Jerimaia 31:13 - Edo Bible (E Baibol Ẹdo) Version 1996

¹³ Avbe ibiẹka ikhuo ni rrọ gha ku iran ghi vbe gha ghọghọ avbe ikpia, igbama kevbe avbe ọmaẹn gha ghọghọ. I gha fu iran ẹko rre, I ghi ye akhiẹ iran khian oghọghọ.

Jerimaia 31:13 ပူးပေါင်းရင်းမြစ်များ

Ẹzra 6:22

Iran keghi ya ikpẹdẹ ihinrọn ghọghọ oghọghọ nọkhua ru Emwiukpo Ebrẹd Ne ọ ma hue. iran kakabọ ghọghọ rhunmwuda, e Nọyaẹnmwa keghi ru ẹe ne Ọgbaisi Asiria gha ru iran ẹse, sẹrriọ wẹ ọ na kakabọ ye iran obọ vbe iran bọ Ọgua Osa ọghe Osanobua Izrẹl.

Nehimaia 12:27

Ẹghẹ ne a na ye ekẹn ne a gbe lẹga Jerusalẹm fi ohan, a keghi ya viọ avbe Livai ke ehe ne iran a rhirhi a gha ye rre ne iran deba emwiukpo a ya fi ohan ni vbene iran gha na so ihuan ekpọnmwẹ deba isẹ kevbe akpata ne a kpee.

Nehimaia 12:43

Emwi ni bun ọre a ya zẹ ese ẹdẹ ne ẹdẹrriọ, ẹko kegha sẹ emwa hia ọyẹnmwẹ, rhunmwuda, Osanobua ọ re ọ rhie ọyẹnmwẹ ne iran. Avbe ikhuo kevbe ibiẹka keghi vbe deba emwiukpo na, a keghi gha họn urhu uwemwẹ iran ya sẹ arria ọvbehe.

Ẹsta 9:22

Ọna kegha re ẹdẹ ne avbe Ju fuẹn avbe eghian iran vbene iran na rhie iran obọ hin ẹkun rre, ọna kegha re uki ne a fiwerriẹ ke vbe ọghe akhiẹ kevbe iro han ọmwa rre khian ọghe oghọghọ kevbe ọyẹnmwẹ. A keghi tama iran wẹ ne iran gha ya evbare ne a re ya ghọ egbe ye ẹdẹ ne ẹdẹrriọ rre, deba evbare ne a le fian gie egbe kevbe ne a tie emwa ọvbehe sẹ owa yi, a ghi vbe gha rhie ne avbe ivbiogue.

Psalm 126:5

Gie iran ni gha viẹ vbe ẹghẹ ne iran na gha kọ emwiokọ, ya oghọghọ rhọ emwiorhọ iran!

Psalm 148:12

Evbokhunvbi kevbe avbe adesusu, avbe ọmaẹn kevbe ibiẹka.

Psalm 149:3

Wa ya iku rho eni ẹnrẹn, wa kpe ema kevbe akpata ya gha rho ẹre.

Psalm 30:11

U ya eve mwẹ khian iku ọyẹnmwẹ nẹ. U mu akhiẹ hin mwẹ egbe rre u kevbe viọ oghọghọ lẹga mwẹ.

Aizaia 12:1

Ẹdẹ dee ne emwa gha so ihuan vbenian, “I gha rho ruẹ Nọyaẹnmwa! U te ka mu ohu mwẹ sokpan banbanna nian, u fu mwẹ ẹko rre. Ohu i ghi mu ẹẹn ọvbehe.

Aizaia 35:10

Iran gha ya oghọghọ sẹ Jerusalẹm iran ghi gha so ihuan iran ghi gha wee ne oghọghọ iran ghi gha rre uwu ọyẹnmwẹ ẹdẹdẹmwẹdẹ iran fe vbe obọ irhiaẹko kevbe akhiẹ ẹdẹdẹmwẹdẹ.

