Jerimaia 31:12 - Edo Bible (E Baibol Ẹdo) Version 1996

¹² Iran gha rre do so ihuan oghọghọ vbe uhunmwu Oke Zaiọn emwi ne I ya ne iran gha yẹ iran vbe ihaoko ọka, ayọn kevbe ofigbọn oliv, ihaoko ọghe ohuan kevbe ẹmila. Iran gha yevbe ogba ne a gbe amẹ khakha ẹsẹse emwi ne iran a rhirhi gha ho hia gha sẹ iran obọ.

Jerimaia 31:12 ပူးပေါင်းရင်းမြစ်များ

Psalm 130:4

Sokpan, te uwẹ ya bọ mwa, ne ima gha ya imuegberriotọ họn ẹmwẹ ne uẹn.

Aizaia 1:30

U gha kharha ebe kua zẹvbe okan ne ọ ra wu, zẹ vbe ogba emwiokọ ne ọmwa rhọkpa ma gbe amẹ khakha.

Aizaia 35:10

Iran gha ya oghọghọ sẹ Jerusalẹm iran ghi gha so ihuan iran ghi gha wee ne oghọghọ iran ghi gha rre uwu ọyẹnmwẹ ẹdẹdẹmwẹdẹ iran fe vbe obọ irhiaẹko kevbe akhiẹ ẹdẹdẹmwẹdẹ.

Aizaia 51:11

Iran ne uwẹ miẹnfan nẹ, gha ya oghọghọ sẹ Jerusalẹm, iran ghigha so ihuan, iran ghi gha wee ne oghọghọ. Iran gha ghọghọ ẹdẹdẹmwẹdẹ iran fe vbe obọ akhiẹ kevbe orriara ẹdẹdẹmwẹdẹ.

Aizaia 52:8

Iran ni khẹ onurho ẹvbo nii gha wee iran gha koko wee ne oghọghọ. Iran gha tobọ iran ye aro iran bẹghe ẹre vbe Nọyaẹnmwa dọlegbe gha die Zaiọn.

Aizaia 58:11

Ẹghẹ hia mẹ gha ya gha su uwa, I ghi ya emwi ni maa sẹ uwa ọkẹn I gha gie uwa wegbe, egbe ghi vbe rran uwa. Wa gha yevbe ogba ebuwọnmwẹ ne amẹ mobọ ye, zẹvbe ovbi ẹzẹ ne amẹ i na ka ẹdẹ.

Aizaia 60:20

Ẹghẹ akhiẹ ruẹ gha sẹ ufomwẹ. Mẹ ne Nọyaẹnmwa, ọ re ọ ra gha re uwanmwẹ etẹbitẹ ruẹ ne ọ gha tọ sẹ owẹn kevbe uki.

Aizaia 65:19

Oghọghọ gha vuọn imẹ tobọmwẹ ẹko rhunmwuda e Jerusalẹm kevbe avbe emwa ni rrọọ. Eve i ra gha rre evba, bu mwẹ rre, bu mwẹ rre i ra vbe gha rrọọ.

Jerimaia 3:14

“Wa ne emwa ne ai gha ekhọe ẹre, wa werriegbe rre, ọghomwẹ ọ re uwa khin, I gha rhie ọkpọkpa vbe uwu uwa ke dọmwadẹ okpẹvbo ladian, kevbe eveva ke dọmwadẹ ẹwae rre, I ghi viọ uwa werriegbe gha die Oke Zaiọn.

Jerimaia 31:24

Emwa gha rre Juda kevbe avbe okpẹvbo ni rrọọ hia, avbe ọwẹe, ọsuohuan kevbe avbe ohuan iran.

Jerimaia 31:25

I gha rhie ẹtin ye ne ẹtin fo iwu, kevbe iran ne ohanmwẹ wọ ẹre egbe yotọ, I gha ye evbare koko iran ne ẹko vuọn.

Jerimaia 31:4

I gha ye dọlegbe mu uwa agbọn mudia uhukpa, wa gha ye viọ emwi iku uwa uhukpa, wa ghi vbe gha ku vbe oghọghọ.

Jerimaia 31:6

Ẹn, ẹghẹ dee, ne iran ni hodẹ gha na go ke uhunmwu oke Ifreim rre wẹẹ, ‘Wa gie ima bu e Nọyaẹnmwa ne Osanobua mwa gha rrie Zaiọn.’ ”

Jerimaia 31:7

E Nọyaẹnmwa khare wẹẹ, “Wa ya oghọghọ so ihuan ne Izrẹl ne ọ kpọlọ sẹẹ vbe uwu avbe ẹvbo hia, wa so ihuan Urhomwẹ ọwua, ‘E Nọyaẹnmwa miẹn emwa rẹn fan nẹ, ọ fannọ iran ni ghi dekẹe werriegbe.’

Jerimaia 32:15

E Nọyaẹnmwa ne Oghodua, ne Osanobua Izrẹl tae ighe a gha bọlọ owa, a gha dọlegbe mu ugbo kevbe ogba azara vbe otọe na.”

