Jerimaia 31:29 - Edo Bible (E Baibol Ẹdo) Version 1996

²⁹ Ọnii gha ghi sunu nẹ, emwa i ghi ra dọlegbe gha tae wẹẹ, “ ‘Evbibiemọ rri alimo ne ọ kaẹn sokpan, akọn keghi do khẹkhẹ ivbi iran.’

Jerimaia 31:29 ပူးပေါင်းရင်းမြစ်များ

Job 21:19

Wa wẹ, ‘Osanobua rria ọmọ ikhi ye orukhọ erha ẹe.’ Ẹn o, giẹ Osanobua rri emwa orukhọ tobọ iran oya. Gie ẹe rhie ma wẹ rhunmwuda orukhọ iran ọre irẹn na ru ẹe.

Jerimaia 31:30

Sokpan, enian ghi nọ wẹ ọmwa ikọmwa ne ọ rri alimo ne ọ kaẹn. Ọ re akọn gha khẹkhẹ, enọru orukhọ, ọ re ọ ghi gha wu ye orukhọ ẹre.”

Eve Orriara 5:7

Avbe erha mwa odede ru orukhọ, sokpan iran i ghi rrọ nian, te ima ghi rri oya ye orukhọ iran.

Diuteronomi 24:16

“A ghẹ gbe evbibiẹ emọ ye orukhọ ne ivbi iran ru, erriọ, a ghẹ vbe gbele emọ ye orukhọ ne evbibiẹ iran ru, orukhọ ne ọmwa ru ọkpa ọre a gha gbe ẹe yi.