Jerimaia 30:14 - Edo Bible (E Baibol Ẹdo) Version 1996

¹⁴ Avbe enida uwa hia he uwa yotọ, iran i ghi zẹdẹ zẹ ye uwa ẹre. Mẹ gu uwa gbinna zẹ vbe eghian mwẹ oya ne ọ wegbe ọ re a rrii uwa re rhunmwuda orukhọ uwa bun, uyinmwẹ dan uwa vbe kpọlọ.

Jerimaia 30:14 ပူးပေါင်းရင်းမြစ်များ

Job 16:9

“Osanobua yanghan mwẹ obọ vbe owẹ hẹ kua, rhunmwuda ighẹ ohu mu ẹẹn, ọ keghi suku aro a gha ghe mwẹ.

Job 19:11

Ohu mu Osanobua, ọ gha vannọ okan yan mwẹ, obọ ne ọ ya mu oghian rẹn, dan ọ re ọ ghi ya mu mwẹ.

Job 30:21

Obọ dan ọ re uwa ya mu mwẹ na, u wa ya ẹtin ruẹn hia gha khu mwẹ khian.

Psalm 107:17

Eso kegha re akpa vbọ, iran ni gha rri oya ba ẹmwẹ orukhọ iran, kevbe ba ẹmwẹ ọkhọ ne iran ru.

Aizaia 57:13

Wa gha nọ iyobọ, wa gie avbe amazẹ uwa ni ye uwa obọ. Ovbi ẹhoho kherhe ọ re ọ ra hoho iran gha rrie. Sokpan iran ni mu ẹtin yan mwẹ gha di otọe ni ya, iran ghi vbe gha ga mwẹ vbe uwu ọgua Osa mwẹ.”

Jerimaia 14:17

E Nọyaẹnmwa keghi yan tama mwẹ wẹ ne I ta ẹmwẹ akhiẹ mwẹ ma emwa nii, ne I tama iran wẹẹ: “Te ameve gha lẹ vbe aro mwẹ ke avan kevbe asọn I i gha dobọ eve ne I viẹ iran re yi rhunmwuda ẹwẹn ne ọ da ọ re a fian avbe emwa mwẹ re, obọ wa vbe daa iran.

Jerimaia 2:36

Wa ye egbe uwa khian ekẹkẹ ẹbo vbekpa ne uwa na gha rrie ọghe ẹbọ ẹrrẹe. Igipt gha hiẹ uwa zẹ vbene Asiria vbe hiẹẹ uwa.

Jerimaia 22:20

Ivbi e Jerusalẹm, wa gha rrie Lebanọn ya go, wa gha rrie Basian ya viẹ wa ke oke Moab da tie emwa rhunmwuda, obọ ke okhunmwu ne iran ni deba ruẹ hia nẹ.

Jerimaia 22:22

Ẹhoho gha hoho avbe ọkaolotu ruẹ gha rrie, a gha munọ iran ni deba ruẹ zẹvbe oghunmwu okuo. A gha fa ẹvbo ruẹ, ekhue gha mu ẹẹn rhunmwuda emwi dan hia ne u ru.

Jerimaia 30:15

Wa ghẹ ghi talọ ye ẹmwẹ ẹwẹn uwa, ukhunmwu ne ọ ra mu uwa egberran i rrọọ I rri uwa oya vberriọ rhunmwuda orukhọ uwa bun uyinmwẹ dan uwa vbe kpọlọ.

Jerimaia 32:29

Iran ghi vbe mu erhẹn yọ. Iran gha giẹn ọnrẹn sotọ, deba avbe owa nii ne emwa na ya gha ye ohu mu mwẹ vbekpa ne iran na gha giẹn eturari ne Baal vbe okpo, kevbe ne iran na gha sa ayọn imuohan kua ne avbe ẹbọ.

Jerimaia 32:30

Wa ke omuhẹn okha ẹdagbọn iran kpao, ọ re ivbi Izrẹl kegha ho mwẹ ẹmwẹ, iran na gha ye ohu mu mwẹ vbekpa emwi ne iran ru.

Jerimaia 32:34

Uhin ighẹ te iran ya mu amazẹ ẹwia iran ye uwu Ọgua Osa, ehe ne a bọe ne a na gha ga mwẹ, iran mu awua yọ nẹ.

Jerimaia 32:35

Iran bọọ Ogiukpo ne Baal vbe Iya Hinọm, ne iran ya gha ya ivbi iran nikpia kevbe nikhuo zọ ese vbe evba ne ẹbọ ne a tie ẹre Molẹk. Mẹ ma tama iran ne iran ru emwi na, ọ ma vbe gha zẹdẹ rrọ mwẹ ekhọe wẹ ne iran ru emwi vberriọ, ne iran ya si emwa e Juda obọ fi orukhọ.”

Jerimaia 38:22

“Vbe umian nii, I keghi bẹghe vbe a viọ avbe ikhuo ne a sẹrae vbe ẹguae Juda bu ekhaẹmwẹ e Babilọn khian. Danmwehọ emwi ne iran gha ta vbe iran khian: “ ‘Avbe ọse ọba ni sikẹ ọba sẹẹ ọ re ọ bibi ẹre odẹ, iran keghi khuan ẹre ẹmwẹ uan, eban na, owẹ ọre ghi ziẹn ye uwu ọrho nẹ, avbe ọse ọre lẹẹ sẹ ọe rae.’ ”

Jerimaia 4:30

E Jerusalẹm, ọwuẹ fo! Vbe u a ghi na ya ododo han hẹ yi? Vbe u a na viọ ikpẹrọnmwọ ye egbe hẹ? Ne u na vbe ba itiro? Te u wa te egbe ne u ba gha mose kẹkan, avbe enida ruẹ hee uẹ yotọ ne, iran ho ne iran gbuẹ ua.

