Jerimaia 31:32 - Edo Bible (E Baibol Ẹdo) Version 1996

³² Ẹ i ra gha ye vbe ile nẹdẹ ne I gu avbe erha iran odede ta, ẹghẹ ne I na rhie iran obọ, I na viọ iran ke otọ Igipt ladian. A gha rhe miẹn wẹ te I yevbe ọdọ ne iran, iran ma ru vbene ile ni khare.

Jerimaia 31:32 ပူးပေါင်းရင်းမြစ်များ

I Ọba 8:9

Te a wa ke ehe ne a mudia yi vbe ugha nọkhua bẹghe ẹre vbe odaro Ehe Ne ọ Huan Sẹẹ Ehia sokpan, a i ke ore bẹghe ẹre. Emwi ọvbehe i rre Ẹkpẹti Ile nii gberra uhanhan okuta ne a gbẹn eveva ne Mosis viọ yọ vbe Oke Sainai, ehe ne Nọyaẹnmwa na gu ivbi Izrẹl ta ile vbe iran ke Igipt dee.

Psalm 73:23

Vberriọ te I wa simama uwẹ vbe ẹghẹ hia, wẹ keghi vbe da mwẹ obọ yi.

Psalm 78:37

Iran ma guobọ ọre, iran ma ya ile ne iran gu ẹe ta ru emwi.

Ẹksọdọs 19:5

A deghẹ wa gha họn ẹmwẹ mwẹ, wa na vbe rhie uhi mwẹ mwẹ, wa ghi do gha re emwa obọ mwẹ. Mẹ ọre ọ yan agbọn na hia, sokpan wa ghi gha re emwa ne I hannọ zẹ.

Ẹksọdọs 32:8

Iran wa lahin odẹ ne I yi ẹre iyi ne iran gha lele. Iran ya igoru ne a ranran ẹn ma ẹkhuia ne egbe iran, iran gha ga ẹe, iran gha vbe zẹ ese ghe ẹre. Iran keghi kha wẹẹ, ‘Ọnii ọrọre Osanobua iran ne ọ viọ iran ke otọ Igipt ladian.’ ”

Ihuan Ne Ọ Sọọ Ihuan Hia 8:5

De ọmwa ne ọ ke uwu ẹgbo de na yi ne irẹn vbe enida ẹre gba rhie egbe obọ? Ototọ erhan otiẹn ọ re I na huẹn ruẹn vbe ehe ne a na biẹ ọọ.

Aizaia 24:5

Avbe emwa ru awua ye agbọn vbekpa ne iran na rra uhi Osanobua, kevbe ne iran ma na mu ẹẹn sẹ ighe ile ne ọ gu iran taa, emwi ne a wẹ ne ọ gha re ọghe etẹbitẹ.

Aizaia 41:13

Mẹ ọrọre Nọyaẹnmwa, Osanobua ruẹ, I rhie iwegbe ne uwa, I keghi tama uwa wẹẹ, ‘Wa ghẹ mu ohan, I gha yi uwa obọ.’ ”

Aizaia 54:5

Te Ayi ne ọ yii uẹ ra yevbe ọdafọn ọn, e Nọyaẹnmwa ne Oghodua ọre a tie ẹre. Osanobua nọhuanrẹn ọghe Izrẹl gha miẹn ruẹn fan, rẹn ọ re ọ khaemwisẹ yan otọ agbọn hia.

Jerimaia 11:3

Wẹ mẹ ne Nọyaẹnmwa ne Osanobua Izrẹl tie ihẹn ne ọmwaikọmwa ne ọ ma ru zẹ vbene a ta ye ile na.

Jerimaia 11:4

Ile ne I gu avbe erha iran odede taa nọ, vbe ẹghẹ ne I na viọ iran ke Igipt ladian, otọe nii ne ọ yevbe ogidi erhẹn ne iran. I tama iran wẹ ne iran gha họn ẹmwẹ mẹ, kevbe ne iran gha ru emwi hia ne I tama iran. I keghi tama iran wẹ, iran gha họọn ẹmwẹ mẹ, iran ghi gha re emwa mwẹ, mẹ ghi vbe gha re Osanobua iran.

Jerimaia 2:2

ne I ya ta ẹmwẹ na ma emwa hia ni rre Jerusalẹm. “I yerre wẹ ọmwa ne ọ mudia ẹse ọ re u wa gha khin vbe ẹghẹ ne u na ye kherhe. Vbene u gha ho ẹmwẹ mwẹ hẹ vbe ẹghẹ ne a na da rhie ruẹ rre. U lele mwẹ la ato, la otọ ne a ma he mu ẹre ugbo ẹdẹ.

