Jerimaia 30:5 - Edo Bible (E Baibol Ẹdo) Version 1996

⁵ “I họn utumwẹ afianma, utumwẹ ohan ne ẹ i vbe re ọghe ọfumwegbe.

Jerimaia 30:5 ပူးပေါင်းရင်းမြစ်များ

Aizaia 5:30

Ọ gha sẹ ẹdẹ nẹdẹrriọ, iran gha da van yan Izrẹl zẹ vbe uvanmwẹ okun. Wa ghe ọna ighe ẹvbo! Ebiebi kevbe akhiẹ. Ebiebi gbe uwanmwẹ ne ọ rrọọ re.

Aizaia 59:11

Ma runraẹn, ma keghi gha khiẹ. Ma rhie aro ye odẹ wẹ ne Osanobua do miẹn ima fan vbe obọ azẹ ọmwakpokpo, kevbe aru ọmwa khọ, sokpan, emwi rhọkpa ma sunu.

Jerimaia 12:12

Emwa wa fian uhunmwu oke ato ni rra do fu emwi hẹ, I gie okuo ne ọ ya fuẹn otọe nii hia a, ọmwa ne ọ ra gha rre ọfumwegbe i rrọ.

Jerimaia 25:36

wa gha khiẹkhẹ egbe, wa gha go vbe uwu akhiẹ, rhunmwuda, e Nọyaẹnmwa dunmwu ẹvbo uwa a vbe ohu ẹre, ọ kevbe ya ẹvbo uwa ne rọkhọọ khian itowa.

Jerimaia 30:4

E Nọyaẹnmwa keghi tama ivbi, Izrẹl kevbe Juda wẹẹ:

Jerimaia 46:5

“Sokpan, de emwi ne I ghi bẹghe?” erriọ Nọyaẹnmwa nọrẹn. “Ehia ye ohan lẹ werriegbe. Iran khulo iran, avbe ivbiyokuo iran zẹ ulẹ ua udu iran kpan fi ẹko, iran keghi lẹ vbene okhian sẹtin kẹ iran sẹ, iran ma vbe gbe aro ghe iyeke.

Jerimaia 6:22

E Nọyaẹnmwa khare wẹẹ, “Emwa ke ẹvbo ne ọ rre odẹ okuọ dee, uhunmwu ẹvbo nọkhua okpa ne ọ mwẹ ẹtin gha mu egbe okuo.

Jerimaia 6:26

E Nọyaẹnmwa khama emwa rẹn wẹẹ, “Wa viọ ukpọn akhiẹ ye egbe ne uwa gha wunnu vbe uwu emuẹn, wa ye ameve ne ọ rriara khiẹ zẹ vbe ne ọmwa gha khiẹ ukpọmọkpa, rhunmwuda emwa ne ọ ra do fuẹn uwa a gha dekun uwa vbe amaro amakọ.

Jerimaia 8:16

Avbe eghian ima sẹẹ ore Dan nẹ, ma họn vbe ẹsin iran hiọnrọn. Ẹvbo ni hia ọ re ọ mu rueghe vbe ẹsin iran a tu. Eghian ima rre nẹ, ne iran do rhia otọ ima kevbe emwi ni rrọọ hia a, ore ẹvbo mwa kevbe emwa ni rrọọ.”

Jerimaia 8:19

Wa danmwehọ! I họẹn vbe emwa mwẹ wa go vbe otọe na hia. I họn vbe emwa mwẹ wa go ladian wẹẹ, “E Nọyaẹnmwa i ghi rre Zaiọn ra? Ọba e Zaiọn I ghi rre evba ra?” E Nọyaẹnmwa ne ọba keghi wanniẹn wẹẹ, “Vbọzẹ ne uwa na ye ohu mu mwẹ rhunmwuda ẹbọ uwa ne uwa ga? Kevbe ne uwa na ya uhunmwu rhanmwẹ otọ ne ẹbọ ẹrrẹe ne ẹ i mwẹ esa.”

Jerimaia 9:19

Wa danmwehọ urhu eve vbe Zaiọn, “Ọghe ima fo nẹ! A fa ima an fẹẹrẹ. Te ima gha kpa vbe otọe mwa, I iran guọghọ ima owa a nẹ.”

Emọs 8:10

I gha ru ẹe ne uwa khiokhio eto, na uwa vbe viọ ukpọn akhiẹ ye egbe. Wa ghi ye vbe evbibiemọ ni khiẹ ukpọmọkpa ne iran biẹe. Tẹ ẹdẹ ne ẹdẹrriọ ra wa rriara ne ebi ro.

Habakọk 1:10

Iran i ghe avbe ọba sẹ ọmwa, te iran wa ye avbe ekhaẹmwẹ gbe ogiẹ. Ogba ne a gba ye odẹ ne ọ gha sẹtin da iran yi i rrọọ. Iran gha mama ekẹn ye evba nẹ, iran ghi khọn mu ẹẹn.

Habakọk 1:6

I ra dọlegbe viọ ivbi e Babilọn ye ukpo ẹtin, iran ne isanmwisan kevbe ekpakpasusu nii. Iran wa ladian, ne iran gbe agbọn na dunmwu, ne iran ya gha khọn ẹvbo ọvbehe khian.