Jerimaia 31:18 - Edo Bible (E Baibol Ẹdo) Version 1996

¹⁸ “I họn vbe ivbi Izrẹl ye akhiẹ tae wẹẹ, ‘E Nọyaẹnmwa, te ima te yevbe aranmwẹ ne a ma rri sokpan, wẹ keghi ma iran re ne a gha họn ẹmwẹ. Viọ ima werriegbe rre, ma mu egbe ne a ya bu ruẹ gha dee, e Nọyaẹnmwa ne Osanobua mwa.

Jerimaia 31:18 ပူးပေါင်းရင်းမြစ်များ

Job 5:17

“Afiangbe nọ ne ọmwa ne Osanobua dia ye odẹ, ọ gha guẹ gui, ghẹ khiẹkhiẹ egbe yọ.

Psalm 118:18

Ọ gbe mwẹ ne obọ da mwẹ, hin ọkhọ rre sokpan ọ ma wa gbe mwẹ uan.

Psalm 119:67

Vbe u te do gbe mwẹ hin ọkhọ rre, te I te ba odẹ ku, sokpan, banbanna nian, te I ghi họn ẹmwẹ ne uẹn.

Psalm 119:75

Mẹ rẹnrẹn wẹ, ẹmwata ọ re avbe ibuohiẹn ruẹn khin Nọyaẹnmwa, kevbe wẹ, te u gia mu ẹtin yan, ọ re u na gbe mwẹ hin ọkhọ rre.

Psalm 31:15

wẹ ọ re ọ gbe aro ghe mwẹ vbe ẹghẹ hia. Miẹn mwẹ fan vbe obọ avbe eghian mwẹ, kevbe obọ iran ni kpokpo mwẹ.

Psalm 32:9

Wẹ ghẹ zurọ ua zẹvbe ẹsin ra ẹmila, ne a rrọ ekagha ye ọre unu ya winna, ne ọ miẹn ehe na gha họn ẹmwẹ.”

Psalm 80:19

Nọyaẹnmwa Osanobua Ne Oghodua viọ ima werriegbe rre rhie itohan ruẹn ma mwa a gha vbe miẹn mwa fan.

Psalm 80:3

Viọ ima werriegbe gha dee, Osanobua, rhie itohan ruẹn ma mwa a gha vbe miẹn ima fan.

Psalm 80:7

Viọ ima werriegbe gha dee Osanobua Ne Oghodua rhie itohan ruẹn ma mwa a gha miẹn ima fan.

Psalm 85:4

Viọ ima werriegbe rre Nọyaẹnmwa ọmiọnmwafan mwa ne u vbe dobọ ẹko nọ rhiae ruẹ ghe mwa yi.

Psalm 94:12

Nọyaẹnmwa, afiangbe nọ ne ọmwa ne uwẹ ma ẹre emwi, ọmwa ne uwẹ ma ẹre uhi ruẹ!

Itan 26:3

Te a ye asan gbe ẹsin, te a rrọ ekagha ye ekẹtẹkẹtẹ unu, ugbemwẹ ọre a gbe ọzuọ.

Itan 29:1

Adeghẹ te u wa dọlegbe zevbudu yọ ẹghẹikẹghẹ ne a ya guẹ gui ne a dia ruẹ ye odẹ, ẹdẹ ọkpa, emwi gha degbe uẹ, u i ra vbe miẹn uhunmwu vbọ.

Itan 3:11

Ovbi mwẹ, e Nọyaẹnmwa gha dia ruẹ, kakabọ danmwehọ, u ghi vbe rhie ẹre zẹ vbe ẹmwẹ ne a tama ọmwa yotọ.

Aizaia 1:5

Vbọzẹ ne uwa na sọtẹ khian vberriọ yi? Te uwa ho ne a ye rri uwa oya sẹẹ ọna ra? Izrẹl, ghe vbe ẹtẹ gba uwa uhunmwu hia. Orhiọn kevbe ekhọe uwa khuọnmwi.

Aizaia 51:20

Emwa ruẹn gha sahẹ lele abọ idunmwu rhunmwuda ighẹ orhiọn ighi rri iran iwu. Iran yevbe ẹrhuẹ ne ifi ohuẹ mu obọ ohu Osanobua rhanmwẹ iran.

Aizaia 53:7

“A ru ẹre emwi oya, ọ keghi mu egbe rriotọ ziin ẹnrẹn, ọ ma ta ukpẹmwẹ ọkpa, ọ yevbe ovbi ohuan ne a ra gbe ọ yevbe ohuan ne a ra gbẹn ọre eto, ọ ma vbe tu asẹn yotọ.