Jerimaia 22:9

Ẹghẹ nii, iran ghi wanniẹn wẹ, rhunmwuda ne uwa ma na mu ile ne uwa gunmwẹ ta sẹ nọ, mẹ ne Osanobua uwa, wa na ya gha gho avbe ẹbọ ọvbehe.”

Jerimaia 3:14

“Wa ne emwa ne ai gha ekhọe ẹre, wa werriegbe rre, ọghomwẹ ọ re uwa khin, I gha rhie ọkpọkpa vbe uwu uwa ke dọmwadẹ okpẹvbo ladian, kevbe eveva ke dọmwadẹ ẹwae rre, I ghi viọ uwa werriegbe gha die Oke Zaiọn.

Jerimaia 31:1

E Nọyaẹnmwa khare wẹẹ, “Ẹghẹ dee ne I gha na gha re Osanobua ẹwae ne ọ rre Izrẹl hia, iran ghi vbe gha re emwa mwẹ.

Jerimaia 34:13

ne Osanobua Izrẹl na tama mwẹ, wẹ ne I ya khama avbe emwa nii wẹẹ, “Ẹghẹ ne I na viọ avbe erha uwa odede ke Igipt ladian, I gu iran taa ile, I keghi fannọ iran ke ọviẹn ladian. I keghi tama iran wẹ,

Jerimaia 34:14

ukpo ihinrọn hia, ọ re iran gha ya gha fannọ avbe eviẹn iran ni re ivbi e Hibru kua vbe iran a ghi ga iran la ukpo ehan nẹ. Sokpan, avbe erha uwa odede ma zẹyọ mwẹ re, ama ghi wẹ te iran ra danmwehọ ẹmwẹ ne I tae.

Ezikiẹl 16:8

“I ghi vbe dọlegbe gberra, I keghi miẹn wẹ ẹghẹ sẹ nẹ ne ẹmwẹ okpia gha ya gha rre uẹ aro. I keghi ya ẹwu mwẹ gue egbe ruẹ ne u bannọ yotọ, I keghi yan ma ruẹn ighe I gha ho ẹmwẹ ruẹn. Vbe ẹmwata, I keghi guẹ rhie obọ ye ebe wẹ I gha rhie ruẹ rọnmwẹ, wẹ na ghi do gha re ọghomwẹ.” Erriọ ọre Osanobua ne Udazi khare.

Ezikiẹl 20:37

“I gha ya obọ ne ọ tọn mu uwa, I ghi ru ẹe ne uwa gha ru vbene ile mwẹ khare.

Ezikiẹl 23:4

A tie nọdiọn ne ọ rrọ Ohola (Ọna ọ re ọ mudia ye ihe Sameria) a kegha tie ne kherhe ne ọ rrọọ, Oholiba, (Ọna ọre ọ mudia ye ihe Jerusalẹm.) I viọ iran eveva rọnmwẹ, iran keghi vbe biẹlẹ mẹ.

Hozia 11:1

E Nọyaẹnmwa khare wẹẹ, “Ẹghẹ ne Izrẹl na re ọvbokhan, I keghi gha hoẹmwẹ ọnrẹn, I keghi tie ẹre ke Igipt rre, zẹ vbe ovbi mwẹ nokpia.

Hozia 2:2

Wa ne ivbi mwẹ, wa gu iye uwa guan, a gha rhe miẹn wẹ, ẹ i ghi re ọvbokhan mwẹ, kevbe wẹ, mẹ i ghi vbe re ọdọ ẹre. Wa tama rẹn ne ọ dobọ ọghe kevbe ebabotu ne ọ gbe yi.

Hozia 3:1

E Nọyaẹnmwa keghi tama mwẹ wẹẹ, “Dọlegbe gha khian, ne u ya ho ẹmwẹ okhuo ne irẹn vbe egbakhian rẹn gba ghẹ khian nii, u ghi ho ẹmwẹ ọnrẹn zẹ vbene imẹ ye vbe ho ẹmwẹ ivbi Izrẹl ne emwa mwẹ, a gha rhe miẹn wẹ iran lẹ lele ẹbọ ọvbehe, iran keghi vbe gha ya ititi ọmọ erhan ne a kae re, zọ ese ghe amazẹ.”

