Jerimaia 31:15 - Edo Bible (E Baibol Ẹdo) Version 1996

¹⁵ E Nọyaẹnmwa khare wẹẹ, “A họọn urhu okpa vbe Rama, urhu eve orriara. E Rekiẹl gha viẹ avbe ivbi ẹre i iran rrie, ọ ma ghi kue ne a bọ irẹn.

Jerimaia 31:15 ပူးပေါင်းရင်းမြစ်များ

Gẹnẹsis 35:19

Ugbẹn vbe Rekiẹl ghi wu nẹ, a keghi re ẹre ye odẹ ne a la ye Efrat (ne ọ ghi re Bẹtlẹhẹm na).

Gẹnẹsis 37:35

Ivbi ẹre nikpia kevbe nikhuo hia keghi rre do gha fu ẹre ẹko rre, sokpan ọ he ne a fu irẹn ẹko rre, ọ wẹẹ, “Te I ra khiẹ ovbi mwẹ I te ya wu.” Rhunmwuda ọnii, ọ na gha khiẹ ovbi ẹre ighẹ Josẹf.

Gẹnẹsis 42:13

Iran tama rẹn wẹẹ, “Etẹn iweva ma khin, okpia ọkpa ọ re ọ biẹlẹ ima vbe otọ Kenan. Ne ọ ghi ru ọvbokhan sẹ vbe ima hia gu erha ima vbe owa, ọtẹn mwa nọkpa wu nẹ.”

Gẹnẹsis 42:36

Erha iran keghi kha ma iran wẹẹ, “Te uwa ra ya mwẹ khian ne ẹ i ghi mwẹ emọ hiehiere. E Josẹf kpaa, Simiọn I ghi rrọọ, Bẹnjamin ọ re uwa ghi ho ne uwa vbe rhie, uhunmwu mwẹ ọre usẹ na ye!”

Gẹnẹsis 5:24

Ẹdagbọn rẹn hia ọre ọ wa ya gu Osanobua yin, ọ keghi ru gbẹnnẹ rhunmwuda Osanobua rhie ẹre kpao.

Job 7:21

Wẹ i ya orukhọ mwẹ bọ mwẹ ẹdẹ ra? Wẹ i ye abakuru mwẹ bọ mwẹ? Ẹ i ghi kpee wan, I ghi la idin mwẹ. u gha gualọ mwẹ, sokpan, mẹ kpao nẹ.”

Psalm 37:36

Sokpan, I ghi la evba gberra vbe okiekie, ẹi ghi rre evba ọvbehe I gualọ ẹe, sokpan, I ma miẹn ọẹn.

Psalm 77:2

Vbe ẹghẹ ọlọghọmwa I na erhunmwu ghe Nọyaẹnmwa, vbe asọn biiri I keghi viọ obọ mwẹ da odukhunmwu gha na erhunmwu. Sokpan, egbe ma ye rọkhọ mwẹ.

Aizaia 10:29

Iran fian uwu rra nẹ, iran ra hẹwẹ la asọn ni vbe Geba! Ohan mu emwa ni rre Rama, emwa ni rre Gibea ne ẹvbo e Sọl lẹ kua.

Aizaia 22:4

Banbanna nian, wa hẹko sẹ mwẹ rae ne I viẹ eve orriara ne avbe iran ni wulo vbe emwa mwẹ. Wa ghẹ zẹdẹ hia ne uwa fu mwẹ ẹko rre.

Jerimaia 10:20

Owa ukpọn mwa rhiae, irri ne ọ da ẹe yi giagiae. Ivbi mwa hia kpao. Emwa ne ọ ghaghi mu owa ukpọn mwa kpaegbe i ghi rrọọ, ọmwa i ghi rrọ ne ọ gha tan ukpọn onurho ẹre.”

Jerimaia 40:1

E Nebuzaradan ne arowa ivbiyokuo ghi fan mwẹ fua nẹ, vbe Rama, e Nọyaẹnmwa keghi gunmwẹ guan. Te a ya ọgiọrọ rro mwẹ mu gha rrie evba deba avbe emwa nekpa ne ivbi e Jerusalẹm kevbe Juda ne a viọ ẹre oghunmwu rrie Babilọn.

Eve Orriara 5:7

Avbe erha mwa odede ru orukhọ, sokpan iran i ghi rrọ nian, te ima ghi rri oya ye orukhọ iran.

Ezikiẹl 2:10

Obọ nii keghi rhan ebe ohian nii, I keghi miẹn wẹ te a gbẹnnẹ ọre aro kevbe iyeke — emwi ne a gbẹnnẹ yọ kegha re eve akhiẹ, ugomwẹ kevbe irriakọn.

Jọsua 18:25

Ena ke ye vbe rrọọ, Gibiọn, Rama, Biẹrot,

Giọgis 4:5

Udin ọkpa rre ẹkpo e Rama kevbe Bẹtẹl vbe ẹvbo oke Ifreim. Evba ọ re ọ gha tota yi, ivbi Izrẹl ghi vbe gha bu ẹre rrie evba ne iran do gha họn vbene ọ kha hẹ.

I Samuẹl 7:17

Iyeke onii ọ ghi vbe gha rrie Rama ne ẹvbo ẹre, ọ ghi vbe ya bu ohiẹn vba. Ọ keghi bọ aka ọkpa ne Nọyaẹnmwa vbe Rama.