Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jerimaia 30:16 - Edo Bible (E Baibol Ẹdo) Version 1996

16 Sokpan, ebannian, a gha gbele iran re ighẹ, iran ni te gbe uwa re, a gha vbe munọ avbe eghian uwa gha rrie zẹ vbe oghunmwu. A gha wọ iran uhunmwu ighe iran ni wọọ uwa uhunmwu, iran ni fu uwa emwi viọ, a gha fu iran emwi viọ.

အခန်းကိုကြည့်ပါ။ ကော်ပီ




Jerimaia 30:16
44 ပူးပေါင်းရင်းမြစ်များ  

Te obọ gha gba iran ni khuiwu e Zaiọn, ne a khulo iran werriegbe.


Sokpan deghẹ wa họn ẹmwẹ ọnrẹn wa na vbe gha ru emwi hia ne I khare, I gha gu eghian uwa hia gbinna, I ghi mu aro igbinna da iran.


E Nọyaẹnmwa ọ re ọ ra gui ẹzọ iran ne iran, ọ ghi niẹn obọ ye iran aro ighe avbe emwa ni vbe niẹn obọ ye iran aro.


Uhunmwu ẹvbo nibun gha ru iyobọ ne Izrẹl ne iran ya dọlegbe gha die otọe ne Nọyaẹnmwa mu ne iran, evba nii, avbe uhunmwu ẹvbo nii hia ghi vbe gha ga Izrẹl zẹ vbe ọviẹn. Avbe iran ni te khọn miẹn Izrẹl otọ, Izrẹl ghi khọn miẹn iran otọ, ivbi Izrẹl ghi gha kha yan iran ni te ka gha wọ iran uhunmwu.


Ọghe avbe eghian mwa fo nẹ! Iran rhare, iran rhie emwa maa, a gha rhe miẹn wẹ ọmwa rhọkpa ma rha iran ra ne a rhie iran maa sokpan, ẹghẹ ne iran ya rha, ke ne iran ya rhie ọmwa maa gha sẹ ufomwẹ, iran tobọ iran ghi do khian ne a ghi rha ke ne a ghi siuma rẹn.


Adeghẹ ọmwaikọmwa guẹ gbinna, te ọ ru ẹe vbene imẹ ma na kue yọ, ọmwaikọmwa ne ọ guẹ gbinna gha de.


Sokpan, emwi igbinna ọkpa ne ọ gha sẹtin kuan ruẹn egbe i rrọọ; te u gha miẹn ẹmwẹ zẹ wanniẹn ọmwa ne ọ rhirhi ba ruẹ ifi ẹzọ. I gha gbinna ne eguọmwadia mwẹ. I ghi gie iran khọnmiotọ.” E Nọyaẹnmwa taa ẹe nẹ.


Mu ohu ruẹ aro da, avbe uhunmwu ẹvbo ni ma ga a, kevbe avbe emwa ni he uwẹ yotọ. Iran gbele avbe emwa ruẹn uan iran fuẹn ima an fẹẹrẹ, iran keghi ye ẹvbo ima khian itowa.


E Nọyaẹnmwa khare wẹẹ, “I mwẹ ẹmwẹ ne I gha tama avbe ẹdogbo Izrẹl, emwa ni rhia rua a ighẹ otọ ne I mu ne ivbi Izrẹl, ne emwa mwẹ. I gha viọ emwa nii hin ẹvbo iran rre zẹ vbene a vbokho ovbi erhan, I ghi vbe miẹn e Juda fan vbe obọ iran.


Izrẹl mẹ okpa ọ re ọ te yan ruẹn emwi nọhuanrẹn ọ re u te gha khin mwẹ re I si oya kevbe usẹ ye iran ni kuan ruẹn egbe. Mẹ ne Nọyaẹnmwa taa ẹe nẹ.”


“ ‘Vbe iyekọnii, I gha do rri e Babilọn kevbe ọba ẹre oya ye orukhọ iran. I gha fuẹn ẹvbo nii, I gha ya ẹe khian itowa ẹdẹdẹmwẹdẹ.


Wa ghẹ ghi talọ ye ẹmwẹ ẹwẹn uwa, ukhunmwu ne ọ ra mu uwa egberran i rrọọ I rri uwa oya vberriọ rhunmwuda orukhọ uwa bun uyinmwẹ dan uwa vbe kpọlọ.


(Iran ni lẹ vbe owa, lẹ hin e Babilọn rre gha die Jerusalẹm. Iran na iyẹn vbene Nọyaẹnmwa rria ikhi ye ẹmwẹ vbene ivbi e Babilọn ru Ọgua Osa ẹre hẹ.)


Avbe eghian ima sẹẹ ore Dan nẹ, ma họn vbe ẹsin iran hiọnrọn. Ẹvbo ni hia ọ re ọ mu rueghe vbe ẹsin iran a tu. Eghian ima rre nẹ, ne iran do rhia otọ ima kevbe emwi ni rrọọ hia a, ore ẹvbo mwa kevbe emwa ni rrọọ.”


“Danmwehọ ikhiẹkhiegbe mwẹ ọmwa ne ọ ra fu mwẹ ẹko rre i rrọọ. Avbe eghianmwẹ wa ghọghọ ua ighe u gie ọkhọ rruan mwẹ. Gi ẹdẹ ne u buruu ni gele rre, gie eghian mwẹ rrioya zẹ vbe mwẹ.


“Bu abe gbe iran ye emwi dan ne iran ru, rri iran oya zẹ vbene u rrii imẹ oya ye orukhọ ne imẹ ru. I gha khiẹkhiẹ egbe vbe uwu usẹ ekhọe mwẹ hia vbe khuọnmwi.”


