Jerimaia 30:7 - Edo Bible (E Baibol Ẹdo) Version 1996

⁷ Ẹdẹ ohan wa dee; a i miẹn ẹdẹ ne a ya gie ẹre, ẹghẹ akhiẹ nọ ne emwa mwẹ, sokpan iran gha miẹn uhunmwu vbọ.”

Jerimaia 30:7 ပူးပေါင်းရင်းမြစ်များ

Gẹnẹsis 32:7

Ohan keghi mu e Jekọb ẹsẹse, iro na han rẹn. Ọ keghi wa emwa ni guẹe, ohuan, kevbe ẹwe kevbe ekẹtẹkẹtẹ ye ihe eva.

Psalm 25:22

Osanobua, miẹn ivbi Izrẹl fan, vbe uwu ọlọghọmwa iran hia.

Psalm 34:19

Ọlọghọmwa nibun, ọ re ọmwata miẹn, sokpan, e Nọyaẹnmwa ghi miẹn rẹn fan vbe uwu ehia fẹẹrẹ.

Aizaia 20:6

Ọ gha sẹ ẹghẹ nii, iran ni yin lele eghute ọghe Filistia gha kha wẹẹ, ‘Wa ghe emwi ne ọ sunu vbe egbe emwa ne ima rhie aro yi ighẹ ọ gha miẹn ima fan vbe obọ ọba Asiria, vbe ima ra ya miẹn uhunmwu hẹẹ?’ ”

Jerimaia 14:8

Wẹ ọrọre idaehọ okpa kẹkan ne Izrẹl mwẹ wẹ okpa kẹkan ọ re ọ miẹn ima fan vbe obọ ọfuan. Vbọzẹ ne u na ye vbe ọrriọvbe vbe otọe mwa? Zẹ vbe ọmwa ne ọ rre okhian, ne ọ gbe asọn okpa kẹkan?

Jerimaia 2:27

Erriọ ọ re a ra ya oya ne uwa ni kha wẹ erhan ọrọre erha uwa, okuta ọrọre iye uwa. Erriọ ọre ọna ra sunu rhunmwuda, wa fi iyeke gbe mwẹ vbe ọ te kei ne uwa bu mwẹ gha dee. Sokpan, wa gha rre uwu ibaro, wa ghi wẹ ne I do miẹn uwa fan.

Jerimaia 2:28

“Avbe ẹbọ ne uwa mu gbọ ne egbe uwa ghi vbo yi? Wa gha rre uwu ibaro, wa we ne iran do miẹn uwa fan adeghẹ iran gha sẹtin. E Juda, vbene avbe okpẹvbo uwa bun sẹ, erriọ ọ re avbe ẹbọ uwa vbe sẹ.

Jerimaia 30:10

“Wa ghẹ gie ohan mu uwa, wa ne emwa mwẹ wa ne ivbi Izrẹl, wa ghẹ fian afianma I gha dẹ uwa werriegbe ke odẹ ne ọ rrei ni rre, ke otọ ne uwa na re oghunmwu rre wa gha rri owa, wa ghi gha rre ọfumwegbe ẹkun gha sẹ uwa otọ, ọmwa rhọkpa ne ọ gha runran uwa i rrọọ.

Eve Orriara 1:12

Ọ datu ma avbe emwa ni gberra khian wẹẹ, “Wa ghe mwẹ o, wa ni gberra khin a ma he miẹn ọmwa ne ọ miẹn egbe obalọ vbe ọghomwẹ na ẹdẹ. Obalọ ne Nọyaẹnmwa hihiẹẹ yan mwẹ vbe ohu mu ẹẹn.

Eve Orriara 2:13

Eu, e Jerusalẹm, ẹvbo ne a ho ẹmwẹ ọnrẹn, e Jerusalẹm, vbe i a ghi ra miẹn ta? Vbe i a ra ya fu ruẹ ẹko rre hẹ? A ma miẹn ọmwa ne ọ he rri egbe oya ne uwẹ re na ẹdẹ. Ọkhọ ne ọ rruan ruẹn yevbe okun ne ẹ i mwẹ okhiẹ, idaehọ ighi zẹdẹ rrọ hiehiere.

Eve Orriara 4:6

A rri avbe emwa mwẹ oya, ne ọ gberra ọghe ivbi e Sọdom, emwa ne Osanobua rrua gbotọ vbe udomwurri.

Daniẹl 12:1

Odibosa ne ọ yọ ukpọn eto ovbiohuẹ nii keghi kha wẹẹ, “Ọ ghẹ ghi sẹ ẹghẹ nii, e Maikẹl ne ọka odibosa ne ọ gbearoghe avbe emwa ruẹn gha yegbe ladian, ẹghẹ orueghe ghi rre, egbe ne ọ he khọrhiọn sẹẹ, ke ne a ya bu agbọn tua agbọn. Ọ gha sẹ ẹghẹ nii, avbe ivbi ẹvbo ruẹ ne a gbẹnnẹ eni ẹnrẹn ye ebe Osanobua, a gha miẹn iran fan.