Aizaia 51:11

Iran ne uwẹ miẹnfan nẹ, gha ya oghọghọ sẹ Jerusalẹm, iran ghigha so ihuan, iran ghi gha wee ne oghọghọ. Iran gha ghọghọ ẹdẹdẹmwẹdẹ iran fe vbe obọ akhiẹ kevbe orriara ẹdẹdẹmwẹdẹ.

Aizaia 51:3

“I gha tohan e Jerusalẹm kevbe avbe iran hia ni ghi rre itowa ẹre. Ogha khọnrẹn ne otọ ẹre gha re ato I gha ya ẹe khian ugbo ebe uwọnmwẹ zẹ vbe ugbo emwiokọ ne I mu ye Idẹni. Ọyẹnmwẹ kevbe oghọghọ gha rre evba deba ihuan urhomwẹ kevbe ekpọnmwẹ ghe mwẹ.

Aizaia 60:20

Ẹghẹ akhiẹ ruẹ gha sẹ ufomwẹ. Mẹ ne Nọyaẹnmwa, ọ re ọ ra gha re uwanmwẹ etẹbitẹ ruẹ ne ọ gha tọ sẹ owẹn kevbe uki.

Aizaia 61:2

Ọ gie mwẹ ne I ya kha, wẹ ẹghẹ sẹ nẹ, ne Nọyaẹnmwa gha ya miẹn emwa rẹn fan. Ọ ghi vbe khọn eghian iran muotọ. Ọ giee mwẹ nẹ I ya fu iran ni khiẹ ẹko rre,

Aizaia 61:3

ne I ya rhie ne iran ni khiẹ vbe Zaiọn oghọghọ kevbe ọyẹnmwẹ ye ihe akhiẹ. Ihuan urhomwẹ ye ihe akhiẹ. Iran gha yevbe avbe erhan, ne Nọyaẹnmwa tobọ ẹre kọ. Iran gha ru emwi ne ọ kere a gha vbe rho Osanobua ye iwinna ne ọ winna ẹn.

Jerimaia 31:4

I gha ye dọlegbe mu uwa agbọn mudia uhukpa, wa gha ye viọ emwi iku uwa uhukpa, wa ghi vbe gha ku vbe oghọghọ.

Jerimaia 33:11

Urhu ne ọ la ọghe oghọghọ kevbe ọyẹnmwẹ, kevbe uwemwẹ ẹko rhiẹhrhiẹn mwẹ ọghe evbare irhiọha. Wa gha họn vbe emwa na a gha sihuan viọ imuohan ekpọnmwẹ die Ọgua Osa mwẹ, iran ghi kha wẹẹ, “ ‘Wa rhie ekpọnmwẹ ne Nọyaẹnmwa ne Oghodua, rhunmwuda, rẹn maa, itẹbitẹ ọ re ahoẹmwọmwa rẹn khin.’ I gha ya otọ nii khian ne agbọn maa rẹn zẹ vbe ne ọ ka ye dee ẹdẹ. Mẹ ne Nọyaẹnmwa ọ re ọ taa ẹe.”

Zẹkaraia 8:19

“Aguẹ ne a yo vbe uki ne ogienẹ, ogisẹn ne ogihinrọn kevbe ne ogigbe, emwiukpo ọyẹnmwẹ kevbe oghogho ọ re ọ khian gha khin ne ivbi e Juda. Wa gha ho ẹmwẹ ẹmwata kevbe ọfumwegbe.”

Iyẹn ne ọ Maan Ọghe Jọn 16:22

Egbe ọre ọghe uwa khin, wanwan na, wa he khiẹ nian, sokpan, I gha vbe dọlegbe miẹn uwa, ekhọe uwa ghi vuọn ne ọyẹnmwẹ, egbe ọyẹnmwẹ ne ọmwa rhọkpa i ra sẹtin gbe ye uwa egbe.

Giọgis 21:21

Ibiẹka ikhuo ni rre Siailo gha ghi ladian do ku vbe ẹghẹ emwiukpo nii, wa ghi ke uwu ogba azara ladian. Dọmwadẹ ọghọe vbe uwu uwa ghi ye ẹtin rhie okhuo vbe uwu avbe ibiẹka ikhuo nii, ne uwa viọ iran gha rrie otọe e Bẹnjamin.