Jerimaia 30:20 - Edo Bible (E Baibol Ẹdo) Version 1996

²⁰ I gha rhie ẹtin nẹdẹ ọghe ẹvbo nii werriegbe ye ihe I ghi dọlegbe gbe ẹre ẹkun sotọ ẹsẹse I gha rri iran ni wọ iran uhunmwu oya.

Jerimaia 30:20 ပူးပေါင်းရင်းမြစ်များ

Psalm 102:18

Wa gbẹnnẹ iwinna ne Nọyaẹnmwa winnaẹn ye otọ, ne avbe orre ni dee, vbene emwa ne a ma he biẹlẹ, gha na rho ẹre.

Psalm 102:28

Avbe ivbi mwa gha rrọọ vbe ai mwẹ ẹbe, kevbe wẹ, rhunmwuda ighe wẹ ọre ọ tan obọ gue iran avbe ivbi iran gha rrọọ zẹ vbe emwa ne ẹkun sẹ ọre otọ.

Aizaia 49:26

I gha ru ẹe ne iran ni wọ ruẹ uhunmwu gha gbele egbe; ayọn izigha kevbe okuosu ghi gha gbe iran iran an. Ẹghẹ nii, emwa ne agbọn hia gha rẹn wẹ, mẹ ọrọre Nọyaẹnmwa ọmwa ne ọ miẹn ruẹn fan, ọ na fan an fua. Iran gha rẹn wẹ mẹ ọrọre Osanobua ne ọ mwẹ ẹtin ọghe Izrẹl.”

Aizaia 51:22

E Nọyaẹnmwa ne Osanobua uwa mu ẹzọ uwa gui nẹ wẹẹ, “I gha miẹn uwa ukpu mwẹ ne I mu ne uwa vbe ẹghẹ ne ohu na gha mu mwẹ. Wa i ghi dọlegbe da ayọn ne ọ ya uwa kpigogo nii.

Aizaia 54:14

Ẹmwata kevbe uhunmwu ẹmwẹ gha ya uwa wegbe. Wa gha fe vbe obọ ukpokpo kevbe ohan.

Jerimaia 2:3

Izrẹl mẹ okpa ọ re ọ te yan ruẹn emwi nọhuanrẹn ọ re u te gha khin mwẹ re I si oya kevbe usẹ ye iran ni kuan ruẹn egbe. Mẹ ne Nọyaẹnmwa taa ẹe nẹ.”

Jerimaia 30:16

Sokpan, ebannian, a gha gbele iran re ighẹ, iran ni te gbe uwa re, a gha vbe munọ avbe eghian uwa gha rrie zẹ vbe oghunmwu. A gha wọ iran uhunmwu ighe iran ni wọọ uwa uhunmwu, iran ni fu uwa emwi viọ, a gha fu iran emwi viọ.

Jerimaia 32:39

I gha rhie emwi okpa kẹkan ne iran hia gha rhie aro yi vbe agbọn iran; ne iran gha ya ọghọ mẹ vbe ẹghẹ hia vbene agbọn gha na maa iran kevbe ivbi uniẹn iran.

Eve Orriara 5:21

Dọlegbe viọ ima rriegbe Nọyaẹnmwa! Viọ ima rriegbe! Rhie uyi mwa nẹdẹ dọlegbe ye ihe.

Zẹkaraia 10:6

“I gha ru ẹe ne ivbi e Juda wegbe; I gha fannọ ivbi Izrẹl vbe irri, I gha tohan iran, I ghi viọ ehia werriegbe rri owa. Iran ghi do yevbe emwa ne I ma he ka he fua ẹdẹ. Mẹ ọrọre Nọyaẹnmwa ne Osanobua iran, I gha họn erhunmwu iran.

Zẹkaraia 10:8

“I gha tie emwa mwẹ, I ghi si iran koko. I gha miẹn iran fan. I ghi vbe gie iran gha bun zẹ vbe ne iran te ka gha ye.

Zẹkaraia 8:5

Ibiẹka ikpia kevbe ibiẹka ikhuo ni zọmọ ghi dọlegbe vuọn ore ẹvbo.