Jerimaia 31:27 - Edo Bible (E Baibol Ẹdo) Version 1996

²⁷ “Nọyaẹnmwa ọ re ọ tae wẹ ẹdẹ dee ne I gha ye emwa nagbọn kevbe aranmwẹ vuọn otọ Izrẹl kevbe Juda.

Jerimaia 31:27 ပူးပေါင်းရင်းမြစ်များ

Psalm 107:41

Sokpan ọ yuo iran ne ẹ i mwẹ hin usẹ iran rre, ọ keghi ya ẹgbẹe iran gha muan yọ zẹ vbe oghẹn ohuan.

Jerimaia 30:19

Emwa ni rre evba gha so ihuan urhomwẹ iran, gha we ne oghọghọ. Rhunmwuda, afiangbe mwẹ, iran gha muan yọ afiangbe mwẹ gha mu ọghọ ye iran egbe.

Ezikiẹl 36:10

I gha ru ẹe ne uwa gha muan yọ, wa gha yin avbe ore nekhua ọghe uwa, wa ghi vbe dọlegbe bọlọ ehe ne ọ te re itowa hia.

Ezikiẹl 36:11

I gha ru ẹ ne emwa nagbọn kevbe avbe ẹmila gha muan yọ. Wa gha bun sẹẹ vbene uwa te ka ye yi, wa gha vbe biẹlẹ emọ nibun. I gha gie uwa yin evba nii vbene uwa te ka gha ye yi, I ghi vbe ru ẹe ne agbọn ma uwa sẹẹ vbene uwa ka ye yi. Ẹghẹ nii, wa gha rẹn wẹ mẹ ọrọre Nọyaẹnmwa.

Ezikiẹl 36:9

“Wa ọ re imẹ deba, I gha vbe ru ẹe ne a miẹn wẹ a gua ye otọe uwa, a vbe kọ emwiokọ yọ.

Hozia 2:23

I gha gbe emwa ẹkun sotọ vbe otọe nii, I ghi vbe gie agbọn maa iran, I gha ho ẹmwẹ emwa ne a te tie ẹre “Na ma ho ẹmwẹ ọnrẹn,” iran ne a te tae da wẹẹ, “Iran-ire-emwa-mwẹ.” I ghi kha wẹẹ, “Emwa-mwẹ-wa-khin.” Iran ghi vbe wanniẹn wẹẹ, “Wẹ ọrọre Osanobua mwa.”

Zẹkaraia 10:9

A gha rhe miẹn wẹ te I zagha iran gba uhunmwu ẹvbo hia, sevba iran gha ye mwẹ rre vbe otọe urria nii, ke iran kevbe ivbi iran gha miẹn uhunmwu iran ghi gba gha die owa.

Diuteronomi 30:9

E Nọyaẹnmwa gha gie emwi ne uwa ru hia gha dinna odẹ, wa gha mwẹ emọ ni bun kevbe avbe ẹmila ni bun, ugbo uwa ghi gha mọ emwiokọ ni bun ẹsẹse. Ẹko gha rhiẹnrhiẹn ọẹn ne ọ gie uwa gha ma an zẹ vbene ẹko rhiẹnrhiẹn ọẹn gie agbọn ma erha uwa odede.