Jerimaia 31:14 - Edo Bible (E Baibol Ẹdo) Version 1996

¹⁴ I gha ye evbare ne ọ ghi maa sẹẹ koko avbe ohẹn ne ẹko vuọn iran I ghi vbe gie iho avbe emwa mwẹ sẹ iran ọkẹn. Mẹ ne Nọyaẹnmwa tae nẹ.”

Jerimaia 31:14 ပူးပေါင်းရင်းမြစ်များ

II Krọnikol 6:41

Guakpao nian e Nọyaẹnmwa Osanobua, uwẹ kevbe Ẹkpẹti Ile ne ima ya rẹn ẹtin ruẹn, la uwu Ọgua Osa ne u gha rre evba ni rhinrin ẹdẹ. Fiangbe avbe ohẹn ruẹn vbe emwi ne iran ru hia, ne ọyẹnmwẹ gha sẹ emwa ruẹn hia rhunmwuda ne u na maa ne iran.

Nehimaia 10:39

Ivbi Izrẹl kevbe avbe Livai ghi viọ emwi ne emwa zẹe nii ighẹ ọka, ayọn, kevbe ofigbọn oliv gha rrie uwu aza ne a viọ avbe ọkpan ne a lo vbe Ọgua Osa yi, ehe ne iran vbe dia ighẹ avbe ohẹn ne iwinna sẹ ọre egbe vbe Ọgua Osa kevbe avbe iran ni khẹ Ọgua Osa kevbe avbe iran ni so ihuan vbe Ọgua Osa.

Psalm 107:9

Ọ sa amẹ ne iran ne ohanmwẹ amẹ gbe wọn ọ keghi ya emwi ne ọ maa vuọn iran ne ohanmwẹ gbe ẹko.

Psalm 132:16

I gha fiangbe emwi ne avbe ohẹn ni rrọ ru hia, avbe emwa rẹn ghi gha wee, iran ghi gha so ihuan oghọghọ.

Psalm 132:9

Te avbe ohẹn ruẹn ghaa ru vbene ọ ke yi vbe ẹghẹ hia, te avbe emwa ruẹn gha a wee ne oghọghọ.

Psalm 17:15

Sokpan, mẹ gha miẹn uwẹ aro, rhunmwuda, I ma ru khọ. I gha rhiọrre, ẹko mwẹ gha vuọn ne oghọghọ rhunmwuda ighe wẹ rre evba.

Psalm 36:8

Evbare ọrhẹnrhẹn ne u hẹ ma ọ re ima re; u kevbe gie ima vbe gha wọn vbe ẹzẹ iruemwiẹse ruẹ.

Psalm 63:2

Gun mwẹ bẹghe ruẹ vbe uwu owa ne ọ huanrẹn nii, gun mwẹ bẹghe vbene u mwẹ ẹtin kevbe uyi hẹ.

Psalm 63:5

Orhiọn mwẹ gha rri evbare ẹko ghi vbe vuọẹn I gha so ihuan urhomwẹ oghọghọ ghe ruẹ.

Psalm 63:6

I gha lovbiẹ vbe ukpo mwẹ, I ghi gha mu ẹmwẹ ruẹn ro vbe asọn hia.

Psalm 65:4

Afiangbe ọrọre ọghe iran ne uwẹ hannọ zẹ, ne uwẹ vbe viọ gha dee do di owa ruẹ ne ọ huanrẹn ya emwi esiesi ni rre owa ruẹ gha sẹ ima ọkẹn, afiangbe ọghe Ọgua Osa ne ọ huanrẹn ruẹn.

Psalm 85:13

Ẹmwata gha ke odaro ne Nọyaẹnmwa ọ gha ya dọlọ odẹ yi khẹ ọre.

Psalm 90:14

Ye ahoẹmwọmwa ruẹn ne ẹ i beghe vuọn ima owiẹ owiẹ, ne ima miẹn ehe na gha so ihuan, ne ọyẹnmwẹ vbe gha sẹ mwa vbe ẹdagbọn mwa hia.

Ihuan Ne Ọ Sọọ Ihuan Hia 5:1

I la uwu ogba nẹ, ikpẹ amiẹnmiẹn kevbe ọha mwẹ. I gha si avbe ọmọ erhan ni winhin kevbe oziya mwẹ koko I gha rri owọn kevbe ipapa owọn mwẹ I gha wọn ayọn kevbe ewẹn mwẹ. Wa gha re avbe enida, wa gha da rhinrin ayọn ahoẹmwọmwa ke do gha gbe uwa.

