Jerimaia 30:21 - Edo Bible (E Baibol Ẹdo) Version 1996

^21-22 Ẹvbo iran ọ re ogie iran gha ke rre ovbiọba iran ghi gha re okpa vbe uwu iran I gha tie ẹre, ọ ghi bu mwẹ gha dee rhunmwuda, de ọmwa ne ohan gha giee rre vbe a ma tie ẹre? Iran ghi gha re emwa mwẹ, mẹ ghi gha re Osanobua iran. Mẹ ne Nọyaẹnmwa tae nẹ.”

Jerimaia 30:21 ပူးပေါင်းရင်းမြစ်များ

Gẹnẹsis 18:27

Ebraham kevbe dọlegbe guan wẹẹ, “Lahọ, ghẹ gui ye udinmwẹ ne I ye ya guẹ guan na Nọyaẹnmwa. Ọmwa kẹkan ọre I khin, I i mwẹ asẹ ne I gha ya ta ẹmwẹ rhọkpa.

Gẹnẹsis 18:30

Ebraham keghi kha wẹẹ, “Lahọ ghẹ gie ohu muẹn Nọyaẹnmwa, I gha ye guan. A deghẹ ọgban kẹkan nọ vbo?” Rẹn wanniẹn wẹẹ, “I i ra ruẹe a deghẹ I miẹn ọgban vbọ.”

Gẹnẹsis 18:32

Ebraham keghi kha wẹẹ, “Lahọ ghẹ mu ohu Nọyaẹnmwa, I gha ye guan uhukpa na kẹkan. A deghẹ igbe kẹkan ọre a miẹn vbọ vbo?” Rẹn keghi kha wẹẹ, “I i ra fuẹn ọẹn ruan a deghẹ a miẹn igbe vbọ.”

Gẹnẹsis 49:10

E Juda gha mu ọkpọ ọba mwẹ uniẹn ọnrẹn ọ ra gha rriọba khian. Avbe okpẹvbo gha ya imuohan giẹẹ iran ghi ye a họn ẹmwẹ gbe uhunmwu kotọ nẹẹn.

II Samuẹl 7:13

Rẹn ọ re ọ gha bọ Ọgua Osa mẹ, I gha vbe mu ẹẹn wẹ te uniẹn ọnrẹn gha rriọba ẹdẹdẹmwẹdẹ.

Ẹzra 2:2

Avbe ọkaolotu iran kegha re Zerubabẹl, e Jọsua, Nehimaia, Seraia, Rilaia, e Modekai, e Bilsian, e Mispa, e Bigvai, e Rehum kevbe Baana. Eni avbe uniẹn ivbi Izrẹl, deba eni emwa nii, kevbe dọmwadẹ uniẹn ni ke iwe rre.

Nehimaia 7:2

I keghi viọ arhin eva yọ ne iran gha khaemwisẹ yan Jerusalẹm, iran na kegha re ọtẹn mwẹ ne okpia ighẹ Hanani kevbe Hananaia ne ọkaokuo ne ọ gbearoghe odin ikhẹgbe. E Hananaia kegha re ọmwa ne ọ gie a muẹtinyan kevbe ne ọ vbe mu ohan Osanobua ne a i vbe miẹn egbọre ọvbehe.

Psalm 65:4

Afiangbe ọrọre ọghe iran ne uwẹ hannọ zẹ, ne uwẹ vbe viọ gha dee do di owa ruẹ ne ọ huanrẹn ya emwi esiesi ni rre owa ruẹ gha sẹ ima ọkẹn, afiangbe ọghe Ọgua Osa ne ọ huanrẹn ruẹn.

Psalm 89:29

Uniẹn ni rri ọba ẹre gha mudia gbain zẹ vbe iso ovbi urho ẹre ọ re ọ gha rri ọba rhinrin ẹdẹ.

Ẹksọdọs 3:5

Osanobua keghi kha wẹẹ, “Ghẹ ghi sikẹ edinran sẹ ọnii. Viọ ibata hin owẹ rre rhunmwuda otọ ne ọ huanrẹn ọre u mudia yan na.”