Levitikọs 26:15

A deghẹ wa rhie obọ gberra ile ne I gu uwa ta vbe ekpa avbe uhi mwẹ,

Iyẹn ne ọ Maan Ọghe Mak 8:23

Jesu keghi rhie okpia ni obọ, ọ na rhie ẹre hin adesẹ ẹvbo rre. Ọ ghi tu asẹn ye ọre aro nẹ, Jesu viọ obọ yan rẹn, ọ nọ rẹn wẹẹ, “U bẹghe emwi rhọkpa ra?”

Iyẹn ne ọ Maan Ọghe Jọn 3:29

Ọdafẹn ọha ọre ọ yan ovbiọha. Ọse ọdafẹn ọha ghi mudia gha danmwehọ, ẹko ghi gha rhiẹnrhiẹn ọẹn vbe ọ gha họn urhu ọdafẹn ọha. Erriọ zẹẹ ọre a ya ye ọyẹnmwẹ ne ọ sẹmwẹ khian ne ọ gbae.

Iwinna 23:19

Ọkaokuo ni keghi rhie ẹre obọ, ọ na tobọ ẹre rhie ẹre gha rrie efẹn ọkpa, ọ nọ rẹn wẹ, “De ẹmwẹ ne u ra tama mwẹ yi?”

II Kọrinti 11:2

Ẹmwẹ uwa ọre ọ da mwẹ zẹ vbene ẹmwẹ uwa vbe da Osanobua, rhunmwuda te uwa ye vbe uvbi ne ọ ma he sakan ne imẹ ya ne okpia ọkpa kẹkan, ọnii nọ wẹ Kristi tobọ ẹre.

Diuteronomi 1:31

Kevbe uwu ato. Wa miẹn vbene ọ ya viọ uwa do sẹ emwa na hẹ ke odọ hia gha dee, zẹ vbene erha mu ovbi ẹre.’

Diuteronomi 29:1

Enena ọrọre, ẹmwẹ ne a guan ye ile ne Nọyaẹnmwa tama Mosis ne ọ gu ivbi Izrẹl ta vbe ẹghẹ ne iran na gha rre otọe Moab. Te avbe rhie ọna te ile ne Nọyaẹnmwa iran ta vbe Oke Sainai.

Diuteronomi 29:21

E Nọyaẹnmwa ghi ya ẹe ru igiemwi vbe odaro ivbi Izrẹl hia, ọ ghi zẹ ọkhọ rruan rẹn zẹ vbe avbe ihẹn ọghe ile ne a gbẹnnẹ ye uwu ebe ọghe imaemwi e Nọyaẹnmwa.

Diuteronomi 29:24

Ẹghẹ nii, otọ agbọn na hia ghi nọ wẹẹ, ‘Vbe Nọyaẹnmwa na ru otọe iran vbenian hẹ yi? Demwi ne ọ sii ohu ọhanabe vbenian rre?’

Diuteronomi 31:16

E Nọyaẹnmwa keghi tama e Mosis wẹẹ, “U gha rherhe wu ban, u gha ghi wu nẹ, emwa na gha do khian ne a i ghi mu ẹtin yan ghe mwẹ, iran ghi gha rra ile nii ne I gue iran ta. Iran ghi he mwẹ ye otọ ya gha gho avbe ẹbọ otọe nii ne iran khian lao na.

Diuteronomi 31:20

I gha viọ iran gha rrie otọe esiesi ne ọ maa emwiokọ na, zẹ vbene I tama avbe erha iran odede. Evba nii i. iran gha miẹn dọmwadẹ evbare ne iran ho, iran gha vbe gha rrọ vbe uwu ẹkovọnmwẹ, sokpan iran gha fi iyeke gbe, iran ghi ya gha gho ẹbọ ọvbehe. Iran gha he mwẹ ye otọ, iran ghi vbe rra ile mwẹ.

Diuteronomi 5:2

E Nọyaẹnmwa Osanobua mwa keghi gu ima ta ile vbe Oke Sainai.

Diuteronomi 5:3

Ẹ i re avbe erha mwa odede ọkpa ọ re ọ gu ta ile na, sokpan kevbe ima nọ, ma hia fẹẹrẹ ni rre agbọn ẹdẹnẹrẹ na.

Hibru 8:9

Ẹ i ra ye vbe ile ne I gu erha iran ta, vbe ẹdẹ ne I rhie iran obọ su iran ladian vbe otọ Igipt. Iran ma mu ile ne I gu iran ta sẹ. Rhunmwuda ọnii, mẹ ma ghi zẹ ye iran re, erriọ Nọyaẹnmwa kha re.