Aizaia 25:6

Vbe emwamwa, vbe Oke Zaiọn, e Nọyaẹnmwa gha kpehe evbare nọkhua ne agbọn ẹvbo otọ agbọn hia, evbare nọkhua ọghe evbare ni maa sẹẹ ehia kevbe ayọn ni maa sẹe hia.

Aizaia 61:6

A ghi gha tie uwa ohẹn ọghe Nọyaẹnmwa, eguọmwadia Osanobua mwa, wa ghi miẹn ẹfe avbe uhunmwu ẹvbo ya gha ru, wa ghi vbe gha yae hio ighẹ ọghe uwa nọ.

Jerimaia 31:25

I gha rhie ẹtin ye ne ẹtin fo iwu, kevbe iran ne ohanmwẹ wọ ẹre egbe yotọ, I gha ye evbare koko iran ne ẹko vuọn.

Jerimaia 33:9

E Jerusalẹm ghi do gha re ne ọ ya ọyẹnmwẹ sẹ mwẹ, ne ọ mwẹ uyi, kevbe ne ọ ghan, ohan gha mu avbe uhunmwu ẹvbo hia ni rre agbọn na iran ghi vbe gha guọ vbe iran a họn emwi ni maa ne I ru ne Jerusalẹm, kevbe ọmaa ne agbọn ne I viọ la ẹvbo nii.”

Jerimaia 50:19

“I gha viọ ivbi Izrẹl dọlegbe gha die otọ iran. Iran gha re vbe emwiokọ ne ọ zọ vbe Oke Kamẹl, kevbe otọe Basian, iran ghi vbe rri enọrhirhi khọn iran vbe emwiokọ ne a miẹn vbe otọe Ifreim kevbe Giliad.

Ezikiẹl 34:14

I gha gie iran gha rri irunmwu vbe ne a i na rre ẹbe vbe oke kevbe otọ ne irunmwu ye kevbe avbe irunmwu ne ọ bi nununu vbe otọe Izrẹl.

Hagai 2:19

A gha rhe miẹn wẹ, ọka kevbe avbe emwiokọ ni khọe i ghi rrọ, avbe erhan azara erhan ohọ, e pomegranẹt, kevbe oliv, ne ọ he mọ i rrọ, sokpan ke ẹghẹ na kpao te I ra gha fiangbe uwa.”

Matiu 5:6

Ọ maa ne iran ni rhiegba ye ẹmwẹ ne a ru nọ yẹ Osa, Osanobua gha gie ẹko vuọn iran fẹfẹfẹ!

Ẹfisọs 1:3

Wa gie ima rhie ekpọnmwẹ ne Osanobua kevbe Erha Nọyaẹnmwa Jesu Kristi! Rhunmwuda, rẹn fiangbe mwa nẹ vbe uwu akugbe ba Kristi vbe ekpa ne ọ na rhie ọhẹ emwi orhiọn ne ima ke ẹrinmwi gha dee.

Ẹfisọs 3:19

Ẹn, te uwa gha do rẹn aho ẹmwẹ ọmwa rẹn, a gha rhe miẹn ighẹ a i sẹtin rẹn ọnrẹn fo ne a miẹn ehe na ya uvuọnmwẹ ne ọ gbae ọghe Osanobua vuọn uwa fẹẹrẹ.

Diuteronomi 33:23

Ọ keghi kha vbe ekpa ẹwae Naftali wẹẹ: “Aro ne o maa ọghe Nọyaẹnmwa kakabọ fiangbe Naftali otọ iran wa ke odighi e Galili ya sẹ odẹ ekẹn.”

I Pita 2:9

Sokpan, wa ọrọre emwa ne a hannọ zẹ, avbe ohẹn Osanobua, agbọn ẹvbo ne ọ huanrẹn, emwa Osanobua tobọ ẹre, emwa ne a hannọ zẹ, ne iran mu iwinna ọyunnuan Osanobua go, ọmwa ne ọ tie uwa ke uwu ebiebi ladian gha rrie uwu uwanmwẹ ọyunnuan.

Arhie Maan 5:10

U ya uniẹn hia, ẹvbo ne a zẹ, emwa kevbe agbọn ẹvbo, ru arriọba avbe ohẹn, ne iran gha ga Osanobua mwa. Iran gha vbe khaemwisẹ vbe agbọn.”