Aizaia 63:16

Wẹ ọrọre erha mwa. Ebraham kevbe Jekọh ne avbe erha mwa odede ma ka ima yọ, sokpan, wẹ ne Nọyaẹnmwa, wẹ ọrọre erha mwa, wẹ ọ re ọmwa ne ọ wa miẹn ima fan dee ẹdẹ.

Aizaia 9:13

Ivbi Izrẹl ma he ye fiwerriẹ, a gha rhe miẹn wẹ e Nọyaẹnmwa ne Oghodua rria iran ikhi nẹ, iran ma he ye werriegbe bu ẹre rre.

Jerimaia 17:14

Nọyaẹnmwa, mu mwẹ egbe rran, egbe gha wa rran mwẹ giẹnrẹn; yuo mwẹ ladian, I gha vbe fe vbe obọ ẹbe fẹẹrẹ, wẹ ọrọre ọmwa ne imẹ rho vbe uyi!

Jerimaia 2:30

I rrii uwa oya, sokpan, ọ ma gbe emwi rhọkpa, wa iho ne I gbe uwa hin ọkhọ rre. Wa gbele avbe akhasẹ uwa zẹ vbe oduma ne ọ tu.

Jerimaia 3:25

“Te ọ kere ne ima lovbiẹ ye otọ ne emwiekhue, ne efaa gue mwa. Ẹghẹikẹghẹ ọ re ima vbe avbe erha mwa odede wa ya gha rukhọ ghe Nọyaẹnmwa Osanobua mwa. Ma ma he vbe họn ẹmwẹ ne ẹẹn ẹdẹ.”

Jerimaia 31:6

Ẹn, ẹghẹ dee, ne iran ni hodẹ gha na go ke uhunmwu oke Ifreim rre wẹẹ, ‘Wa gie ima bu e Nọyaẹnmwa ne Osanobua mwa gha rrie Zaiọn.’ ”

Jerimaia 31:9

Avbe emwa mwẹ gha werriegbe rre vbe ne iran na viẹ, iran ghi vbe gha na erhunmwu vbe ehe ne I na viọ iran werriegbe dee ni. I gha ma iran odẹ gha rrie ẹzẹ amẹ, vbe odẹ ne ọ rriẹe kpẹghẹ, ehe ne iran i ra na rrua owẹ. Te I ye vbe erha ne Izrẹl Ifreim ọrọre ovbi mwẹ nọdiọn.”

Jerimaia 5:3

Vbe ẹmwata, emwi ne Nọyaẹnmwa gualọ ọrọre ayekhọe ga. Ọ fi uwa emwi sokpan wa ma zẹ yọ, ọ rẹnkhẹẹn uwa, sokpan, wa ma ye mwẹ ẹwaẹn wa keghi yin ehọ, wa ma vbe zobọ vbe orukhọ ne uwa ru.

Eve Orriara 5:21

Dọlegbe viọ ima rriegbe Nọyaẹnmwa! Viọ ima rriegbe! Rhie uyi mwa nẹdẹ dọlegbe ye ihe.

Ezikiẹl 20:43

“Ẹghẹ nii, wa gha na do ye avbe emwiekhue ne uwa ru hia rre, ke vbene uwa mu awua ye egbe uwa egbe hẹ. Egbe uwa gha sọnnọ uwa, rhunmwuda emwi dan hia ne uwa ru.

Daniẹl 9:13

U na rrii ima oya hia ne u gbẹnnẹ ye uhi e Mosis. Uhin ye do sẹ wanwanna nian Nọyaẹnmwa, Osanobua mwa, ma ma he ye hia ne a ru emwi ne ọ yẹ ruẹ.

Hozia 10:11

“Ẹghẹ ọkpa, te Izrẹl te ye vbe oteghe ẹmila ne a ma ẹre emwi ẹsẹse, ne ọ mu egbe kevbe ne ọ vbe ho ne ọ gha wiẹn ọka vbe ẹghẹ hia. Sokpan, mẹ keghi kha wẹ, te I gha rhie urọnghọn ye ẹyaẹn rẹn ne mose mose na, te I gha vbe gbalọ ẹre egbe khẹ iwinna ne ọ wegbe sẹ ọnii. I keghi ru ẹe ne Juda gha si emwi ne a ya vulo otọ, Izrẹl keghi vbe si emwi ne a ya guọghọ otọ.

Hozia 4:16

Te ivbi Izrẹl wa zevbudu zẹ vbe avbe ekhuia. Vbe imẹ a ghi ra na gha koko iran vbe uwu irhu hẹ zẹ vbe ivbi ohuan?

