Jerimaia 30:11 - Edo Bible (E Baibol Ẹdo) Version 1996

¹¹ I gha bu uwa rre, I ghi do miẹn uwa fan I gha fuẹn iran an ighe avbe uhunmwu ẹvbo hia ne I zagha uwa gha rrie. Sokpan mẹ i ra fuẹn uwa a fẹẹrẹ, mẹ i ra wa sẹ uwa rae vbe na i na rri uwa oya. Sokpan, I gha ra rri uwa oya, I ga ruẹe vbe ne ọ ke yi. Mẹ ne Nọyaẹnmwa tae nẹ.”

Jerimaia 30:11 ပူးပေါင်းရင်းမြစ်များ

Psalm 6:1

E Nọyaẹnmwa, ghẹ gun mwẹ gui, vbe ohu mu ẹẹn, ghẹ rrio mwẹ oya vbe izohu ruẹ,

Ẹksọdọs 34:7

Mẹ vbe mu eyan mwẹ sẹ igba arria isẹn vbe inu ihe ne ọ khin. ne ọ ya iba, ọkhọ, kevbe emwi dan bọ ọmwa, sevba ne ẹ i mianmian ne ọ ya rria ikhi orukhọ ne avbe erha iran ru vbe egbe ivbi iran ya sẹ orre ne ogienẹ.”

Aizaia 43:25

Vberriọ, mẹ ọrọre Osanobua ne ọ ye orukhọ uwa bọ uwa. Te I ru ọna rhunmwuda egbe ọmwa ne imẹ khin. Mẹ i ra ka orukhọ uwa ye uwa urhu.

Aizaia 8:10

Wa mwamwa emwi hia! Sokpan, erhọkpa i dunna. Wa guan yan emwi hia ne uwa ho ne uwa guan yan. sokpan erhọkpa i mwẹ esa, rhunmwuda Osanobua rrọọ yaba mwa.

Jerimaia 1:8

Ghẹ gie ohan iran mu ẹẹn rhunmwuda, I gha mudia ke uẹ ne I degue ruẹ. Mẹ ne Nọyaẹnmwa ọ re ọ tae.”

Jerimaia 10:24

Dia emwa ruẹn ye odẹ Nọyaẹnmwa, sokpan, ghẹ gie obọ da mwa gbe, ra ne u rri ima oya vbe ohu a gha mu ẹẹn, ne a ghẹ miẹn wẹ ọghe ima fo ye evba.

Jerimaia 15:20

Zẹ vbe ọghe ne ọ kan uwẹ kan iran, I gha ru ẹe ne u gha yevbe ekẹn ne ọ wegbe ne a ye oze gbe. Iran gha guẹ gbinna, sokpan, obọ iran i ra gba ruẹ. I gha mudia ke uẹ ne I degue ruẹ, ne emwi rhọkpa ghẹ ru uẹ.

Jerimaia 4:27

(E Nọyaẹnmwa tae nẹ, wẹ otọ agbọn hia gha khian ne ọ rhia ẹe, sokpan wẹ rẹn i ra fuẹn ọnrẹn uan fẹẹrẹ.)

Jerimaia 5:10

I gha gie avbe eghian ne iran do giagia azara emwa mwẹ ku otọ, sokpan, ne iran ghẹ wa fuẹn ọnrẹn uan fẹẹrẹ. I gha wẹ ne iran giagia ẹre abọ kua, rhunmwuda, avbe abọ nii i re ọghomwẹ.

Jerimaia 5:18

E Nọyaẹnmwa khare wẹẹ, “Uhin do sẹ egbe ẹghẹ ne a kha na, mẹ i ra ye wa fuẹn emwa mwẹ fo.

Eve Orriara 3:22

Aho ẹmwẹ ọmwa ne ẹ i fira kevbe itohan ọghe e Nọyaẹnmwa ye rrọọ rhinrin,

Ezikiẹl 11:13

Ehe ne I na wa guan ẹmwẹ akhasẹ nii, e Pelatia degbotọ, ọ keghi wa wu. I keghi de mu aro rhuotọ, I na datu wẹẹ, “Ẹ i re erriọ, e Nọyaẹnmwa ne Udazi, te u ra wa gbele emwa ni ghi kẹe vbe Izrẹl hia fo ra?”

Ezikiẹl 6:8

“I gha gie eso vbọ lẹ ugbemwẹ na fe, ne a zagha iran gba avbe uhunmwu ẹvbo hia,

Hozia 11:9

Mẹ i ra ya ohu rri uwẹ oya. Mẹ i ra dọlegbe fuẹn Izrẹl rua ọvbehe rhunmwuda, Osanobua mẹ khin ighe ẹ i re ọmwa kẹkan. Mẹ, ne Ọmwa Nọhuanrẹn, mẹ gu uwẹ rrọ. Mẹ i ra ya ohu bu rua rre.

Levitikọs 26:44

Ọ rhe ye vberriọ, ugbẹn vbe iran a gha rre ẹvbo eghian iran, I i ra wa fi iyeke gbe iran fo, ra ne I fuẹn iran an fẹẹrẹ. Ọnii gha rhie ufomwẹ ye ile ne imẹ gu iran ta sevba mẹ ọre Nọyaẹnmwa Osanobua iran.

Matiu 1:23

“Nene uvbi gha hanmwa, ọ gha vbe biẹ ọmọ okpia ọkpa, a ghi he ẹre Imanuẹl.” Emwi ne a ya ọnii kha ọrọre “Osanobua rrọọ yaba mwẹ.”

Matiu 28:20

Wa ma iran ẹre ne iran gha yin zẹ vbene I yi ẹre iyi ne uwa. Wa yerre wẹ I gha gu uwa gha rrọọ vbe ẹghẹ hia rhinrin ya sẹ ufomwẹ agbọn.”

Iwinna 18:10

rhunmwuda, I rrọọ yaba ruẹ. Ọmwa ne ọ gha sẹtin ruẹ emwi rhọkpa ẹ i rrọọ, rhunmwuda emwa ni re ọghomwẹ bun vbe ẹvbo na.”

Diuteronomi 4:31

Osanobua ne ọ mwẹ itohan rẹn khin. Rẹn i ra he uwa ye otọ ra ne ọ fuẹn uwa a, rẹn tobọ re i ra vbe mianmian ile ne irẹn gu avbe erha uwa odede ta.

II Timoti 4:22

Te Nọyaẹnmwa gha yaba orhiọn uwa. Te ẹsọhẹ Osanobua gha gu uwa hia gha rrọọ.