Ẹghẹ nii, ivbi Igipt hia gha rẹn ighe mẹ ọrọre Nọyaẹnmwa.” E Nọyaẹnmwa khare wẹẹ, “Ivbi Izrẹl mu ẹtin yan uwa ne ivbi Igipt wẹ wa ọ re ọ ra yi iran obọ, sokpan, wa ma maa sẹ erhan ne zẹghẹzẹghẹ.


“Oghian ne ẹ i mwẹ erọkhọrọkhọ ọ re uwa gha khin Izrẹl re, wa keghi gie emwa gha lọkọ emwa rẹn vbe ẹghẹ odekun ẹrhia; ẹghẹ ne a na rria ẹre ikhi ọfovbotọ ye orukhọ ne ọ ru.


I gha ru ẹe ne a vbe khiẹnnẹ ivbi uwa nikpia kevbe ne ikhuo gha rrie Juda. A gha khiẹnnẹ iran ne ivbi e Sabe, ne ẹvbo ne ọ rrei ẹsẹse. Mẹ ne Nọyaẹnmwa ta ẹe nẹ.


Uhunmwu ẹvbo si koko, ne iran mu okuo gie uwa. Iran wẹẹ, “Te a gha dunmwu e Jerusalẹm sẹ otọ. Ma gha ya ẹvbo na khian itowa!”


Ẹghẹ nii, avbe eghian mwa gha miẹn ọẹn, efaa ghi rruan avbe eghian nii ni ye ima gbe ogie wẹẹ, “E Nọyaẹnmwa ne Osanobua uwa vboo?” Aro mwa gha sẹ ọe vbe a gha khọn miẹn iran otọ, a gha ya owẹ rrilo iran mu otọ zẹ vbe ọrho vbe adesẹ ore.


Ọ fuẹn avbe eghian rẹn uan fẹẹrẹ, zẹ vbe orogho nọkhua ne ọ khọn khian, iran ni gbe odan ghe ẹre, ọ gha wa viọ iran la uwu.


Erriọ ọ re a gha vbe ya ekhue yọ uwẹ ẹwu ye ihe uyi ne a gha te rhie ne uẹn, wẹ tobọ ruẹ gha da ayọn, u ghi gha ya owẹ fi otọe dọn khian. E Nọyaẹnmwa gha mu ukpu irri oya ọwuẹ ne uẹn wọn, a gha fi uyi ruẹ werriẹ ghe efaa.


E Nọyaẹnmwa ne Oghodua khare wẹẹ, “I họẹn vbe ivbi e Moab kevbe Amọn zan emwa mwẹ iran keghi vbe tie ihen ne iran, iran keghi vbe rhuọ wẹ iran gha miẹn iran otọ iran.


Odibosa keghi tama mwẹ wẹ ne I ya mu ẹmwẹ ne Nọyaẹnmwa ne Oghodua ta ẹe ni go wẹẹ, “I mwẹ aho kevbe ẹnina nọkhua ghe Jerusalẹm ne ẹvbo mwẹ nọhuanrẹn.


Ohu avbe ẹvbo nii ne ọfurre kevbe ne ọfumwegbe ye wa mu mwẹ. Rhunmwuda, ẹghẹ ne imẹ na gha si egbe vbe ẹmwẹ ohu emwa mwẹ ne ọ mu mwẹ, avbe uhunmwu ẹvbo na kegha tua oya nẹ emwa mwẹ re sẹẹ ayọ.


“I gha ye Jerusalẹm khian vbene ukpu ayọn ye, avbe ẹvbo ni lẹga ẹre gha da ẹe, iran ghi gha ye owẹ fi otọe dọn zẹ vbe ọdayọn. Iran gha mu okuo la e Jerusalẹm, iran gha vbe mu okuo la avbe okpẹvbo nekpa ni rre Juda.


E Nọyaẹnmwa gha si avbe uhunmwu ẹvbo hia kugbe ne iran do gu e Jerusalẹm gbinna. A gha khọn mu ẹvbo nii, a gha fu emwi ni rre owa vbọ viọ. A gha mu avbe ikhuo ni rrọ yagha. A gha wa ẹvbo nii ye ihe eva, obọkpa vbọ gha yo iwe, sokpan, a i ra viọ iran ni ghi dekẹe hin ore ẹvbo rre.


E Juda gha dọlegbe do gha re emwiobọ kpataki ọghe Nọyaẹnmwa vbe otọe ọre nọhuanrẹn, e Jerusalẹm gha do gha re okpẹvbo ne irẹn gha ho ẹmwẹ ọnrẹn sẹẹ ehia fẹẹrẹ.


Ọmwaikọmwa ne ọ fi uwa emwi, emwi ne ọre eghẹnghẹn mẹ, ọre ọ fi ẹre emwi.” Rhunmwuda ọnii, e Nọyaẹnmwa ne Oghodua keghi gie mwẹ uhunmwu na bu avbe uhunmwu ẹvbo ni fu emwa rẹn emwi viọ gha rrie wẹẹ,


Rẹn ghi khuẹ avbe ihẹn na hia gie avbe eghian uwa, iran ni gha khu iwu uwa, iran na vbe gha zẹ uwa kpokpo.


Ọmwa ne a kha nẹ ighẹ te a ra mu ẹre izẹghede, te a ra gele mu ẹre izẹghede, ne a wẹ a gha ya umozo gbe ua, te a ra gele ya umozo gbe ẹe ua. I ziengbe kevbe iyayi ọre ọ na nọ rẹn vbe obọ emwa Osanobua.”


Ivbi Izrẹl keghi werriegbe vbe ehe ne iran na te khulo ivbi e Filistin khian, iran keghi fu iran emwi viọ vbe agọ iran.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