Hozia 5:15

“I gha he emwa mwẹ yotọ a te do miẹn wẹ iran rri oya ye orukhọ iran sẹ nẹ, kevbe wẹ te iran ghi vbe gualọ mwẹ. Ogha kẹe, usẹ gha sẹ iran nẹ, iran gha gualọ mwẹ rre.”

Jona 3:10

Osanobua keghi miẹn emwi ne iran ru, ọ miẹn wẹ iran mu uyinmwẹ dan iran fua. Rẹn keghi rhunmwuda ọnii fi ekhọe werriẹ, ọ ma ghi rri iran oya vbene ọ te wẹ rẹn gha ru.

Zẹfanaia 3:2

Ọ ma danmwehọ e Nọyaẹnmwa ra ne ọ vbe rhan obọ miẹn emwi a rẹn enegbe ne ọ ma ẹre re. Ọ ma mu ẹtin ẹnrẹn yan e Nọyaẹnmwa ra ne ọ nọ ẹre iyobọ.

Malakai 3:16

Ẹkpo nii, ọre iran ni muohan e Nọyaẹnmwa na gu egbe guan, e Nọyaẹnmwa keghi danmwehọ, ọ họn ẹmwẹ ne iran tae. A keghi sirra irẹn gbẹnnẹ ebe iran ye otọ ighe iran ni muohan e Nọyaẹnmwa, ne iran vbe ya ọghọ ne ẹẹn.

Malakai 4:6

Ọ gha dọlegbe dọlọ avbe emọ vbe erha kugbe, adeghẹ ẹire vberriọ, te I gha rre ne I do fuẹn uhunmwu ẹvbo uwa a.”

Nọmbas 2:18

“Iran ni rre ototọ asa oka ọghe Ifreim ghi ya otuotu bu agọ iran ye asefẹn orrie vbọ vbe ototọ ọkaolotu iran vbe nian. Ẹwae Olotu Inu emwa ni rrọọ Ifreim Eliasiama ne ovbi Amihud Iyisẹn isẹn yan arriaisẹn iyeva (40,500) E Manasẹ e Gamaliẹl ne ovbi e Pẹdazọ Uri vbe arriaisẹn eva yan ọgban (32,200) E Bẹnjamin Abidan ne ovbi e Gidiọn Uri eva yan arriaisẹn isẹn yan ọgban: (35,400) Ehia kegha re iyisẹn vbe arriaisẹn erẹnrẹn yan iyisẹn (108,100) Ọka ọghe Ifreim ghi gha re ukpogieha ne ọ gha si okhian.

Iyẹn ne ọ Maan Ọghe Luk 1:17

Rẹn gha ladian zẹ vbe akhasẹ Osanobua ne ọ wo vbe egbe kevbe ne ọ mwẹ ẹtin zẹ vbe Elaija ne akhasẹ. Rẹn gha dọlọ erha kevbe emọ kugbe. Iran ni ze vbe ẹkoko udu, ọ gha fi iran ekhọe werriẹ ne iran gha ro iro zẹ vbe adazẹ ọmwa. Ọ gha mu emwa Nọyaẹnmwa egbe ye otọ khẹ ọre.”

Iyẹn ne ọ Maan Ọghe Luk 15:20

Ọ keghi kpao bu erha ẹe gha khian. “Urria gbaan ọre ọ he ye vbe erha ẹe dẹghe ẹre, ekhọe nọẹn ruan, ọ na rhulẹ bu ẹre, ọ gba ẹe ginna egbe, ọ na mu ẹre unu hiẹnhien.

Iwinna 3:26

Ọnii ọ si ẹe ne Osanobua ghi na zẹ Ọguọmwadia ẹre nẹ, ọ keghi ka gie ẹe bu uwa gha dee ne ọ do fiangbe uwa vbe ekpa ne ọ gha na ya uwa hia fi iyeke gbe odẹ dan ne uwa te la khian.”

Filipai 2:13

rhunmwuda Osanobua ọre ọ winna vbe uwu uwa ne ọ miẹn ehe na guẹ gha ho, kevbe ne u sẹtin gha ru vbene ọ rre irẹn ekhọe.

Hibru 12:5

Te uwa ghi mianmian ra ighẹ ẹmwẹ igiẹdu ne Osanobua tama uwa zẹ vbe ivbi ẹre? “Ovbi mwẹ, rhie aro ye otọ vbe Nọyaẹnmwa a gha gbe uẹ hin ọkhọ rre, deghẹ ọ vbe gu ẹ gui ghẹ gie egbe wọ ruẹ.

Arhie Maan 3:19

Ọmwa ne I ho ẹmwẹ ọnrẹn ọre I gu gui, ọre I vbe gbe hin ọkhọ rre. Mu aro yọ khekherriọ, ne u fiwerriẹ hin orukhọ ruẹ rre.