Jerimaia 33:12

E Nọyaẹnmwa ne Oghodua khare wẹẹ, “Vbe otọe na ne ọ yevbe ato, ehe ne emwa nagbọn ra aranmwẹ i ye na, a gha dọlegbe miẹn ehe ne avbe aranmwẹ na rria vbọ, ehe ne avbe ọsuohuan gha sẹtin viọ ohuan iran gha yo.

Jerimaia 33:13

Vbe adesẹ ore ẹvbo avbe uhunmwu oke, kevbe avbe ototọ oke, kevbe ahọ ọghe Juda, vbe agbọn ẹvbo e Bẹnjamin, igue hia ni lẹga Jerusalẹm, kevbe avbe okpẹvbo ni rre e Juda, ẹre avbe ọsuohuan gha na vbe dọlegbe gha ka ohuan iran, mẹ ne Nọyaẹnmwa, taa ẹe nẹ.”

Ezikiẹl 17:23

ye oke ne ọ yo sẹẹ vbe Izrẹl. Ọ gha zẹlẹ abọ, ọ ghi vbe mọ, ọ ghi do khian isida ne mose mose. Ahianmwẹ ughughan gha di evba ya, iran ghi miẹn ehe dia vbe irhu ẹre.

Ezikiẹl 20:40

Wa ne ivbi Izrẹl hia gha ya ga mwẹ vbe evba, vbe otọe nii, vbe uhunmwu oke mwẹ nọhuanrẹn, oke nọhuanrẹn ọghe Izrẹl. Ẹko mwẹ gha rhiẹnrhiẹn ghe uwa, I gha vbe rhie aro yọ wẹ wa gha viọ emwi izọese uwa gunmwẹ, emwi izọhẹ uwa ni maa sẹẹ, kevbe emwi imuohan uwa nihuanrẹn.

Ezikiẹl 34:14

I gha gie iran gha rri irunmwu vbe ne a i na rre ẹbe vbe oke kevbe otọ ne irunmwu ye kevbe avbe irunmwu ne ọ bi nununu vbe otọe Izrẹl.

Ezikiẹl 36:30

I gha gie avbe erhan uwa mọ ọmọ nibun sayọ kevbe ugbo uwa, ne a ghẹ ghi miẹn ukhunmwu ne ọ gha fa uwa a vbe odaro avbe uhunmwu ẹvbo.

Hozia 3:5

Sokpan, ẹghẹ dee ne ivbi Izrẹl gha na dọlegbe bu e Nọyaẹnmwa ne Osanobua iran gha dee, iran gha vbe bu ovbi uniẹn e Devid rre zẹvbe ọba iran. Ẹghẹ nii, iran gha mu ohan e Nọyaẹnmwa, iran ghi vbe miẹn emwi ọhẹ vbe obọ ẹre.

Joẹl 3:18

Vbe ẹghẹ ne a kha na a gha kọ erhan azara gba oke nii hia, emwa ghi vbe gha rre uhunmwu oke hia amẹ gha wa gha rrọọ ẹsẹse ne otọe Juda hia. ovbi ẹzẹ gha lẹ ke Ọgua Osa ladian, ọ ghi gbe amẹ khakha Iya Akesia.

Hagai 2:19

A gha rhe miẹn wẹ, ọka kevbe avbe emwiokọ ni khọe i ghi rrọ, avbe erhan azara erhan ohọ, e pomegranẹt, kevbe oliv, ne ọ he mọ i rrọ, sokpan ke ẹghẹ na kpao te I ra gha fiangbe uwa.”

Zẹkaraia 8:12

Iran gha kọ emwiokọ iran vbe ọfumwegbe. Azara iran gha mọ alimo ayọn, otọe gha ma emwiokọ, amẹ gha vbe rhọ ẹsẹse. I gha rhie afiangbe na hia ne emwa ẹvbo mwẹ ni miẹn uhunmwu vbọ.

Iyẹn ne ọ Maan Ọghe Jọn 16:22

Egbe ọre ọghe uwa khin, wanwan na, wa he khiẹ nian, sokpan, I gha vbe dọlegbe miẹn uwa, ekhọe uwa ghi vuọn ne ọyẹnmwẹ, egbe ọyẹnmwẹ ne ọmwa rhọkpa i ra sẹtin gbe ye uwa egbe.

Ebe ne Pọl gbẹẹn gie emwa Rom 2:4

Ra te uwẹ miẹn ọẹn fo ighẹ itohan rẹn nọkhua kevbe ifuẹko kevbe i ziengbe ẹre? Wẹ ma rẹn ighẹ te Osanobua ziengbe ne ọ rhie ẹghẹ nuẹn ne u ya fiwerriẹ?

Arhie Maan 21:4

Ọ gha khiẹn ameve hia hin aro iran rre. Uwu i ghi ra gha rrọọ ọvbehe, ra akhiẹ ra obalọ. A ho emwi nẹdẹ hia bẹkun nẹ.”

Arhie Maan 7:17

Rhunmwuda, Oteghe Ohuan ne ọ rre adesẹ ẹkete ọre ọ khian gha re Ọsuohuan iran, ọ ghi vbe gha su iran ye uhunmwu ẹzẹ ehe ne amẹ ẹfe ye, Osanobua gha khiẹn ameve hia hin iran aro rre.”