Aizaia 63:1

“Gha ọna khin ne ọ ke Bozra ne Idọm de yi? Gha ọna khin ne ọ ya ododo han yi, ne ọ ze owẹ kẹe kevbe ẹtin deba iwegbe?” “E Nọyaẹnmwa nọ, ọmwa ne ọ mwẹ ẹtin ne ọ ya miẹn ọmwa fan, ọ ra do kha vbene irẹn khọnmiotọ hẹ.”

Jerimaia 30:9

Sokpan, mẹ ọ re iran ra gha ga, mẹ ne Osanobua iran, kevbe ovbi uniẹn e Devid ne imẹ gha rhie ya ma ọba.

Jerimaia 33:15

Ẹghẹ nii, I ghi zẹ ovbi uniẹn e Devid ne ọ maa, zẹ vbe ọba. Ọba nii gha ru emwi ne ọ ghae kevbe ne ọ hẹnhẹn vbe otọe nii hia.

Jerimaia 49:19

Zẹ vbe oduma ne ọ ke uwa ẹgbo Ẹzẹ Jọdan ladian la uwu oha ne aranmwẹ na rria ne ọ bii nunuunu, I gha rre ne ivbi Idọm ye ugbugbe lẹ hin ẹvbo iran rre. Ẹghẹ nii, ọkaolotu ne imẹ zẹe ghi ghi do gha khaemwisẹ yan avbe uhunmwu ẹvbo. De ọmwa ne a gha ya gie mwẹ yi? De ọmwa ne ohan gha gie ẹe si mwẹ evẹn? De ogie ne ohan gha gie ẹe gbe odan ghe mwẹ?

Jerimaia 50:44

“Mẹ ne Nọyaẹnmwa gha ke uwu ẹgbo ladian zẹvbe oduma, vbe ẹkpo e Jọdan kevbe otọe ne avbe aranmwẹ na rria, I ghi ru ẹe ne ivbi e Jọdan ya ugbugbe lẹ hin ẹvbo iran rre, ẹghẹ nii, ọkaolotu ne I zẹe, gha kha yan otọe nii. De ọmwa ne uwa ra ya gie mwẹ yi? De ọmwa ne ohan gha gie ẹe gunmwẹ suan yi?

Ezikiẹl 37:24

Ọba ne ọ yevbe Devid ne ọguọmwadia mwẹ ghi gha re ọba iran. A gha si iran hia koko ye ototọ enọkhaemwisẹ ọkpa, iran ghi gha ye ekhọekekhọe ya uhi mwẹ ru emwi.

Hozia 1:11

A gha ku ivbi Izrẹl kevbe ivbi e Juda kugbe ne iran gha re ọkpa. Iran ghi koko tobọ iran zẹ olotu ọkpa. Iran ghi dọlegbe gha bun yọ, agbọn ghi maa iran vbe otọe iran. Ẹn, ẹdẹ nọkhua ọre ẹdẹ, Jizrẹl ra gha khin.

Nọmbas 16:40

Ọna kegha re ne ivbi Izrẹl gha miẹn wan wẹ ọmwa ne ẹ i re ovbi uniẹn ọghe Errọn ne ọ ghẹ gha rrie aka do gha giẹn eturari vbe odaro e Nọyaẹnmwa, ne a ghẹ vbe fuẹn ọnrẹn uan zẹ vbe Kora kevbe irogho ẹre. A keghi ru emwi na hia zẹ vbene Nọyaẹnmwa gie Mosis ne ọ tama Eliaza.

Nọmbas 16:5

Iyeke ọnii, ọ keghi tama Kora kevbe ivbi otu ẹre hia wẹẹ, “Vbe owiẹ ẹdẹ na khuẹ, e Nọyaẹnmwa gha rhie ne ọ re ọghe ọe ma ima, ọ gha gie ọmwa nọ re ọghe ọe, ọmwa ne irẹn zẹe, sikẹ ọre vbe aka.