Jerimaia 44:22

Vbe ẹdẹnẹrẹ na nian, ẹvbo uwa khian itowa, ọmwarhọkpa i ghi vbe rrọọ. Ọ khian emwi ne ọ mianmwẹ ughe, te emwa ghi vbe ye eni ẹnrẹn tie ihẹn, rhunmwuda, e Nọyaẹnmwa ma ghi sẹtin fi aro ua ye uyinmwẹ dan, kevbe emwi dan hia ne uwa ru.

Jerimaia 5:5

I gha ya iwegbe bu iran na gha khian, ne I ya gu iran guan. Vbe ne ẹmwata, iran rẹn emwi ne Osanobua iran ho. Emwi ne Nọyaẹnmwa ho ne iran ru.” Sokpan iran hia ọ re ọ wa he ne iran gha rre ototọ asẹ e Nọyaẹnmwa, iran he ne iran họn ẹmwẹ ne ẹẹn.

Jerimaia 5:6

Onii ọ sii ẹe ne oduma gha na ke uwu ẹgbo rre do gbele iran an. Akpakomiza gha ke uwu ato rre do yanghan iran an, atalakpa ghi do gha ru ohuẹ vbe ore iran. Avbe emwa nii gha ladian, a gha yanghan iran an, rhunmwuda orukhọ iran bun. Iran keghi fi iyeke gbe Osanobua yan egbe yan egbe.

Jerimaia 50:42

Iran viọ uhanbọ kevbe umozo iran mwẹ obọ nẹ ekhọe iran wegbe, iran i vbe mwẹ itohan urhu iran yevbe ọghe okun ne ọ vannọ vbe iran a gha hin ẹsin iran khian. Iran mu egbe ne iran ya khọn e Babilọn.

Jerimaia 6:23

Iran viọ uhanbọ kevbe umozo iran nẹ, emwa ni mwẹ ekhọe ne ọ rri kevbe ne ẹ i mwẹ itohan ọre iran khin. Urhu iran yevbe ọghe okun ne ọ davan vbe iran hin ẹsin iran khian. Iran mu egbe ne iran ya khọn e Jerusalẹm.”

Eve Orriara 1:19

“I kegha datie iran ni ima gba ru, sokpan, iran hee ne iran do yọmwẹ obọ Avbe ohẹn kevbe avbe ọkaolotu emwa keghi wulo lele adesẹ ore; Vbe iran te gualọ evbare ne iran gha ya do orhiọn yi.

Eve Orriara 1:2

Te ọ wa viẹ ne ẹdẹ gbe ameve ghi gha rhọ kua vbe aro ẹre. A ma miẹn ne ọ ghi kẹe ne ọ do fu ẹre ẹko rre vbe uwu avbe ọse ne ọ te ka mwẹ. hia. Iran ni te ga gie ẹe hia hiẹ ọre te ehia ghi mu aro da irẹn na.

Eve Orriara 2:1

Ohu mu e Nọyaẹnmwa ọ keghi ya ebiebi gue Jerusalẹm muotọ. Ọ ye ose ẹre ọghe ẹrinmwi khian ne ọ la ọrhiae rrie. Vbe ẹdẹ ne ohu gele wa muẹn uhin ighe te ọ fi iyeke gbe Ọgua Osa ẹre.

Ezikiẹl 23:22

“Rhunmwudọnii nian, Oholiba, vbenian ọ re imẹ ne Nọyaẹnmwa ne Udazi tama ruẹn. Ẹgbẹ avbe ọse ruẹ nii wọọ ruẹ nẹ, sokpan, I gha ru ẹe wẹ ne ohu ruẹ gha mu iran, ne iran vbe rre do dolẹga ruẹ.

Ezikiẹl 23:9

Mẹ keghi rhie ẹre ne ivbi e Asiria ni zẹ ọre ọse, ne aro irẹn wa vbe ye ẹsẹse.

Daniẹl 9:11

Izrẹl hia rraa uhi ruẹ, iran ma vbe danmwehọ ẹmwẹ ne uwẹ tae. Ma rukhọ ghe ruẹ, wẹ keghi gie ihen ne a tie ye Uhi e Mosis ne ọguọmwadia ruẹ sẹ ima egbe.

Daniẹl 9:13

U na rrii ima oya hia ne u gbẹnnẹ ye uhi e Mosis. Uhin ye do sẹ wanwanna nian Nọyaẹnmwa, Osanobua mwa, ma ma he ye hia ne a ru emwi ne ọ yẹ ruẹ.

Daniẹl 9:5

Ma ru orukhọ, emwa dan ma wa vbe gha khin, ma ba emwi kuu ru. Ma rhie obọ gberra emwi ne uwẹ ne ima ru, ma keghi vbe fi iyeke gbe emwi ne uwẹ khare ighe ọ gbae.

Hozia 5:14

I gha gu ivbi Izrẹl kevbe Juda gbinna zẹvbe oduma. Mẹ tobọ mwẹ ọ re ọ ra yanghan iran hẹkua. Ẹghẹ ne I gha na silo iran kpao, ọmwa ne ọ gha sẹtin miẹn iran fan i rrọọ.

Obedaia 1:7

Iran nii ne uwa gba ye egbe khian hiẹ ruẹ. Iran khu ẹ hin ẹvbo ruẹ rre, iran ne uwa te gba rrọ kugbe vbe ọfumwegbe, ọ re ọ ghi do khọn ruẹn mu otọ. Avbe esiọ ne uwa gba rri evbare ọ re ọ ghi khuẹn ifi khẹ ruẹ. Ẹmwẹ ne iran ghi ta vbe ekpa ruẹ ọrọre: ‘Iguemwi ẹnrẹn ni hia ghi vbo yi?’