Jerimaia 31:20 - Edo Bible (E Baibol Ẹdo) Version 1996

²⁰ “Izrẹl, ovbi mwẹ ne ọ ghan sẹẹ ọ re u khin, ọmọ ne I ho ẹmwẹ ọnrẹn sẹẹ. Ẹghẹ ne I rhirhi a ya so eni ruẹn I ghi gha ye aho ẹmwẹ ọmwa mu ẹmwẹ ruẹn ro. Orhiọn mwẹ ghi tin bu ruẹ gha dee, I gha mwẹ itohan.

Jerimaia 31:20 ပူးပေါင်းရင်းမြစ်များ

Gẹnẹsis 43:30

Ẹre Josẹf na zẹgiẹ ladian rhunmwuda ibiẹ ọre hia keghi ru woo rhunmwuda ọtiọnrẹn, te ọ ghi te ra viẹ, rhunmwuda ọnii, ọ keghi la ughugha ẹre, ọ na ya viẹ vbe evba.

I Ọba 3:26

Ekhọe okhuo ne ọ yan ọmọ keghi vuọn ne agiẹngiẹn ovbi ẹre, ọ keghi kha ma ọba wẹẹ, “U gha tọ u kpẹre Umogun, ghẹ gbe ọmọ nii uan, mu ne ẹẹn.” Sokpan, okhuo nọkpa keghi kha wẹẹ, “Ghẹ mu ẹẹn ne ọmwa rhọkpa vbe uwu ima, fian ẹre eva.”

Psalm 103:13

Zẹ vbene erha tohan ivbi ẹre, erriọ e Nọyaẹnmwa tohan iran ni ya ọghọ ne ẹẹn.

Itan 3:12

Emwa ne Nọyaẹnmwa ho ẹmwẹ ọnrẹn ọ re ọ dia ye odẹ, zẹ vbene erha dia ọmọ ne ọ ya hio ye odẹ.

Ihuan Ne Ọ Sọọ Ihuan Hia 5:4

Enida mwẹ rhie obọ ye urho egbe kegha mu mwẹ wẹ ọ sẹ emwa fo nẹ.

Aizaia 16:11

I ya akhiẹ viẹ eve orriara ne Moab, kevbe eve oya ne Kẹ Hẹrẹs.

Aizaia 30:18

Sevba e Nọyaẹnmwa ye mudia ne ọ tohan uwa. Ọ mu egbe ne ọ ya tohan uwa, rhunmwuda emwi ne ọ gbae ọ re irẹn ru vbe ẹghẹ hia. Ọmakin iran ni mu ẹtin yan e Nọyaẹnmwa.

Aizaia 55:7

Gie emwa dan fi uyinmwẹ iran werriẹ, ne iran vbe fi iziro ekhọe iran werriẹ wa gie iran bu e Nọyaẹnmwa ne Osanobua ima gha dee, ọ mwẹ itohan, ọ vbe zẹgiẹgiẹ yabọ.

Aizaia 63:15

E Nọyaẹnmwa, gbearoghe odẹ ne ima ye ke ẹrinmwi gha dee, ehe ne uwẹ ye vbe uwu uhuanmwẹ kevbe uyi ruẹ. Ẹnina nọkhua ne u mwẹ ghe ima vboo? Ẹtin ruẹn vbo? Ahoẹmwọmwa kevbe itohan ruẹn vbo? Ghẹ yangbe mwa.

Jerimaia 3:12

Rẹn keghi tama mwẹ wẹ ne I ya tama Izrẹl wẹẹ, “Izrẹl ne ekhọe ẹre ma mudia ẹse, werriegbe bu mwẹ gha dee, mẹ mwẹ itohan, ohu i ra vbe mu mwẹ. I i ra muohu ruẹ rhinrin ẹdẹ.

Jerimaia 3:19

E Nọyaẹnmwa khare wẹẹ, “Izrẹl, te I te wẹ ne I rhan obọ miẹn ruẹn ya ye ọmọ, ne I mu otọ ne ọ mose ne uẹn, otọe ne ọ mose sẹẹ vbe otọ agbọn hia. Te I te ho ne u tie mwẹ erha, ne u ghẹghi dọlegbe fi iyeke gbe mwẹ ẹdẹdẹmwẹdẹ.