Matiu 2:2

Iran do nọọn wẹẹ, “Ọmọ ne a biẹ ẹe ne ọ do rriọba avbe Ju vbo? Ma miẹn orhọnmwẹ ọnrẹn vbe ọlarre owẹn, ọre ima na gha de do ye uhunmwu rhanmwẹ otọ nẹẹn.”

Matiu 27:37

Iran keghi gbẹnnẹ ẹzọ ne a guẹe gui mu ye odukhunmwu ẹnrẹn. “Ọna ọrọre Jesu, Ọba avbe Ju.”

Matiu 3:17

Urhu ọkpa keghi ke ẹrinmwi rre wẹẹ, “Ọna ọre ovbi mwẹ ni ho ẹmwẹ ọnrẹn, ọmwa ne ekhọe mwẹ rhiẹnrhiẹn ghe ẹsẹsẹmwẹse.”

Iyẹn ne ọ Maan Ọghe Luk 24:26

Ọ ma te kei ra ne Mẹzaia rrioya emwi na hia ne ọ vbe la uwu uyi ẹre?”

Iwinna 5:31

Osanobua keghi tọn ẹn mu gha rrie obọ erha ọmwa ẹnrẹn zẹ vbe ọkaolotu kevbe Ọmiọnmwafan, ne ọ miẹn ehe na rhie ẹghẹ ne ivbi Izrẹl ya ro iro fi uyinmwẹ werriẹ, ne a miẹn ehe na ya orukhọ iran bọ iran.

Ebe ne Pọl gbẹẹn gie emwa Rom 8:34

De ọmwa ne ọ gha ghi bu ohiẹn gbe iran khekherriọ? Kristi Jesu tobọ ẹre ọ wu, ne a wa kha wẹẹ, ọre a huẹn kpaegbe vbe idin, ne ọ rre obọ erha ọmwa Osanobua. Rẹn ọre ọ rinmwian Osanobua ne ima.

Diuteronomi 17:15

Wa gie aro da ẹe wẹ emwa ne uwa zẹ ne ọ gha re ọba ighẹ ọmwa ne Nọyaẹnmwa zẹ nẹ ọ re nọ. Ọ ghi gha re ọkpa vbe uwu avbe ivbi uwa, wa ghẹ ye ọrriọvbe ma ọba uwa.

Diuteronomi 18:18

I gha gie akhasẹ vbe ruẹ ke uwu emwa iran gie iran; I gha tama rẹn ẹmwẹ ne ọ gha ta, irẹn ghi vbe rhie iyi ne I yi hia ma iran.

Diuteronomi 33:5

E Nọyaẹnmwa kegha re ọba emwa rẹn Izrẹl, vbe a ghi si avbe ẹwae kevbe ọkaolotu iran si koko.

Hibru 1:3

Awanwan ọghe uyi Osanobua ọre irẹn ya fi wainwain, rẹn ọrọre ama ọghe vbene Osanobua wa ye zẹẹ, ọ keghi vbe ya ẹmwẹ unu ọghọe ne ọ mwẹ ẹtin mu agbọn vbe ẹrinmwi mwẹ. Ọ ghi kpe emwa ne agbọn huan hin orukhọ iran rre nẹ, ọ keghi ya tota vbe ẹrinmwi vbe obọ erha ọmwa Osanobua ne Ẹtin ne ọ sẹẹ ehia.

I Jọn 2:2

Rhunmwuda Kristi tobọ ẹre ọrọre ne a rhunmwuda ẹre ya orukhọ mwa bọ mwa, ẹ i vbe re orukhọ ọghomwa ọkpa, sokpan orukhọ emwa hia.

Arhie Maan 19:16

A keghi gbẹnnẹ avbe ẹmwẹ na ye ẹwu ne ọ yọe kevbe owẹ ọre wẹẹ, “Ọba avbe iran ne ọba kevbe Nọyan iran ni yaẹn emwa.”