Jerimaia 31:11 - Edo Bible (E Baibol Ẹdo) Version 1996

¹¹ I fannọ emwa Izrẹl kua nẹ I keghi vbe miẹn iran fan vbe obọ uhunmwu ẹvbo ne ọ wa mwẹ ẹtin.

Jerimaia 31:11 ပူးပေါင်းရင်းမြစ်များ

Psalm 142:6

Rhie ehọ ye eve ne I viẹ ya nọ iyobọ, isonrhiọn i ghi rrọ mwẹ re hiehiere. Miẹn mwẹ fan hin obọ avbe eghian mwẹ rre, iran wegbe sẹ mwẹ gbe.

Ẹksọdọs 15:16

Ohan kevbe orrirri hẹ rhu iran. Iran gualọ ẹtin ruẹn, izegbe zẹ iran zẹ vbe okuta, avbe emwa ruẹn te do gberra, avbe emwa ruẹn ne u dẹe ke ọviẹn ladian.

Aizaia 44:23

Wa we uwemwẹ oghọghọ, wa ne ẹrinmwi wa gha wee, wa ne ehe ne ọ dinmwi vbe otọ agbọn. Wa gha we uwemwẹ oghọghọ wa ne avbe oke nekhua kevbe avbe erhan ni rre ẹgbo hia! E Nọyaẹnmwa rhie ukpọlọmwẹ ọnrẹn maa nẹ vbekpa ne ọ na miẹn Izrẹl ne emwa rẹn fan.

Aizaia 48:20

Wa ladian vbe Babilọn, wa gha khian vbe abọ kẹkan wa ya oghọghọ ya nene iyẹn go wa gie emwa họn ẹẹn vbe ehe hia: “E Nọyaẹnmwa miẹn Izrẹl ne ọguọmwadia ẹre fan!”

Aizaia 49:24

Wẹ gha sẹtin miẹn ovbiyokuo emwi ne ọ fu viọ ra? Wẹ gha sẹtin fannọ avbe oleghan ọmwọkhọ kua?

Aizaia 49:25

E Nọyaẹnmwa keghi wanniẹn wẹẹ, “Emwi ne ọ ra sunu zẹẹ ọ re ọnii khin. A gha viọ avbe oleghan avbe ivbiyokuo kpao a gha vbe gbe ọmwa ọkhọ miẹn ẹre emwi ne ọ fu viọ I gha gu ọmwa ne ọ a rhirhi guẹ gbinna gbinna, I gha miẹn avbe ivbuẹ fan.

Aizaia 51:11

Iran ne uwẹ miẹnfan nẹ, gha ya oghọghọ sẹ Jerusalẹm, iran ghigha so ihuan, iran ghi gha wee ne oghọghọ. Iran gha ghọghọ ẹdẹdẹmwẹdẹ iran fe vbe obọ akhiẹ kevbe orriara ẹdẹdẹmwẹdẹ.

Jerimaia 15:21

I gha miẹn ruẹn fan vbe obọ ẹtin emwa dan kevbe emwa ọkhọ. Mẹ ne Nọyaẹnmwa ta ẹe nẹ.”

Jerimaia 50:33

E Nọyaẹnmwa ne Oghodua khare wẹẹ, “A wọ ivbi Izrẹl kevbe Juda uhunmwu. Iran ni munọ iran oghunmwu gha baba iran, iran i ra gie iran kpao gha rrie.

Jerimaia 50:34

Sokpan, ọmwa ne ọ wegbe ọ re ọmwa ne ọ ra miẹn iran fan khin, e Nọyaẹnmwa ne Oghodua, ọ re a tie ẹre. Rẹn ọ re ọ ra tobọ ẹre mu ẹzọ iran gui, ọ ghi rhie ọfumwegbe ye otọ agbọn, sokpan, orueghe ghi gha re ọghe ivbi e Babilọn.”

Eve Orriara 3:58

“E Nọyaẹnmwa, wẹ gbe bu mwẹ rre u keghi do miẹn mwẹ fan.

Hozia 13:14

Mẹ i ra miẹn emwa na fan hin ẹvbo emwa ni wulo nẹ rre, ra ne I wọlọ iran ke urodẹ uwu ladian! Wa viọ egboghogbogho uwa rre, uwu, wa viọ ọfuan uwa rre, ẹvbo emwa ni wulo nẹ. I i ghi tohan emwa na ọvbehe.

Zẹkaraia 9:16

Ọ gha sẹ ẹdẹrriọ, e Nọyaẹnmwa gha miẹn emwa rẹn fan. Zẹ vbene ọsuohuan sinmwi oghẹn ohuan rẹn ladian hin ihe ẹbe rre.

Matiu 12:29

“Ọmwa ne ọ gha sẹtin gbe urho la owa ọmwẹtin ya viọ ẹre emwi, ẹ i rrọọ vbe ẹ i rre te ọ ka mu ọmwẹtin ni gba nẹ, ọ te ya viọ ẹre emwi.

Matiu 20:28

Zẹẹ vbe ne Ovbi Ọmwa ye, ọ ma rre ne a do gha ga ẹe, sokpan ne irẹn do ga emwa kevbe ne ọ ya orhiọn rẹn dẹ emwa ni bun werriegbe.”

Matiu 22:29

Jesu keghi tama iran wẹẹ, “Wa wa bae ku rhunmwuda ighe wa ma rẹn otọe Ebe nii, ra ẹtin Osanobua.

Taitọs 2:14

Rẹn keghi rhie egbe ẹre ne ima, khian emwa ne ẹ i mwẹ iruẹn, ne ọ re ọghe irẹn ọkpa, kevbe ne ho ne iran gha ru emwi esi.