Jerimaia 31:2 - Edo Bible (E Baibol Ẹdo) Version 1996

² I tohan iran ni miẹn uhunmwu vbe obọ uwu vbe ato. Ugbẹn vbe ivbi Izrẹl ghi wẹ iran gualọ ikẹtin.

Jerimaia 31:2 ပူးပေါင်းရင်းမြစ်များ

Psalm 78:52

Ẹkpo nii, ọ keghi su avbe emwa rẹn ladian zẹvbe ọsuohuan ọ keghi su iran la uwu ato gberra.

Psalm 95:11

Ohu keghi mu mwẹ ọre I na yan wẹẹ, ‘Wa i ra la otọe nii ne I gha na te rriẹ ikẹtin ne uwa.’ ”

Ẹksọdọs 1:16

“Wa gha mu ikhuo Hibru emwi ubiẹmwẹ, iran gha biẹ okpia wa ghi gbe ẹe rua, sokpan ọ gha re okhuo, wa ghi sọrae.”

Ẹksọdọs 1:22

Ẹghẹ nii ọre ọba ghi na yi iyi ne emwa irẹn hia wẹẹ, “Emọ ikpia ne emwa Hibru a rhirhi biẹ, wa gha filo iran ku ẹzẹ Nail, sokpan wa sẹ avbe emọ ikhuo ni rrọọ rae ye agbọn.”

Ẹksọdọs 12:37

Ivbi Izrẹl keghi kpao vbe Ramesis rre, iran na mu aro da Sukọt. Ikpia nii ya owẹ khian kegha re arriaisẹn uri eha (600,000), vbe ne a i na ke ikhuo kevbe ibiẹka.

Ẹksọdọs 2:23

Ọ ghi kpẹe fua, ọba Igipt keghi wu. Ivbi Izrẹl kegha khiẹkhiẹ egbe vbe uwu ọviẹn ne iran ye, iran na gha tu nọ iyobọ. Eve iran keghi sẹ ehe ne Osanobua ye.

Ẹksọdọs 33:14

E Nọyaẹnmwa keghi kha wẹẹ, “I gha lele uẹ gha khian, I gha vbe rhie akhọnmiotọ nuẹn.”

Ẹksọdọs 5:21

Iran keghi tama e Mosis kevbe Errọn wẹẹ, “Te Osanobua gha bẹghe emwi ne uwa ru, ne ọ rria uwa ikhi ne uwa na gie ọba kevbe emwa iwinna do gha mu ohu ima, te uwa gie iran miẹn ehe la la ima egbe na, ne iran gha gbele ima an.”

Jerimaia 2:2

ne I ya ta ẹmwẹ na ma emwa hia ni rre Jerusalẹm. “I yerre wẹ ọmwa ne ọ mudia ẹse ọ re u wa gha khin vbe ẹghẹ ne u na ye kherhe. Vbene u gha ho ẹmwẹ mwẹ hẹ vbe ẹghẹ ne a na da rhie ruẹ rre. U lele mwẹ la ato, la otọ ne a ma he mu ẹre ugbo ẹdẹ.

Ezikiẹl 20:35

I gha viọ uwa gha dee ‘Ato agbọn ẹvbo Nibun,’ evba nii ọ re I gha na ta ku uwa.

Hozia 11:4

Ahoẹmwọmwa kevbe ẹnina, ọ re I ya si iran kẹ egbe I tọn iran mu kpao vbe otọ, I keghi mu irho ye iran irho, I ghughẹ rre, I na gha koko iran.

Nọmbas 10:33

Ugbẹn vbe emwa nii ghi sii kpao vbe Sainai ne oke ne ọ huanrẹn, iran keghi khian okhian ikpẹdẹ eha, Ẹkpẹti Ile ọghe Nọyaẹnmwa keghi kodaro ne iran ne ọ gualọ ehe ne iran gha bu agọ yi ne iran.

Nọmbas 14:20

E Nọyaẹnmwa keghi wanniẹn wẹẹ, “I gha yabọ iran vbene u nọ rẹn.

Matiu 11:28

“Wa bu mwẹ gha dee, wa hia ne ihẹ nọkhua ne ọ mu wọ ẹre egbe, I gha rhie ikẹtin ne uwa.

Diuteronomi 1:30

Nọyaẹnmwa Osanobua rua gha ke odaro ne uwa, ọ gha vbe gbinna ne uwa vbene aro uwa vbe sọe ighẹ ọ ru ẹe vbe Igipt.

Diuteronomi 1:33

Ọmwa ne ọ gha ke odaro ne uwa vbe ẹghẹ hia ne ọ ya gha gualọ ehe ne uwa gha gbe agọ yi ye otọ khẹ uwa. Asọn gha rre, ọ ghi mu akpa orre erhẹn yọ ya ke odaro ne uwa, avan gha rre ọ ghi gha re orrẹ okuku amẹ, ne ọ miẹn ehe na ma uwa odẹ.

Diuteronomi 12:9

Rhunmwuda wa ma he la otọ ne Nọyaẹnmwa Osanobua ra mu ne uwa, ehe ne uwa gha na gha rrọọ vbe ọfumwegbe.

Diuteronomi 2:7

“Wa yerre wẹ e Nọyaẹnmwa ne Osanobua uwa wa fiangbe uwa vbe emwi ne uwa he ru hia. Ọ kegha gbe aro ghe uwa vbe uwa zozo lele uwu ato nọkhua na khian. Ukpo iyeva na, ọ re ọ ya gu uwa gha rrọọ, emwi ne uwa a rhirhi gha ho hia keghi vbe sẹ uwa obọ.

Diuteronomi 8:16

Ọ rhie mana ne uwa re vbe uwu ato, egbe evbare ne avbe erha uwa odede ma re ẹdẹ. Ọ keghi gie ọlọghọmwa gie uwa ne ọ miẹn ehe na danmwẹ uwa ghe, ne ọ miẹn ehe na ya emwi ne ọma fiangbe uwa vbe okiekie.

Jọsua 1:13

“Wa ye ẹmwẹ ne Mosis ne ọguọmwadia e Nọyaẹnmwa tama uwa rre wẹẹ, ‘Nọyaẹnmwa Osanobua gha mu otọe na ne uwa ne ọ gha re ọghe uwa vbe asefẹn ahọ Jọdan.’