Jerimaia 31:9

Avbe emwa mwẹ gha werriegbe rre vbe ne iran na viẹ, iran ghi vbe gha na erhunmwu vbe ehe ne I na viọ iran werriegbe dee ni. I gha ma iran odẹ gha rrie ẹzẹ amẹ, vbe odẹ ne ọ rriẹe kpẹghẹ, ehe ne iran i ra na rrua owẹ. Te I ye vbe erha ne Izrẹl Ifreim ọrọre ovbi mwẹ nọdiọn.”

Jerimaia 33:26

Zẹ vbene I wa vbe ru ena gbangbaangban, erriọ I ra ye obọ mu ile ne I gu ivbi uniẹn e Devid taa. I gha zẹ ovbi uniẹn e Devid ọkpa, ne ọ gha khaemwisẹ yan ivbi uniẹn Ebraham, Aizik kevbe Jekọb. I gha tohan emwa mwẹ, I ghi vbe ru ẹe ne agbọn dọlegbe maa iran.”

Jerimaia 48:36

“Rhunmwuda ọnii ekhọe mwẹ khiẹ ne Moab kevbe ivbi e Ka Hẹrẹs zẹ vbene ọmwa ye ufere so ihuan irorinmwi, rhunmwuda, emwi ne iran mwẹ hia la ọrhiae rrie.

Eve Orriara 3:22

Aho ẹmwẹ ọmwa ne ẹ i fira kevbe itohan ọghe e Nọyaẹnmwa ye rrọọ rhinrin,

Ezikiẹl 33:11

Vbene aro na dae na wẹ mẹ ne Nọyaẹnmwa ne Udazi ọrọre Osanobua ne ọ rrọọ, ẹko i rhiẹnrhiẹn mwẹ ye uwu ọmworukhọ. Emwi ne ọ yẹ mwẹ sẹẹ ọrọre ne iran dobọ orukhọ ne a ru yi ne iran diagbọnya. Izrẹl, dobọ orukhọ ne a ru yi. Vbọzẹ ne u na ho ne u wu yi?

Hozia 14:4

E Nọyaẹnmwa khare wẹẹ, “I gha dọlegbe si emwa mwẹ kẹ egbe. I gha ya ekhọe mwẹ hia hoẹmwẹ iran, ohu iran i ghi mu mwẹ ọvbehe.

Levitikọs 26:44

Ọ rhe ye vberriọ, ugbẹn vbe iran a gha rre ẹvbo eghian iran, I i ra wa fi iyeke gbe iran fo, ra ne I fuẹn iran an fẹẹrẹ. Ọnii gha rhie ufomwẹ ye ile ne imẹ gu iran ta sevba mẹ ọre Nọyaẹnmwa Osanobua iran.

Iyẹn ne ọ Maan Ọghe Luk 15:24

Rhunmwuda, ovbi mwẹ na te wu, ghe ighẹ ọ ye rre agbọn, ọ te wii, a miẹn ọẹn nian.’ Iran keghi gele suẹn gha rrie evbare.

Iyẹn ne ọ Maan Ọghe Luk 15:32

Sokpan ọ kere ne ima gha re ne a gha ghọghọ, rhunmwuda ọtuẹn na te wu, sokpan, ọ rre agbọn nian, ọ te wii, sokpan a dọlọ miẹn ọẹn.’ ”

Diuteronomi 32:36

E Nọyaẹnmwa gha miẹn emwa rẹn fan, vbe ọ gha miẹn wẹ ẹtin fo iran nẹ, ọ gha tohan iran ni ga ẹe, vbe ọ gha miẹn ibozẹghẹ ọ re ọ ghi ke ẹe.

Filipai 1:8

Osanobua rẹnrẹn wẹ ẹmwata ọre I ta vbe i a kha wẹ, vbene ẹmwẹ uwa rrọ mwẹ ekhọe, uwu ekhọe Kristi Jesu tobọ ẹre ọre ọ ke rre.

Giọgis 10:16

Rhunmwuda ọnii, iran keghi viọ ẹbọ ẹrrẹe iran kua, iran na gha ga e Nọyaẹnmwa, rẹn keghi vbe gha mu ẹmwẹ usẹ ne ọ sẹ ivbi Izrẹl rro.