Daniẹl 9:12

U ru avbe emwi ne u khare ighe u gha ru ima kevbe iran ni mwẹ asẹ vbe uhunmwu ima re. U rrii e Jerusalẹm oya ne obọ da ẹe sẹe vbene u he ru ẹvbo ọvbehe ne ọ rhirhi a gha khin vbe otọ agbọn re.

Hozia 1:11

A gha ku ivbi Izrẹl kevbe ivbi e Juda kugbe ne iran gha re ọkpa. Iran ghi koko tobọ iran zẹ olotu ọkpa. Iran ghi dọlegbe gha bun yọ, agbọn ghi maa iran vbe otọe iran. Ẹn, ẹdẹ nọkhua ọre ẹdẹ, Jizrẹl ra gha khin.

Joẹl 1:15

Ẹdẹ e Nọyaẹnmwa bu otọe nẹ ẹdẹ ne Oghodua, gha na gie ọfuan rre. Wẹ miẹn ohan ne ọ gha rre ẹdẹ ne ẹdẹrriọ!

Joẹl 1:2

Wa danmwehọ, wa ne eniwanrẹn emwa hia ni rre Juda, wa gbe ehọ ke otọ. Emwi vbenian he ka sunu ẹdẹ ra vbe ẹghẹ uwa ra ẹghẹ avbe erha uwa?

Joẹl 2:11

E Nọyaẹnmwa ghi davan gie ivbiyokuo ẹre uhunmwu, otu iyokuo ni ru vbene ọ khare, wa bun ẹsẹse, iran vbe wegbe. U miẹn vbe ẹdẹ e Nọyaẹnmwa mu ohan hẹ. De ọmwa ne ọ gha miẹn uhunmwu vbọ?

Joẹl 2:31

Owẹn gha so ebiebi uki ghi do gha baa vbe esagiẹn ọ te sẹ ẹdẹ ne ẹdẹ nọkhua, ẹdẹ ugborrirri, ọghe Nọyaẹnmwa nii, gha ya egbe ladian.

Maika 4:9

Vbọzẹ ne u na go gboo vberriọ yi? Vbọzẹ ne u na rri oya zẹ vbe okhuo ne emwi ubiẹmwẹ ru? Rhunmwuda ighe wa i mwẹ ọba nọ ra, kevbe wẹ avbe iran ni gu uwa zẹ iro vbe wulo?

Habakọk 3:16

I họn emwi na hia I kegha guọ, aranmwẹ mwẹ kegha guọ ne ohan. I zegbe zẹ mwẹ ye otọ owẹ mwẹ kegha mian gbẹghẹgbẹghẹ. I gha hẹko ziengbe khẹ ẹghẹ ne Ọ dee, ne Osanobua gha na rri iran oya ighe iran ni gunmwa gbinna.

Zẹkaraia 14:7

Amawẹ amẹ ne ọ rhọ vbe evbu, ra ebiebi ke ebiebi, uwanmwẹ ẹdẹ ghi gha rrọ uhin vbe a rhe gha rre asọn. E Nọyaẹnmwa ọkpa ọ re ọ rẹn ẹghẹ ne emwi na hia gha ya sunu.

Malakai 4:1

E Nọyaẹnmwa ne Oghodua khare wẹẹ, “Ẹdẹ dee ne emwa ni tọn egbe mu kevbe avbe emwa dan gha giuan zẹ vbe ebe ne ọ kakae. Vbe ẹdẹ ne ẹdẹrriọ, iran gha giẹn uan, ẹ i vbe kẹe vbọ. Sokpan, zẹ vbe ọghe uwa ni họn ẹmwẹ mwẹ na, ẹtin imiẹnfan mwẹ gha hin yan uwa zẹ vbe owẹn, ọ ghi vbe rhie egbe rranmwẹ rre zẹ vbe asan ovẹn.

Iyẹn ne ọ Maan Ọghe Mak 13:19

Rhunmwuda ọlọghọmwa ọghe ẹdẹ ne ẹdọ keghi re egbe ne a ma he miẹn ke ne a bu agbọn tu agbọn gha dee do sẹ ẹdẹ ne ẹrẹna. A i ra vbe dọlegbe miẹn egbọre.

Iwinna 2:20

Owẹn gha so ebiebi, uki ghi gha baa vbe esagiẹn, vbe Ẹdẹ uyi nọkhua ọghe Nọyaẹnmwa te do rre.

Ebe ne Pọl gbẹẹn gie emwa Rom 11:26

Erriọ ọre a ra ya miẹn emwa Izrẹl fan. Zẹ vbene ebe khare: “Ọmiọnmwafan gha ke Zaiọn rre, ọ ghi rhie ekhọe dan hin uniẹn Jekọb rre.

Arhie Maan 6:17

Rhunmwuda ẹdẹ izohu iran nọkhua gbe nẹ, de ọmwa ne ọ gha sẹtin khẹ iran vbe igbinna?”