rẹn ọmọ ẹ i rrọọ, gberra ọmọ, ọmwa ọvbehe ne ọ vbe rẹn Evbavba, ẹ i rrọọ, vbe ẹ i re iran ne ọmọ ho ne ọ rhie ẹre maa.

Iyẹn ne ọ Maan Ọghe Luk 1:77

Ne u khama emwa rẹn ighe a gha miẹn iran fan. Vbe kpa ne a gha na ye orukhọ bọ iran.

Iyẹn ne ọ Maan Ọghe Jọn 17:3

Ọna ọrọre nene arrọọ ne ẹ i fo wẹ ne emwa ne agbọn rẹn ruẹn zẹ vbe Osanobua ọkpa ne ọ re ọghe ẹmwata kevbe ne iran rẹn Jesu Kristi, ọmwa ne uwẹ gie.

Iyẹn ne ọ Maan Ọghe Jọn 17:6

“Mẹ rhie ruẹ ma iran ne uwẹ hannọ ke uwu agbọn ladian nẹ. Ọghuẹ iran khin, wẹ keghi viọ iran mẹ, iran vbe ru nẹ zẹ vbe ne u gie.

Iyẹn ne ọ Maan Ọghe Jọn 6:45

Avbe akhasẹ gbẹn ọẹn nẹ wẹẹ, ‘Osanobua ma emwa hia emwi,’ ọmwa ne ọ rhirhi họn ọghe Evbavba, ighẹ ọ na vbe ruẹ emwi vbe ehe ne ọ ye gha bu mwẹ re.

Iwinna 10:43

Avbe akhasẹ hia ta ẹmwẹ ọnrẹn wẹ ọmwaikọmwa ne ọ rhirhi a yae yi, a gha ya orukhọ ẹre hia bọ ẹe la ekpa ẹtin eni ẹnrẹn.”

II Kọrinti 2:10

Wa gha ya emwi ne ọmwa ọkpa baku ru bọ ẹe, mẹ vbe ya bọ ẹe. Rhunmwuda, I gha ya bọ ọmwa, adeghẹ abaku ru ọkpa gele rrọọ ne I ya bọ ọmwa, rhunmwuda uwa ọre I na ru ẹe vbe sirra Kristi.

II Kọrinti 4:6

Osanobua ne ọ kha re wẹẹ, “Uwanmwẹ gha wan ke uwu ebiebi ladian,” ọre ọ vbe wan uwanmwẹ ọnrẹn ye ima ekhọe, ne ọ rhie uwanmwẹ ọghe a rẹn uyi Osanobua ne ima, zẹ vbe ne ọ wan ladian vbe ugbaro Kristi.

Ẹfisọs 1:7

Rhunmwuda, vbe ekpa uwu Jesu Kristi, a keghi fannọ ima ye otọ, ọnii nọ wẹ a keghi vbe ya avbe orukhọ mwa bọ mwa. U miẹn vbe ẹsọhẹ, Osanobua kpọlọ hẹ,

I Tẹsalonaika 4:9

Ẹ i re eban a ghẹ ghi gha gbẹnnẹ ebe gie uwa vbe ekpa wẹ, ọ kere ne uwa gha ho ẹmwẹ ivbi iyayi ne iho uwa, rhunmwuda, Osanobua tobọ ẹre ma uwa ẹre nẹ vbene uwa gha ya gha ho ẹmwẹ egbe hẹ.

Hibru 5:12

Ẹghẹ te sẹ nẹ ne uwa tobọ uwa gha ya gha re emamwaemwi, sokpan te uwa ye gualọ ọmwa ne ọ gha ma uwa ikpe orhu ẹmwẹ Osanobua. Ne uwa gha na gha rri evbare ne evbare, ewẹn uwa ye wẹn.

Hibru 8:11

Ọkpa ne ọ gha ghi vbe gha ma ihua ẹre emwi i rrọọ, ra ne ọmwa ọkpa vbe tama ovbi ẹvbo ẹre wẹẹ, ‘Rẹn Nọyaẹnmwa.’ Rhunmwuda, iran hia gha rẹn mwẹ, ke egbe ne ọ kanmwa sẹ ya sẹ ne ọ kpọlọ sẹ.

Hibru 8:12

I gha mwẹ itohan ghe abakuru iran, I i ghi ra vbe ye orukhọ iran rre ọvbehe.”

I Jọn 2:20

Sokpan, Kristi tue Orhiọn Ne Ọ Huanrẹn yan uwa nẹ, rhunmwuda ọnii, wa hia rẹn nene ẹmwata nẹ.

I Jọn 2:27

Sokpan zẹ vbe ọ ghe uwa, Kristi tue Orhiọn rẹn yan uwa nẹ. Ugbẹn vbe Orhiọn a ye gha rre uwu uwa, wa i ghi vbe gualọ ọmwa ọvbehe ne ọ gha ma uwa emwi. Rhunmwuda, Orhiọn ni ọre ọ ma uwa emwi vbe ekpa emwi hia, emwi ne ọ ma uwa ẹre, ẹmwata vbe nọ, ohoghe i rrọọ, wa gha rhie emwi ne ọ ma uwa ẹre khekherriọ, ne uwa vbe gha rre uwu Kristi.

I Jọn 5:20

Ma rẹnrẹn wẹ Ovbi Osanobua rre nẹ, ọ keghi vbe rhie irẹnmwi ne ima sẹrriọ wẹ, te ima ghi rẹn Osanobua ẹmwata, uwu Osanobua ẹmwata ọre ẹdẹ agbọn ima ye, vbe uwu Jesu Kristi ne Ovbi ẹre. Ọna ọrọre Osanobua ẹmwata, ọna ọ vbe re ẹfe ne ẹ i fo.

I Samuẹl 2:12

Ivbi Elai ne ikpia kegha re emọ ni ku ogboi. Iran i zẹdẹ zẹ ye ẹmwẹ e Nọyaẹnmwa